يا هلا اخوي
ألف مبرووك الزواج مقدماً
بما ان سفرك بالصيف ما انصحك ابدا بالقاهره
بتكون زحمة سياح وانا بنظري اشوفها ما تصلح لشهر عسل
شرم الشيخ حلوه وهادئه وتصلح لشهر عسل .. بس خل ببالك ان فيها نشاطات بحريه كثيره
الا اذا تبي تقضيها بتمشيه واستجمام ف هي حلووه ..
وانصحك تروح لمدينه ثانيه هادئه بمصر بدل القاهره ..
او ممكن تروح جزر بشرق آسيا .. اكثر هدوء وتصلح للعرسان .. والتكلفة ممكن نفسها أو اقل

هلابك أخي الغالي كوكو
بالنسبة لإختياري للقاهره للتسوق وفيها اكثر من خيار علشان الواحد يتمشى فيها.
وأتمنى اذا فيه مدن أخرى ممكن تعوضني عن القاهره أتمنى تفيدوني فيها
وبخصوص شرق اسيا كان في البال تايلاند بس انا من اول ماكان فبالي اروح شرق اسيا ابدا وماارغب فيها
ألف شكر لك اخي الغالي ولا تحرمنا من نصايحك
بالنسبة لشرم الشيخ كم يوم تتوقعون يكفيها وايش افضل الفنادق فيها من حيث النظافة والخدمة والاكل؟

وأنا أخوك أنا رحت لماليزيا مرتين شهر عسل فالمره الأولى والمره الأخرى أيضا شهر عسل بس بعد مرور 3سنوات من الزواج ورائعه بمعنى الكلمه وغالبية العرسان هناك وأعتقد نفس تكاليف شرم الشيخ واذا أحتجت معلومات أبشر

أنصحك والله بشرق آسيا ( إما تايلند أو ماليزيا ) لا تفكر بغيرهم أبد ...
زبط حجوزاتك من الان
مبروك

طراد القصيم
شرم ‏الشيخ تكفيها 4‏ ايام
وبالنسبة للسكن انا سكنت بفندق القرية النوبيه ‏5 نجوم بخليج نبق
اغلب اللى يروحون يحبون يسكنون بخليج نعمه وسط الزحمه وكل شي حولك
بس انا اهلي يحبون الهدوء فاخترنا هالفندق وهو مو بمثل فخامة باقي فنادق ‏5نجوم
لانه على الطراز النوبي
ان شاء الله الاعضاء يفيدونك اكثر من هالناحية
الاسكندريه بالصيف زحمه لكن مو مثل زحمة القاهره
ولو رحتوا لها ممكن تقضون ليله بمنتجع بورتو مارينا بالساحل الشمالي
يبعد ساعه عن الاسكندريه
وخذ فكره عن باقي مدن جنوب سيناءمثلا الغردقه والجونه وغيرها
وبيتكون اكثر هدوء وقريبه من شرم
وضروري تشوف تقارير الاعضاء تاخذ فكره
ولو حبيت مثلا تروح شرم الشيخ مع الاسكندريه
خل خط السير الرياض شرم الاسكندريه الرياض
او الرياض الاسكندريه شرم الرياض
بدل الروحه والرجعه لنفس المدينة ويطلع ارخص بعد
ومعليش لوطلع الكلام محيوس لاني شابكه

انا مدري كم المدة اللي ناوي تجلسها في مصر
لكني ارشح لك
شرم الشيخ و مارينا تحديدا بورتو مارينا وهو على فكرة قريب من الاسكندرية
وآخر 3 أيام ممكن تخليها في القاهرة وارشحلك الفنادق التالية
كونراد
سوفتيل الجزيرة
الفور سيزن

هلا والله بك اخوي
الله يوفقك يارب ويتمم عليك بخير
بصراحه مصر مره حلوه ومافيها اي شي يعيبها
بس ماانصحك تروح لها شهر عسل
لان احس بشهر العسل احلى ان الناس يروحون اماكن رومانسيه فيها طبيعه خلابه
وعموما كثير راحو لمصر بشهر العسل وانبسطو مره
انصحك بجراند حياه كسكن لانه اوتيل مره رايق وهادئ
والفورسيزون مره حلو
لان باقي الاوتيلات عاده تكون كلها سياح وزحمه مثل هيلتون رمسيس
وزحمه من النوع اللي يضايق اقصد
والقاهره لازم تكون اساس الرحله كلها
يعني تخلي كلها كم يوم لان فيها اشياء كثيره لازم تشوفها وتستمتع فيها
الله يتمم لكم ويوفقكم يارب