المشاركة الأصلية كتبت بواسطة عبادي 105
وعليكم السلام ويا هلا ومرحبا
نبدا بالاجوبة
س/ كيف مستوى المعيشة هناك مثل السعودية او أغلا او أرخص ؟
ولله فيه اشياء أغلى وفيه اشياء ارخص ما تقدر تحكم , بس بشكل عام ارخص من اوروبا واستراليا وحتى ارخص من نيوزلندا
س/ هل عشره ايام كافيه للسياحة والإكتشاف ؟
رح تفل فلة ماعمرك فليتها , بالنسبة لي شخصيا ما تكفيني ( كيب تاون فيها انشطة الين تتعب مايكفيها 10 ايام )
س/ حسب ما قرأت هنا إن الأفضل أنزل في كيب تاون والعوده من جوهانسبريج ؟. لماذا ؟
وانا اخوك انا ما احب جوهانسبرج ابدا يمكن لاني عايش هنا , جوهانسبرج مافيها الا حديقة حيوان اللي تستاهل الزيارة على كلام الربع هنا
كيب تاون خضار وطبيعة وطيبة اهلها والجو الحلو والتنظيم علشان كذا هي احسن مدينة
س/ أبي أرتب جدول للسفر علما أن ستة أشخاص شباب ولسنا من أهل الشراب والنوادي الليلة . فماذا تنصحوني ؟
شف وانا اخوك
لازم تروح لجبل الطاولة وراس الاسد لانها معالم شهيرة
لازم تروح حديقة الملاهي Ratanga Junction حلوة مرة ورخيصة مقارنة بحقات السعودية
لازم تطلع سفاري 3 ايام وتقفزون من الجسر اعلى نطة بالعالم او ثاني اعلى نطة على ما اظن
لازوم تروحون لراس الاسد Lion's head وتقدر تنط من هناك بالمنطاد
يا رجال فيه انشطة كثير وفيه عندك تحجز انت واخوياك على يخت وتروحون تتعشون وتشوفون غروب الشمس
يا لبيه
تهيضت وانا اكتب ههه
عندك الووتر فرونت والكانال ووك اكبر مولات كيب تاون يبيلكم تسيرون عليهم
واخيرا وليس اخرا تروحون للبحر وعندك شواطئ كثيرة
انا افضل ان اخوي فوكس ينسقلكم اذا ما عليه امر لان هو اخبر مني بامور السياحة< انا راعي دراسة وما اطلع من البيت
تحياتي