- أخواني وأخواتي الافاضل أعضاء وزوار البوابه المصريه
أخواني وأخواتي الافاضل أعضاء وزوار البوابه المصريه
عند وصولي يوم الاربعاء وسكني في فندق الستاي بريج والقريب جدا من الستارز مول قلت انزل المول فيها سوبر ماركت مش فاكر اسمه ناخذ بعض الحاجيات من النواقص وصادفني رجل وعطاني ورقه فيها اربع اختيارات مخفيه واخترت احدها وقالي مبروك ربحت جائزه كهربائيه ثمينه وتعال بكره خذها قتله ليش ما تعطوني الحين فرد قال بكره وهناك عروض سياحيه سنعرضها عليك فقلت ممكن القاء عندهم بكج محترم في الاسكندريه او غيرها وقالي ايضا ان هناك سحب على سياره وراح يدخل اسمك في وفي حفله مشروبات وغيرها.
المهم اجيتهم في الغد وستقبلني واحد ودخلنا صاله كبيره فيها امه كثيره من الناس وكل عائله على طاوله ومعاه واحد من الشركه،وبداء يشرحلي ان الشركه مرخصه وموثوقه وبعدها دخلي في العرض ان ادفع لهم مبلغ من المال لا اذكر والله كم بس هو مبلغ كبير ا مقسطه على دفعات وياخذولي فيها شاليه وانهم سيعطوني اسبوع في السنه في اي فنادق العالم مقابل 200 دولار بالاضافه إل العائد المالي من الشاليه،بالعقل يا اخواني 200 دولار في اسبوع في فنادق خمس نجو هذه حتى ليست مصاريف غسيل ملابس المهم حسيت ان فيها نصبه وقلتله شوف انا سمك في البحر ما اشتري اهون علي ادفع زياده ولا ادفع فلوس الله العالم اشوفها او تروح علي
فقالي اصبر وخذ الجائزه فقعد يقنعني إلى ان مليت منه فقمت وقفت وقلته جنيه واحد مش دافع فقلب وجهه الجميل السابق وكشر عن انيابه ومد بوزه فقمت ومشيت وقالي الجائزه تخيلوا ماهي الجائزه الاكترونيه التي كانوا يقولوا لاب توب او تلفزيون او غيرها طلعت صندوق صغير من الذي يضعون فيه السيجار وقديم فرميته في وجههم ومشبت
موقف ثاني صار لي اليوم في القريه الفرعونيه بعد ان تمت الجوله الجميله على النيل التي ساذكرها في تقرير خاص عن رحلتي بعد العوده ان شاء الله قابلنا رجل وقال انا من موظف من وزاروة السياحه ورواني بطاقته التي ليست عليها اي شعار رسمي للصقر المصري وقالي الوزاره تعطيك بطاقه تاخذ خصم 40%في كل مكان في مصر ما عداء الفورسيزم والفندق الذي انته ساكنه اجيبه ب100 دولار بدل 180قلت زين بتنفعني فجلس يرغي في الكلام نفس صاحبه الاولي وقال تجي اليوم وتاخذ البطاقه المجانيه وهذه كذبه يستدرج فيها الفريسه لياتي فيعرض عليه ان يدفع فلوس للبطاقه وغيره من هذا النصب،قلتله اليوم مش جاي وغدا ساتصل إلى وزارة السياحه وساسئل عن برنامجكم وعن البطاقه وإذا صدق اجيك بكره,الرجل بعد ما سمع هذا الكلام قلب وجهه وعرفت انه نصب يستهدف السياح الخيجيين للاسف ووجب التنويه والتنبيه للجميع ومن راهم منكم بقوله انا متنازل عن الجائزه لك
أخوكم بو زايد
