أحدثكم من سيلانجور تكفون ردو عليه بسرعا

أجوآء

29-08-2022 - 06:51 am

سؤالي
أنا اليوم رحلتي على اير آسيا ومتجهه على بياننق
هل أقدر أترك شنطتي عند أحد أمين وثقه لغايه م أرجع لكوالالمبور وهي محطتي الاخيره
لأني خايفه من الدفع لو كان وزنها زياده
وسؤالي الثاني
هل ثمانيه عشر ألف ريال تكفى سته عشر يوم من هدايا وشوبينق وترفيه
لأن يدي على قلبي أخاف م تكفي الفلوس ونورط لأنو ما معانا بطاقه سحب ولا شيء

التعليقات (7)

راسم غلاكم

29-08-2022 - 09:52 am

ممكن تخلي شنطكم عند الفندق اللي حاجزيين فيه بكوالا وبيعطونكم وصل بعددها
والمبلغ كافي انشاالله بس وزعيهم ع الايام بتلقين انك تصرفي بيوم 500 ويوم 200
وركزي في الشوبنق ع اللمميز واللي سعره مناسب وان وصلتي بالسلامه لبيننق مري السوق التايلندي
وبالتوفيق ,,,,,,,,,,,,

zazaz

29-08-2022 - 10:53 am

السلام عليكم
مثل ماقال الاخ راسم غلاكم وممكن تخلونها في نفس
الفندق اللي انتوا فيه في سيلانقور بس خذوا منهم وصل
بعدد الشنط وعلموهم كم يوم بتجلسون لان بعضهم يوافق لحد 10 ايام
والمبلغ ماشاء الله يكفي وزياده بس خلوا التسوق في كوالالمبور
ونصيحه حولوا لرنقت قبل تروحون للنكاوي الصرف فيها قلبل وطايح

أجوآء

29-08-2022 - 11:54 am

الله يسعدكم. ي رب ويعطيكم اللي تتمنوه
بس عندي سؤال برضو
ترجمو لنا جمله. تقول
نبغى نترك عندكم الشنط في الأمانات

zazaz

29-08-2022 - 12:55 pm

السلام عليكم
عادي بالإشاره او اسألوا عندهم مترجم إذا انتوا في
الصن واي لاقون عندهم موظفين عرب
عموما ممكن تقولون لهم هالكلام
Can we keep our luggages with you until we come back from Langkawi

راسم غلاكم

29-08-2022 - 01:56 pm

( وي وانت لييف اور لقج ات ان يور هوتيل انتل نيكست ويك ) وترجمتها
نبغى نخلي شنطنا عندكم بالفندق لحد الاسبوع الجاي وتحددو تاريخ لهم او
We want to leave our luggage in the secretariats

أجوآء

29-08-2022 - 02:57 pm

أنا أشهد م قصرتو

خليلها

29-08-2022 - 03:58 pm

أو ممكن تتبعين طريقة حبيبنا الحاضر الغائب ماجد الفهد
فهناك خدمة ترك الأمتعة في المطار وهي آمنة جدا جدا جدا
تفضلي شرحها على الرابط التالي
https://artravelers.com/p/re/321328
وفقك الله

كوالالمبور المسافرون العرب

أحدثكم من سيلانجور تكفون ردو عليه بسرعا