شاكرتلك على الموضوع الجميل والشيق صراحة
بالنسبه لي
التسوق باي وقت ولا اكون مخصصه له ايام او في نهاية الرحله هذا عانيت منه في اول سفره لي
حمل وزن زائد من ملابس واغراض اخرى
بالنسبه لي ما خذيت وياي معاي الجبن اللي انا احبه مع بعض انواع القهوه المفضلة لي وافتكرت انه راح الاقيه هناك
حجز للفنادق مبكرا مع تذاكر الطيران الداخلي
عدم حمل السوائل والكريمات والشامبو والبلسم وادوات حاده مثل السكين المقص الموس
العطورات والزقاير داخل الطياره في الحقيبه الشخصيه ممنوع ويأخذ منك
((((((((( وهذا كله اخذو منا لأنا ماعندي علم بها الشيء )))))))
الأماكن اللي مارحت لها
شنق ماي وكاشنبوري ودي اروحلهم ان شاءلله
ورحلة الفيشنج الصيد بخاطري عشان ولا مره رحت حداق بالكويتي

اكبر خطأ يقع فيه المسافر هو عدم الاعداد المسبق للرحلة
مثل الميزانية
عدد الليالي
الاماكن المخصصة للزيارة
واذا ما كان قد زار تلك الاماكن فالمطلوب التنويع ليس العودة الى نفس الاماكن

أخي الغالي
عبدالله الكويتي
مشكور على موضوعك التحاوري الرائع بين أعضاء بوابة تايلاند .
بالنسبة لي أرى ان اهم خطأ أرتكبته في رحلتي السابقة قبل أسبوعين هو عدم إطلاعي على بروشر الرحلات التي قمت بحجزها في تايلاند والتأكد من كتابة أماكن الزيارة في إيصال الدفع ، فقد ذهبت الى مكتب وعملت حجز لعدد من الرحلات ولاني كنت مستعجل فلم اقم بالتدقيق في إيصالات الدفع وعند ذهابي لبعض الرحلات فؤجئت بعدم إشتمال البعض منها على بعض الأماكن التي اتفقت مسبقاً مع المكتب على زيارتها ، لذلك أنصح كل مسافر الى تايلاند بالإطلاع على بروشر الرحلات جيداً وأن يؤكد على صاحب محل الرحلات في كتابة برنامج الرحلة بالتفصيل في إيصال الدفع حتى يضمن عدم التلاعب بحقه أو إهمال بعض المحطات من بروشر الرحلة الأصلي ، لذلك وجب التنوية .
والأماكن التي تندمت لعدم زيارتها هي سوق الأحد في العاصمة وكذلك السوق العائم ( الفلوتج ماركت ) ، وهما موجودين في العاصمة بانكوك .
العذر منكم على الإطالة يا حبايب .

سالم بن سيف
الحمد لله على السلامة اخوي سالم
واخيرا سافرت ،،، كيف الرحلة تمام

الاخطاء وارده في كل مكان فالخطاء الي ارتكبته في السفره الي طافت قبل سبوع كان معاي قروب مكون من 11 شخص من ضمنهم انا وانا قائد الرحله فتم اختيار بتايا المهم انا كلمتهم وقلتلهم اي سكن تبون قالو ماندري المهم انا حجزت لنفسي عن طريق الهاتف من الكويت 6 غرف فندق ^&&&&& وباقي 7 ماحجزو اول ماوصلنا ولا كل الفنادق فول
سكنو بفندق مرين بلازا الي ماينسكن فيه للراحله فيه قعدو فيه 4 ساعات ولقينا لهم فندق بوتيك لاني فريت كل الفنادق مافي الى بين منشن لان الوقت يسبق عيد الماي ف تلقى الاماكن فول وهم 7 لازم يسكنون مره وحده
والي مازرتها انا رحت 4 مرات وكل مره اقول بروح شانق ماي وبوكت وما اروح واقعد ببتايا
وانشالله اخر خمسه بروح ل شانق ماي وبوكت =--- يصير خير ههه

شكرا اخي عبدالله على هذه الفكره الجديده الجميله 0
بالنسبة لي : الخطأ الي ارتكبته 1- عدم زيارة السوق العائم ( فلوتنج ماركت )
2- كنت اركب بجانب سواق التاكسي ( يعني في المقعد الامامي ) وهذا فيه خطوره خاصة اذا كان السواق فيه نوع من الاجرام0
3- شراء العود من تايلند ( لانه صار مغشوش لدرجة ان الوالد يوم شغله صار العود كأنه ورق محروق يعني تفتفت مثل الرماد )

السلام عليكم يا اعضاء المنتدي
بالنسبة لي انا الاخطاء هي اني قعدت بتايا 6 او 7 ليالي وجزيرة بوكت قعدت فيها 5 ليالي المفروض العكس اكثر مدة لازم اقعد فيها بوكت لانه الجزيرة لا تمل منها .
الاماكن التي لم ازورها وتحسفت عليها :-
بانكوك ( السوق العائم - دريم ورلد مدينة الاحلام )
بتايا ( شلالات ريونج )
اني ما زرت كوه ساموي وكوشانغ
بس بأذن الله الرحلة القادمة راح تكون الرحلة اكثر من اسبوعين وراح ازور كل الاماكن والمناطق التي لم ازورها
اخوكم / عبدالله الكويتي

السلام عليكم ورحمة الله وبركاته
اخوي عبدالله اشكرك على الطرح الجميل لهذا الموضوع المفيد وعلشان يستفيد منه المسافر من خبرات اللي سبقوهم بالسفر الى تايلاند
الاشياء المفروض الواحد يسويها قبل السفر الى تايلاند او خلال تواجده هناك
1- تأكد حجز العوده بفترة حتى مايتوهق ومايلقى له مقعد للعوده وخاصة اذا معاه اسرته لانه الصيف تكون تايلاند واجهة الكثير من الخليجين والعرب .
2- اختيار السكن المناسب للسكن من خلال تجارب اعضاء المنتدى وحتى مايتفاجاه بسكن يشاهد صوره عن طريق النت ويكون بالطبيعه غير .
3- اذا كانت عائلة يفضل السكن بشقق فندقية وخاصة اذا السكن لفترة طويلة وحتى ماتتوهق في الحجوزات وعندك اسرة لانه مب كل وقتك بتروح المطعم للاكل وخاصة الاكل بالمطاعم العربية غاليه بعض الشي والميزانية بتروح كلها في وجباتك .
4- اخذ معاك الاشياء الضروريه من الاكل من بهارات و ارز واجبان لانه مابتلقى اجبان حلال الا في بعض السوبرماركات القليلة وانت ماعندك وقت تدور عليها .
5- تنظيم الرحلات لابد تكون منظمه من والى المناطق اللي ترغب تزورها والتأكد مواعيد الرحلة سواء رحلة داخليه الى المدن الترفهئية او السفاري او الاسواق وخارجيه للجزر والمناطق الاخرى .
6- عدم المشي في الاماكن المظلمه بروحك حتى مايصير لك موقف لا يحسد عليه .
7- عدم الدخول الى الاماكن المشبوهه سواء الملاهي او اماكن المساج الغير نظيفة وتذكر بانه الله سبحانه رقيب عليك.
8- بخصوص رحلات البحريه ماتصلح يكون فيها اطفال صغار وذلك لتعرضهم للحراره الجو وكذلك لدوار البحر وخذ وياك مضلة او البس طاقيه (كب) للرأس ونظارة شمسية لحمايتك من حرارة الشمس.
9- وضع المبالغ النقديه بالخزنه وعدم اخذ وياك المبالغ الكبيرة حتى لتعرض نفسك للسرقة لاسمح الله وخاصة الحريم وتجنب زحمة الناس في الاسواق الليلية او اسواق الجملة حدثت مع ام راشد وسرقوا الحقيبة اليدويه ولكن والحمدلله مافها شي وكذلك مع احد الاسر الخليجيه راحت عليهم كل شي مبالغ من المال وكذلك بطاقة الفيزا.
10- عدم الذهاب الى العيادات الصغيرة والغير معروفه حتى ماتعرض نفسك لزيادة الامراض.
11- لاتترك اطفالك بمفردهم باحواض السباحة وحتى لو كانوا سباحين وتذكر انك رايح للسياحه
12- التأكد عند استئجارك لسيارة او دراجة نارية او جسكي (دراجة بحريه) وعند توقيعك للعقد سلامتها من الاعطال
13- بخصوص الوزن الزايد يستحسن قبل توجهك للمطار التاكد للوزن عندك حتى ماتقع في مشاكل مع خطوط الطيران وياخذون عنك اضعاف مضعفه من المبالغ وحصلت هذه السالفة مرتين مره دفعت 65000 بات ولانه ماكنت مسوي حسابي دفعت المبلغ ومره ثانيه طلبوا مني 72000 بات ولكن مادفعت لهم المبلغ وشحنتها من احد مكاتب الشحن موجوده في المطار بنص المبلغ ويستحسن اذا عندك وزن زيادة تشحنها من احد مكاتب الشحن بالمدينه وحتى ماتخسر مبالغ كبيرة

السلام عليكم
انا تحسفت على اني مارحت كاسموي والله كل سنه ودي اروح لها بس الشباب الي معاي يكونون على الحديده وميزانيتهم ماتسمح بتجول اكثر من مكان
والشغله الثانيه اني ماسكنت في فورسيزن شانغ ماي الي شكلي ابروح روحه خاصه علشان اسكن فيه