nawara-bhr
أتمنى أروح تايلند خلال الشهر المقبل .. بس أبغي أتكتكها قبل ما أروح .. للعلم إني أول مرة راح أروح لبانكوك
وما راح تكون اخر مره ان شاء الله
من ناحية طيران اوكي ماشي الحال ..
الحمد لله
والسكن تقريبا اوكي .. بس وين تنصحوني اسكن؟؟ ما ابغي سكن فاخر على الاقل 3 نجوم .. لقيت اسماء شوارع وايد بنفس الاسم بس الأرقام تختلف ..
اختي حددي المنطقة الي بتزورينها علشان ننصح بالفنادق
اما بخصوص بانكوك كل رجائي الابتعاد عن فندق غريس
والاكل في المطاعم العربية شلون اسعارها؟؟
حددي المنطقة بالنسبة لبانكوك خلف فندق غريس
الاسعار من 200 ل 300 بات للشخص
ان شاء الله اذا ضبطت الحسبة راح اكون رايحة 25% سياحة و25% تسوق و50% اجيب شوية بضاعة اترزق منها ..
ربي يوفقج طبعاً التسوق والتجاره ب بانكوك العاصمة
وابغي فزعتكم .. باسامي المجمعات والاسواق اللي تصلح لسفرتي ..
سوق الأحد , السوق الصيني , باتونام , mbk mall
تحياتي وتقديري
نسيت استفسر عن المواصلات ..
شنو احسن وسيلة تنقل .. تاكسي او قطار .. او ايجار سيارة ..
تاكسي أريح وأسرع
وكم اسعار التكاسي والقطارات ..
التكاسي على حسب المسافة وغالباً 150 بات وتحت
اما القطار لا اعلم
والصرافة .. شنو احسن اصرف تايلندي او دولارات؟
دولار
تحياتي
حياكم الله

هلا اختي ،،
بانكوك يفضل تسكنين في السوكموفيت رود من سوي2 الى سوي 5 مناسب ،،
وشانقماي عليج بالمنطقة اللي قرب السوق الليلي ..
اذا تبين بضاعة ما تكلفج وايد في شانقماي انا خذت شنط تقليد ماركات درجة اولى حق زوجتي باسعار بلاش على 500 بات و 600 واغلى وحدة ب 900 بس عليج بالمكاسر لانهم بيعطونج سعر فوق بس يده قطي السعر تحت وفاصبليهم واذا ما رضو امشي عنهم وهم بروحهم بيلحقونج او بينزلون السعر يعني الربح مضمون اذا ما حسبتي هني يبيعون الشنط الماركان اكثر من 25 دينار واحيانا توصل 60 و 70 ..
شارع العرب في بسطات في مكياج ماركات لولو كيتي وغيره رخيص على 100 بات وانواع واشكال ..
وعنج مجمع البلاتينيوم في الباتونام هذي مكان لكم يالنسوان علي كيفج العروض والاسعار ..

اخوي xQ8x
ماقصرت على هالرد السريع ..
xQ8x
ان شاء الله
اختي حددي المنطقة الي بتزورينها علشان ننصح بالفنادق
اما بخصوص بانكوك كل رجائي الابتعاد عن فندق غريس
يعني تقريبا شارع العرب ومن خلال التقارير قرات عن منطقة نانا .. ومنطقة براتونام اللي فيها بلاتينوم مول .. يعني تقدر تقول المناطق اللي فيها اغلب اماكن التسوق
حددي المنطقة بالنسبة لبانكوك خلف فندق غريس
الاسعار من 200 ل 300 بات للشخصاي منطقة فيها اكل عربي وقريبة راح اكل منها .. اهم شي اكل مضمون
ربي يوفقج طبعاً التسوق والتجاره ب بانكوك العاصمةبس قرات في بعض التقارير ان الاسعار تكون ارخص في شانغماي .. واذا عندك اماكن لبضاعة التجارة .. اكون شاكرة لك
سوق الأحد , السوق الصيني , باتونام , mbk mallحلو وهذول الاماكن من ضمن المخطط اللي راح اسويه ان شاء الله
تاكسي أريح وأسرعالتكاسي على حسب المسافة وغالباً 150 بات وتحت
اما القطار لا اعلموالصرافة .. شنو احسن اصرف تايلندي او دولارات؟دولار
ماقصرت، بس اصرف دولار من البحرين احسن او تايلند .. وهل كل المحلات يقبلون بالدولار او لازم تكون معاي العملتين؟
حياكم اللهالله يحييك

ولد_البحرين
رحم الله والديك .. بس سؤال اهبل شوي .. الباتونام في شانغماي او بانكوك ؟؟

الاسواق الشعبية هي : الباتونام - سوق الاحد - السوق الصيني ببانكوك - و المحلات الى حول منطقة العرب.
التنقلات بالتاكسي أفضل بشترط تشغيل العداد .
اخذي الدولار الامريكي معاك يكون افضل و ما يقارب ال 5000 بات (العملة التايلندية ) لمصروفات يوم الوصول .

هلا اختي ،،
ما اذكر اسم المنطقة بشانقماي بس معروف النايت بازار انا سكنت بفندق سنتارا داونت تاون مقابل المريديان وكن اروح السوق مشي وطبعا بعد الساعة 6 الشارع كلها بسطات ينقلب ..
ثياب ماركات كل مكان بتحصلين اما النسائي ما ادري لانه الاصلي غالي في تايلند بس التقليد ارخص لانه صناعة محلية ... وما عليج لا من علي بابا ولا من سوبر مان ههه روحي بروحج ولا تعتمدين على مواقع ..
ومنطقة الباتونام منطقة معروفة في بانكوك .. واغلب المحلات والمجمعات هناك يبيعون بسعر الجملة يعني مثلا فستان ب 400 بات اذا خذتي مثلا اكثر من 3 يحسوبنه ب 250 الواحد وعادي تختارين نفس الموديل الوان غير .. الجينزات رخيصة والفساتين وغيره والجواتي والنعل تكرمين في محلات تبيع على 199 بات او 299 يعني دينارين ونص الى 4 دينار

الله يوفقج ... والل يا اختي عليج بباتونام في بانكوك والله روعه بمعنى الكلمة ويوم واحد ما بيكفيج ... القمصان الحلوة اللي نحصلها بمحلاتنا هني فالسناتر على 300 درهم و400 درهم هناك نفسها واحلى ومايخترب الجمله يعني من 3 حبات وفوق على 150 بات او في منه على 180 بات و250 بات بس صج صج روعه القطع ...
وانا ن شاء الله الاحد مسافرة لبانكوك ...
وعلى فكرة سمعت بمركز بلاتينيوم في باتونام وشفته بس مادخلته يمدحونه وايد ... هالمرة بدخله ان شاء الله ...

حسن الحمادي1
العملة التايلندية بس لمصروفات يوم الوصول؟؟ او لمصروفات التكاسي في مشاويرنا خلال الايام هناك والسوبرماركت والمطاعم؟؟
تسلم عالرد

ولد_البحرين
شكرا على المعلومات والاسعار اللي حطيتها
وفي نظرك جم المفروض اخذ معاي مبلغ ..
بدون طيران بحرين بانكوك بحرين ..
يعني سكن واكل ومواصلات وطيران داخلي .. واكيد التشري من هناك
واذا راح تحسب طيران بحرين بانكوك مو مشكلة بس خبرني شنو تتضمن الحسبة