حمد لله على السلامه أخوي رحله سعيده إن شاء الله بس ماقلت لنا إنتم شباب وإلا عائله وبعدين ماشفنا صور للتقرير وكل عام وأنت بألف خير ورمضان كريم .

bader_75
الله يسلمك يا bader_75 أحنى عائله يعني تقدر تقول شهر عسل :36_1_12:
وبصراحة أنا ليمه الحين ما شفت الصور الي ب 3 ممريات و عشر أشرطة فيديو تدري الحين رمضان الواحد يدوب يتابع جم مسلسل وبعدين أخاف اطالع الصور وعور قلبي وكل عام وأنت بألفين خير :36_1_21:

الحمد لله على السلامه bobader
و مشكور على التقرير

الحمد لله على السلامة وين الصور والتقرير

الاخ بوبدر حمدلله على السلامة ومشكور على التقرير الحلو المختصر ونتمنى وجود صور بالتقرير وحياكم الله وما قصرت

الله يسلمك يا alwanahmed ويا kit_kat2005 ويا الهدار
قولوا أنشاء الله وهم قولوا أنشاء الله وهم قولوا أنشاء الله
بعد العيد أكون رتبت تقرير مصور وحلو
ومشكورين يا أخوان

الحمد لله على سلامتكم.... وكل عام وانتم بخير
اسمحلي عندي لك كم سؤال:
1) كم تكلفه الطيران بالخطوط السيرلانكيه ( للشخص البالغ ، للاطفال دون سن السنتين )
2) ذكرت ان جزيره بينانج لم تعجبك ... ( لماذا ؟ ) ( وكم ليله تستحقها ؟ ) ( وما الاماكن التي تستحق زيارتها في جزيره بينانج؟ ) ( وهل اصلا جزيره بينانج تستحق الزياره ؟ )
3) لقد سكنت في جنتنج ... هل ترى انها تستحق المبيت بها ام زيارتها من كوالالمبور من الصباح وحتى المساء يكفيها؟
4) لقد زرت افاموزا ... ( فهل ترى انها تستحق الزياره ؟) ( وهل وجدت مشقه في الرجوع الى كوالالمبور وكم كانت تكلفه زيارتك لافاموزا من الالف الى الياء بالتفصيل ان امكن ؟)
وسامحني على كثره الاسئله
اخوك الصقر18

1. السلام عليكم


2. هلا أخوي الصقر18 الله يسلمك ..... وأنت بخير

الصقر18

السلام عليكم

هلا أخوي الصقر18 الله يسلمك ..... وأنت بخير

1)أنا طبعا حجزت ذهاب سياحيه وعوده درجه رجال الأعمال كلفتني 330 دينار بس طبعا بالعوده دفعت وزن كالعادة ولحسن الحظ مافي أحد بالدرجه الأولى فا خلوني في الدرجه الأولى الكيلو 70 رنقت والكي نت حل المشكله أما عن سعر تذكرة الأطفال فا مع الأسف ما عندي فكرة لأني ما عندي أطفال عسى الله يرزقني وخليلك عيالك
2)ما عجبتني بيانغ لأن لنكاوي أحلى منه وغير جذي في كم رحله مهمه مو موجده الا بلنكاوي مثل رحله المنقروف النهريه ورحله الجزيره الحامل البحريه والكواريوم شي مو طبيعي بس الحلو ببيانغ السوق الليلي لا وبعد تقدر تعوضه بالسوق الصيني بكوالالمبور بس أخوي الناس أذواق يمكن تعجبك 3 ليالي كفايه
والاماكن أنا أنصحك خل كل شي على السائق لأن أنا سويت جدول شطوله آخر شي طلع الأماكن الي منسقهه بعيده عن بعض فا قلت حق السائق أبي أروح هاأماكن وهوه رتبهم لي بس أرجع وقول الناس أذواق
3)أنا من كبير المكان ضعت مادري وين اللعبة الي أركبهه بالغصب بالخريطه ياله القه اللعبه فا تخيل أني ياي زياره راح يضيع الوقت على التمشي بين الألعاب خذلك ليلتين بفندق فرس ورلد الملون لأن فندق جنتغ بعيد شويه 5 سلالم متحركه يالله توصل وتستاهل جنتغ
4)تستحق الزياره وايد حلوه معني شفت 60% من أفاموسا التذكرة 165 رنقت يعطونك مع التذكره خريطه بالعربي أول شي عرض الفيله اذا تبي توكل الفيل يعطونك 5 قصبات سكر ب5 رنقت بعدين عرض الحيوانات وبعدين عرض الطيور أحلى شي يقول المذيع من يبي يشتري لوحه رسمهه الأمزون ب10 رنقت طبعا أول واحد رفع أيده أنا فا قالي أرفع أيدك رفعت أيدي فا ياني طاير الأمزون وقعد على أيدي وخذ الفلوس وقب وعقب أنتهاء العرض الي يبي يقعد الطيور في أيده ويصورهم بكامرته ب 10 رنقت كل الطيور وبعدين عرض الكابوي البايخ وبعدين السفاري الممتع وبعدين جزيرة القرود عاديه نوعا ما وبعدين ركوب الفيل ب 20 رنقت وأنت راكب فوقت تسمع واحد يقولك جيز فا صورونا وطبعا الصوره حلوه ب 20 رنقت وبعدين عند بوابت الخروج تلقى النمر واللبأه التصوير معاهم ب 45 رنقت وشفنه جم كاسكو صورنه معاهم ب 12 رنقت وغير التصوير بكامرتنه المجاني طبعا غير الماي والبريد وطبعا أيي مع التذكره أكل مجاني بس بصراحه شكيت بأكلهم عموما رحله لها ذكرى وبالنسبه لطريق العوده دائما يكون متعب وعلى فكره حط في بالك الرحله ثلاث أرباعه طريق والربع متعه
بصراحه الصقر18 أسألتك حلوه وذكرتني بالي فات
وأي أستفسار أنا حاضر .... وأسأل الله عز وجل أنه ما يحرمنه من نعمته والله يا جماعه الله فضلنه على كثير من الناس الحمدلله على النعمه

الحمد لله على السلامة
أنا من ناحيتي ارتحت أكثر شي في فندق بارك رويال في بيننق