هل من معين ؟
والله في عون العبد مادام العبد في عون اخيه
اخر سؤال ماذا عن صلاة الجمعة هناك؟
يارب احد هم يجاوب قبل الرحلة

اخووي رحلتك للمالديف ممتازه و الوقت ممتاز لان بهذا الوقت لا تكون عندهم امطار ولا عواصف كثير ولهذا من شهر 8 ترتفع اسعار الفنادق عندهم لان يبتدي الموسم ,, ثانيا المالديف عباره عن استرخاء و استجماام بالدرجه الاولى يعني اهم شي يكون مكانك ممتاز انا هذي الفنادق ما سمعت عنها يمكن الاخوان يقدرون يفديونك اكثر بس كل اللي اقوله ان توني راجعه من المالديف و سكنت بالفورسيزن الجديد و كان روعه بما تعنيه الكلمه و فعلا كان يستاهل بس ملاحظتي لك ,, بما اني اخاف من السحالي ههه فاذا كانت المدام مثلي تجنب الفلل الشاطئيه و روح لمنتجعات توفر الفلل المائيه لان بصراحه فلل مثل هذه ما تلقاها الا في الجزر , اما فلل الشاطئ فمن تجربتي تكون فيها اشجار و حشرات و ماهي مميزه زي المائيه ,, و بعدين في شغله اكتشفت ان في اشيا كثير ما تستاهل ان الواحد ياخذها خصوصا اذا كان اول مره يروح للمالديف مثلا العشاء الخاص تلاقي سعره غالي مره و كل الفرق اللي بينه و بين غير انه طاوله و عليها شراشف و بينها و بين المطعم حوالي عشره متر ويمكن اقل و تقدر تشوفهم و يقدرون يشوفونك و العشاء يكون تحت الرمل على شاطئ البحر يعني مكانك فالمطعم احس ما يفرق عنه شي ولا يستاهل الاضعاف المضاعفه (( رايي الشخصي)) ,, و بالنسبه لي افضل انك تاخذ هاف بورد عني تشمل الافطار والعشاء لان الاسعار هناك ممكن تكون اغلى بكثير ,, و الجميل في الفورسيزن الجديد انك تاخذ افطار و عشاء و ممكن تختار اي مطعم من مطاعم الجزيره لوجبه العشاء وتكون مفتوحه تطلب اللي تبغي ههه يعني بجد يساهل الدفع ,, اما الغوص فما جربته لاني اخاف ههه بس زوجي جرب السنوركلنق يعني يغوص يشوف السمك من سطح الماء وكانت على حد كلامه تجربه جميله و كانت رحله مجانيه من الفندق و موجوده في دفتر النشاطات اللي يسلم لك عند الوصول ,, و اخيرا رحلة صيد السمك جميله جدا وبرايي الشخصي انها ما تستاهل تاخذ رحلة خاصه للصيد تكلفك كثير مع ان مع الجماعه تكون مره احلى مادري بطبعي احب الناس ههه بس الحق ينقال تتم لك فتره طويله ما تصيد سمك و الكل يتنظر من يصيد اول و كل اللي هناك اجانب يعني بتكون مع الجماعه احلى ولا تستاهل الخساره برحلة خاصه ممله و وحيد
هذه ملاحظتي وانشالله اكتبها مطولا بتقرير المدعم بالصور بس تنفك عقدة الصور و انزلها و نكون بخير

red strawberry
ألف شكر على ردك وسعة صدرك
فرج الله عنك واعانك على دينك ونياك

في بعد شي نسيت اقوله اهم حاجة المساج اللي بيكون فعلا غالي بس يستحق لانك رايح تستجم و بعدين في شي , قريت فالمنتدى ان الجزيرة الخاصه تكون غاليه مره واسعارها خياليه بس يوم رحت هناك وسالت قالو يعطونك وجبة غداء وترجع بنفس اليوم لان بصراحه المبيت هناك موحش ما كان غالي كثير و السعر يحسب للشخص ولا هو بالآلاف كما ذكر سابقا عن الفورسيزن ,, و على فكره في عرض في الفورسيزن تاخذ 3 ليالي والرابعه مجانا و بيني وبينك احس المالديف ما يبي لها اكثر من 6 ليالي على الكثير لانك راح تمل ,, الله يسعدكم ويتمم لكم انشالله

red strawberry
الف شكر على المعلومات
لكن لو سمحتي ممكن كم أسعار الفنادق اللي اخذتوهن
وبكم اسعار المساج والجزيرة ومطعم ايثا تحت البحر وهل لازم حجز مسبق
اعذرينا على كثرة أسئلتنا

اخوي انا سكنت في الفورسيزن لاندا قرافارو الجديد و هو اسعاره مرتفعه شوي المساج للشخص الواحد لمدة 90 دقيقه 190 دولار و في سعر اقل للساعه , وبالنسبه لي اخذ باكج من طيران الامارات يشمل 4 ليالي فالفورسيزن مع تذاكر السفر درجه اولى مع اقامه 4 ليالي في دبي فندق الانتركونتيننتال فستفل ستي يطلع حوالي 4000 دينار بحريني اقل منه بشوي بس سكنا في فندق بنيان تري وكان حجز خارجي و كانت ليلتين بس بجد الفندق محبط انا شفته مصنف رقم 1 في موقع التريب ادفايسر و خدعني بصراحه وين مستوى الفورسيزن عنه و المطعم اللي تقول عنه هذا في فندق الكونراد و على حسب الموسم يقولون حجز مسبق بس كيف توصل المواصلات هناك كلها بالبوت السريع و ما يسوى تطلع من فندقك عشان مطعم احس صعبه شوي و مكلفه

red strawberry
الف شكر على سعة صدرك
واعذرينا على كثرة اسئلتنا

حاضرين لك و أس استفسار آخر لا يردك الا لسانك ,,