اذا ميزانيتك مفتوحة فهناك في جزيرة بوكيت فلل فخمة بمسابح خاصة افضل من الشاطئ المفتوح وخاصة انكم محافظين وتبدا الاسعار من 650 ريال لليلة ..

اول شي الف الف مبروك علي الزواج
هذا الرابط لفنادق بوكت
http://www.phuket.com/hotels/index.html
هذا الرابط لخريطة فنادق بوكت
http://www.phuket-maps.com/
المنتجعات والفلل بوكت فيها مسبح خاص
منتجع لاقونا خمس نجوم
malisa villas suites
في الكاتا بيتش
مجمع لافلورا فلل وسط الباتونغ بيتش بس غالي حيل
فيلا ريزيدنت فيها مسبح خاص
اخوك :- عبدالله الكويتي

الهدار
يعطيك العافيه اخوي الهدار على الرد السريع
وانا حاط في بالي من زمان the racha
بس المشكله الشاطىء هناك مزدحم والفلل بعيده عن البحر بعكس الصور الموجوده في سايتهم..
انا ان شاء الله باخذ فيه ليلتين ولكن قاعد أبحث عن مكان أو رحله أفضل للسباحه في بحر ((طلب زوجتي )) وخصوصا انها ترتدي النقاب

ولد_البحرين
شكرا ولد البحرين على المساعده..
اي نعم الحمدالله الميزانيه مفتوحه بس ياريت تحط لي الاسم أو سايت الفلل؟
المشكله في بوكيت ليست في المسابح الخاصه لأنها متوفره وأسعارها مناسبه بالنسبة لي..
أما مشكلتي مع الشواطىء فهل يعقل ان مافي رحلات لجزر غير مأهوله أو شواطى معزوله!

bigbin609
كل الشكر لك عبدالله.. والله يبارك فيك
ياريت تفيدوني أكثر عن الشواطئ..

نصيحتي اذا تبي الخصوصية ابتعد عن شاطئ الباتونغ ،، اختار شاطئ ثاني مثل كاتا او كارون ..
شاطئ كاتا فيه فنادق مستويات عالية وفلل على كيفك واكثر خصوصية من الباتونغ اللي العالم كلها متجمعة فيه.
هذا انسب حل لك اخوي

ولد_البحرين
كلامك صحيح يا اخوي

mebooo
هلا اخوي
لا بالعكس موجوده هذي الشواطئ انت في تايلند ياعزيزي
هناك جزر كثيرة خارج بويكت ( بالاضافة الى جزر غير بويكت ) يمكن الذهاب لها سواء برحلة خاصة او رحلة جماعية ثم الانطلاق منها الى شاطئ معزول
مثال مثلا الرحلة الى جزر بي بي ممكن استغلالها بعد الوصول باخذ تاكسي مائي وطلب منه جزيرة غير مئهولة للسباحه
مثال ثاني وانت في بويكت ممكن تروح للاماكن بعيده للسباحه مثل شواطئ مابعد منطقة لاجونا او مابعد المطار
باختصار افهم ماترغب فيه واؤكد لك انه موجود
دولي