FAISAL966
هذا الله يسلمك الا اعرفه ان ما تقدر تستاجر سياره لانه يطلبون تامين وموقع سكن
و امور عديده لاكن تقدر تخلي اي اندونيسي تعرفه يستاجر باسمه و بعدين انت تتحمل
ما يجيك من مضايقات و خلافه
اقول كيفك مع الدركسون( عجله القياده ) اليمين
تحياتى لك
:
:
:
:
:

الأخ الحبيب FAISAL966
بالنسبة لتأجير السيارات بدون سائق أعرف مكتب مقابل سوق روكسي من الجهة الشمالية وتستطيع أن تستأجر سيارة من نوع كيجان بسعر 300 ألف لليوم الواحد وإذا تجاوزت أسبوع ستحصل على تخفيض كلما طالت المدة وموديلات جديدة ...
والشروط أن يكون عندك رخصة قيادة دولية + صورة الجواز مختومة من الفندق + عنوان الفندق الذي تقيم فيه + تأمين 100 دولار للسيارة .... والرخصة الدولية تسطيع الحصول عليها من المكاتب السياحة ( الطيار , الؤيد , العميقان ) وإذا أردت عنوان مكتب التأجير بالتفصيل ورقم الهاتف سأرسله لك لاحقاً ... نصيحة إذا كنت تسطيع القيادة في جاكرتا وتعرف الشوارع فأفضل تستأجر سيارة وإذا كان العكس فخذلك سائق والله يعينك ,,,,,,,,,,,,,,,,,

والله افضل ان يكون معك سواق احسن واريح لك،،، انا استأجر من سواقين سبق وان تعاملت معهم في جاكرتا ويشتغل بسيارته الخاصه فدائماً ما اخذها لحالي بدون اي ضمانات،،، وفيه واحد اعرفه في سوكا بومي استأجر منه سيارات بس اسعاره غاليه وبرضه بدون ضمانات
والله سوقتهم تضيق الصدر وشوراعهم تسد النفس احسن شي اسدح المرتبه ونم وخل غيرك يسوق
استمتع بالطريق وكحل عيونك، ودع القياده لهم !!!!

استمتع بالطريق وكحل عيونك، ودع القياده لهم !!!!
بقوس انت والله صح 0 انا اذا مشي وكل شوي بانصدم كيف لو اسوق ؟ تجي تقطع السكه وتناظر يسار على بالك السعوديه الا حيط طخ والكل يعصب جربتها في قبرص واندونيسياوبريطانيا والله ياني ماكل سب وخوف لين قايل بس 0 تحياتي

وش تبي بالسياره نصيحه لاتستاجر سياره خذلك سياره مع سائق

سعر اجار السيارات 300,000 روبيه زي ما تفضل الاخوان من مكاتب الاجار
لكن انا عندي لك راي افضل
استاجر سياره كيجان مع السواق ب 300,000 روبيه وبدون تحمل اي مسؤوليه ولا تأمين ولا يحزنون
اذا بغيت انا اعطيك رقم السواق اللي اخذه دايم بهالقيمه

ريح راسك وخلك مع التكاسي في جاكرتا
أوفر لك بكثر من سيارة مع السواق
أسأل مجرب
التكاسي أريح بكثر خاصة أذا كانت الأسواق عندك أمر ثانوي
تحياتي

القيادة في جاكرتا متعبة خاصة لو طبيت في ساعة روحتهم للاعمال أو خروجهم
الأفضل هو التكاسي لأن السواقين لهم حركات كثيرة و مطالب غريبة
يعني تخيل تكون مع سواق و يقولك زوجتي مريضة و لازم أروح لها
نفس حركات السواقين الاندونيسيين هنا
بعدين لا تسترخص ايجار السيارة و تنسى البنزين فهو غالي لديهم
و بيكلفك نفس قيمة الايجار لو مشاويرك أو مشاوير السواق كثيرة
ما أعتقد أنك بتدفع 500 ألف روبية يومياً لو استخدمت التكاسي
بين المدن هناك الباصات أو ممكن تستأجر سيارة ذهاب فقط و لك الخيار
تدفع 30 ألف للباص أو 300 ألف للسائق
فرق كبير طبعاً لأنهم استغلاليين
الباصات نظيفة جداً و تقدر تختار أي باص ترتاح له
دمت بخير

الحين الواحد عساه يسلم من الزحمة اللي عندنا
تروح تدور الزحمة