مفاجأة
جاني زوجي وعطاني حجز سما و الجوازات مع بكج الفندق
قلتلوا ايش دا :36_1_12:
قتحت الأوراق واو رحلة على شرم الشيخ
:36_1_33: :36_1_33: :36_1_33: :36_1_33: :36_1_33:
يمكن عشر دقايق و انا طايرة من الفرحة بعدين تذكرت
طيب فين تذكرة دودي " ابننا الملاك اللي يجنن " عمره سنتين
قللي بنجدد الهني مون تبعنا وحنخليه عند أمي
اوكي زعلت بس كنت مطمنة انو حيكون عند مامت زوجي
و فعلا من جد مرة فرحت مرة مرة :21:
على طول فتحت :36_1_37: و على فين اكيد على موقع مكتوب للمسافرون العرب
اللي دايم اعيش معاه لكل الأماكن و اقول امتى السفر
فتحت شرم الشيخ و بالذات على "موسوعتي عن شرم الشيخ ماذا تفعل هناك+المطاعم+طريقة الذهاب"
MCSE man وكان يا مُشرف مصر
تقرير رائع جداً خلاني اعرف ايش اسوي و فين اروح من اول يوم أشكرك جدا
واكيد تقريري ما راح يكون أفضل من تقريرك
ودي بداية الرحلة 9-12-2008 رحنا على المطار و كان وقت الإقلاع 1:30 بتوقيت السعودية جدة
سعر التذكرة لينا احنا الإثنين على خطوط سما كانت 1812ريال سعودي
يعني الشخص ب 906 ريال سعودي
وسعر 7 ليالي لفندق خمس نجوم اسمه "ماريتيم جولي فيل رويال"ب 2100 ريال سعودي
يعني الليلة تخيلو ب 300 ريال سعودي
تخيلوا :36_1_36:
فكان عرض مغري جدا
ودرجة الحرارة بدي الفترة كانت النهار بين 26ْ-ْ24
و بالليل بين ْ18-ْ15
و العودة على نفس الخطوط 16-12-2008
طيب نرجع للطيارة و المطار و الشنط و نستعد لانطلاق على شرم الشيخ
اوكي احنا بالمطار متحمسين و مستانسين بس الرحلة اتأخرت شوي
يعني الاقلاع صار الساعة 1 ظهرا
جلسنا بالكافية قلنا نطلب فود بس بطلنا الكراسون لوحده ب9 ريال
ويا ليتيو جديد
فجلسنا على طاولة نتحكى
وخليني أحكيكم موقف صارلنا قبل ما ندخل الصالة
جينا عند الجوزات فين عقد النكاح ؟؟؟
ها ايش !!!!
طيب على الأقل هات ورقة من موافقة الوالد؟؟؟
زوجي عصب كتير :36_1_29::36_1_29:
وقلي انا ما قلتلك جيبي عقد النكاح !!!
طيب ايش الحل ؟؟؟
وكلم قريبه جزاه الله خير
رجع و جبلانة اياه من البيت
اصلا هو اللي وصلنا للمطار خ
:36_3_11::36_3_11:
هدول الناس الطيبين ولا بلاش
يلا أوكي أكمل معاكم لما أوصل شرم
بس للأسف ما عرفت احط الصور دلوني بليز