- زيارتي من الفتره 1/2/2010 الى 5/2/2010
- الامكان اللي زرتها:
السلام عليكم ورحمة الله وبركاته
اخواني الاعضاء لا اعرف كيف ابدا بوصف الموضوع بس كانت زيارتي للبنان بدون سابق انذار وانا كنت مخططه اروح لها بشهر مارس بس شاء الله اني اروحلها بعز البرد والثلج كانت زياره رائعة واكثر من رائعه.
زيارتي من الفتره 1/2/2010 الى 5/2/2010
على طيران الامارات الشخص 1880 درهم بس المكتب اللي نتعامل معاه سوالنا خصم صارت 1550 درهم
السكن كان في اورينت كوينز هوم جريب الجامعة الامريكية وقريب شارع الحمرا يعني انروح شارع الحمرا مشي والسكن عباره عن شقه فيها غرفتين وصاله وحمام عزكم الله و مطبخ بس عيبه انه الغرف صغيره بس نظيف ومرتب وحلو
الليله فيه 1250 درهم
الامكان اللي زرتها:
اليوم الاول: من الفندق الى شارع الحمرا ومن شارع الحمرا الى الروشه مشيا على الاقدام هلكنا بس وناسه اتغدينا في مطعم ملك البطاطا شوارمتهم اتجنن والساعه 9 ونص رحنا للسولدير والعشا كان في مطعم البلد.
اليوم الثاني: الفطور فالفندق وبعدها كنا مقررين نروح لمغارة جعيتا بس كانت مغلقه للصيانه الى تاريخ 24/2 وتغير الجدول توجهنا اول شي الى متحف الشمع بعدها توجهنا الى فاريا بعدها العصر لما رجعنا رحنا لواحد اسمه مطفى صهيوني عنده فلافل وايد حلو وبالليل السولدير والعشا في مطعم كرمنا.
اليوم الثالث: كنا ناوين نروح التلفريك بس لسوء الاحوال الجويه التلفريك مغلق وكان الجو بارد ومطر رحنا الى عدة اسواق منها الكسليك والدوره وكلنا شاورما سجق من عندهم رحنا السيتي مول وما اتذكر بعد بس لما بحط الصور بعطيكم بالتقرير الممل والعشا طبعا بالسولدير في مطعم ماذكر اسمه.
اليوم الرابع: كان يوم مميز زرنا طرابلس والسوق الشعبي عندهم وبعدها رحنا للارز حيث تساقط الثلج علينا وكان المكان قمة فالروعه الصراحه عجبني المكان اكثر من فاريا من وجهة نظري انا وبعدها رحنا مطعم اسمه السمكه الحره يبييع سندوتشات كله سي فود والعشا فالسولدير وكان في مطعم البلد.
اليوم الخامس والاخير: طبعا طيارتنا الساعه 8 وربع استغلينا فترة الصبح اللي راح الصالون وانا رحت الى abc مول اللي كان رائع بس ماصورة فيه لاني ماخذت كيمرتي واستغليت الوقت للشوبنج.
وانشالله رحلتي تنال اعجابكم وانشالله بعد تصغير الصور انزلها واكتب لكم كل يوم بيومه وانشالله تستمتعون معاي مثل ما انا استمتعت في اجواء بيروت الساحره وانشالله اعود لها بالايام الجايه
وتقبلوا مني فائق الاحترام
اختكم
Miss Mint
اختي انا ودي اروح مع اليهال شكثر المسافه بين بيروت وطرابلس وهل تستاهل
واذا تعرفين اوتيل قريب من السوليدير يكون راقي ومحترم ذكريه الله يعافيج