1. السلام عليكم ورحمة الله وبركاتة


2. جدة - دبي - فيينا - دبي جدة

السلام عليكم ورحمة الله وبركاتة

هذه تجربتي في النمسا .. وان كانت في صيف 2006 , الا انني ارى ان افضل وقت لطرحها الان , عسى الله ان ينفع بها من نوى السفر لهذه الدولة الجميلة.
لن اطيل الحديث ,, سأختصر وسأكثر الصور ,, والسبب ان هناك العديد من التقارير المفصله والتي استفدت منها استفادة كبيرة - واتمنى ان تستفيدو منها - ولكن هناك بعض الفنادق التي قمت بتصويرها , وبعض الاماكن التي ذكرت في التقارير و عندي صور لهاوبعض الملاحظات.
الرحلة: على طيران الامارات

جدة - دبي - فيينا - دبي جدة

مثلا من الاخطاء التي وقعت بها هنا , وبحكم انها كانت اول سفرة لي لاوروبا , قلت لنفسي .. ليش تروح من ديرة الى ديرة - حيث يفضل معظم المسافرون العودة من ميونخ - وهو قرار صائب 100% لسبب بسيط
انا نزلت في فيينا , ثم توجهت الى سالزبروغ بالسيارة حوالي 300 كلم ثم الى زيلامسي بالسيارة حوالي 100 المسافة ثم عدت من زيلامسي الى فيينا بالسيارة حوالي 400 كلم , بينما ميونخ لا تبعد عن زيلامسي اكثر من 120 كلم تقريبا !!
جا في بالي حدود , وزحمة وليش جاي ومتى راجع , ولكني عرفت اني تفكيري في غير محلة عندما دخلت المانيا بالغلط وانا في سالزبروغ !!!
على طاري السيارة ,, انا وصلت فيينا وقضيت يومين , خلالها تنقلت بالمترو واحيانا نادرة تاكسي , واستأجرت سيارة ومن مكتب الايجار على طول على سالزبورغ و في العودة اول ما وصلت فيينا سلمت السيارة ,, وهذا شيء حلو سويته - يعني تفكيري مو دايم غلط - لانك في فيينا بتضيع المدينة كبيرة و وين تلاقي مواقف والمترو يوصلك لاي مكان تبغاه ويتيح لك تتمشى شوي على رجولك ايضا.
وعلى طاري السيارة ايضا , اذا لغتك جيدة فالسيارة خيار رائع وربما يصل الى ( لابد منه)
في الطريق من فيينا الى سالزبروغ ,, بتشوف المناظر هاذي والله يعينك عليها
و في سالزبروغ فمجرد انك تحدد الاماكن اللي بتروحها من هذا المنتدى العملاق ومن تجارب الاعضاء المميزن , وهناك من عند الريسيبشن اسال كيف تروح لهذا المكان سويت كذا والموظفي في الريسبيشن كانوا يطبعون لي خريطة توضح الطريق
وفي زيلامسي السيارة جدا مريحة , تتمشى براحتك في السفر و تتمشى براحتك في زيلامسي خصوصا لان التمشية في السيارة في زيلامسي غير , وزيلامسي كلها على بعضها كيلوين في كيلوين .. وعلى شان تفهم قصدي ,, هاذي زيلامسي
شفت زيلامسي , صغنطوطة , والسيارة فيها ممتعه خصوصا اذا مشيت في الارياف وسمعت صوت الاجراس المعلقه على رقاب البقر
من الأخطاء اللي ارتكبتها في سفري - مع كامل الاحترام لمدينة دبي الجميلة , ولكني في رحلة العودة - خصوصا شهر عسل - قررت البقاء في دبي 3 أيام ولكن مثل ما تعرفون حر وتكون راجع من طبيعة خلابة, وهاذي وجهة نظر شخصية , يعني اذا مخطط تجلس في دبي لا تطول أو اجلس الفتره اللي ناويها في دبي في زيلامسي.
يعني بصراحة قضيتها (فندقه) والفيرمونت الجميل لعب دور في جمال الزيارة لدبي
ونصيحة اخيرة ومهمه ,, اذا معاك سيارة استأجر فندق في اي مكان في زيلامسي , صح الكثير يفضلون الاطلالة على البحيرة لكن ان ما حصل - مع كثرة التقارير اللي ما تمدح قراند - وزحمة السي هوتيل , فمثل ما ذكرت زيلامسي صغنطوطة يعني سيارتك معاك اسكن لو تبي في الجبل