اسمع اول شئ لاتقول كم ميزانيتك في اي موضوع ( ماري ) مشاركه فيه والله ان تجلس تضحك عليه تقول وش هالمبلغ .. انا اذكر فيه موضوع قالت انا اسوي شوبنق بس ب 50 الف .. قلت عروس رايحه تجهزين قامت تضحك تقول 50 الف ماتكفي .. الظاهر انها بتبيع قصر الشانبرون لين جت تجهز وتجهز بقيمته .. الله يوفقها ويسعدها ...
ثاني شئ اسمع الاخ سلوم .. اذكره ماشاء الله قبل لايسافر مافيه احد ماسأله حتى انه جاب مهندس دشوش يطلع له قناة النمسا عشان يتابع اخبارهم من زود حرصه ماشاء الله ومع انه عريس .. يعني لازم يكشخ قدام المدام .. يقول كلفتني 1600 يورو ومافيه شئ ماخلاه بنفسه .. يعني 8000 ريال جيده ..ل 12 يوم او 13 يوم تقريبا ..
اما انك بتاخذ تاكسي وبتشخص معه كل يوم ب 200 يورو .. انت ماتسمع برياضة المشي .. امش ياخي وخل فلوسك بجيبك تنفعك ترى المشي زين بس القريب مو تطق مشوار لنهر الدانوب مشي تقول نكبه ورطني ههه ..
اخر شئ اذا تبي تروح اي مكان سواء نهر الدانوب او غيره .. خل معك خريطة الاندر قراوند وغير شوي بحياتك .. بالسعوديه ليموزينات وبالنمسا تاكسي .. جرب الاندر قراوند على الاقل لو شفتهم بالافلام يمثلون فيها عرفت وش الاندر قراوند وتعرف طريقته وحركته ومتعته
تقبل تحياتي .. ولجميع من ذكرتهم لهم فائق التحية والتقديرر العميقة من نكبة زمانه

نكبة زمانه
الله يرجك ، ياأني ضحكت على ردك الله يرجك ، مهندس دشوش
وانت الصادق 1600 يورو في 15 يوم
أبوأماني مايحتاج لغة ولا شي ، قل لأي واحد المكان اللي تبغاه مثلا ( ساحة ستفيز ) والباقي تعامل معه بلغة الأشارة صدقني ماتضيع ، انا على اني اعرف انجليزي بس مع ذلك مافادتني الا بالفنادق والا مع الشعب مااتعامل معهم الا بالأشارة لأنهم مايعرفون انجليزي ، يعرفون ألماني وبس . فوسع صدرك وانبسط بسفرتك ولا تشيل هم .

ماقلتلنا شو نوع سيارته؟؟ وياخذ 200 يوم كامل والا كيف؟؟؟؟؟؟؟؟

أخوي أبو أماني .. السعر أكثر من رائع الصراحه ..
أنا سألت عن سياره من فيننا لين سالزبورغ طلبوا 700 يورو ..
توكل على الله السعر أكثر من معقول ..

بصراحه كثيره جدا .. ياحبيبي انت رايح تتمشى ولا رايح تخسر ..
خير الكلام ماقل ودل يقابله مثل بالسياحه خير السفر ماوفرت ههه

ابوأماني نصيحة أبعد عن التاكسي لأنها تأكل أكل .
وبالنسبة للباصات والقطارات مافي أسهل منها .

ماري
ابو اماني طاوعني هذي بتورطك ههه وش اللي معقول ..
انا مادري عن الميزانيه اللي انت حاطها بس عاد خلنا واقعيين شوي ..
توكل على الله وخذ لك قطار درجة اولى افضل لك بس ..
مع التحية والتقدير لك ... وللأخت العزيزه ماري

uea123---->بصراحة مدري والله وش سيارتة راح عن بالي اسألة,, نعم 200 يورو يوم كامل داخل فينا ويوم السفر من فينا ل سالزبورج 300 يورو وهو قال انة يبي يستقبلني من المطار ويظل معي الى ان يوصلني الى فندقي بميونخ
ماري--------> أم أشكرك على المداخلة بصراحة انا كاني اشوفها كثيرة حبتين لكني اذا رحت هناك بشوف الوضع ممكن اخلية بحالات الضرورة يمكن الوضع أسهل من اللي انا متصورة( ممكن اسوي مفاوضات معة من ناحية السعر)
نكبة زماني------> ههه الله يقطع أبليسك على قولتك خير السفر ماوفرت
سلوم-------> بصراحة واجد يقولون التكاسي نار بس انا ودي اريح بالي من التوبيسات والقطارات خصوصاً وانة يتكلم عربي واخوك دجة باللغة(ممكن تسويلي مثال من يوم تطلع من الفندق الى ان تصل مثلاً ل نهر الدانوب كيف تسوي علماً اني ابسكن إن شاء الله في هيلتون فينا)
اشكركم حبايبي على المداخلات الجميلة ومشكورين
على فكرة السائق يقول عندة اكثر من واحد يعملون معة اللي يبي رقمة انا تحت امركم بعد الأذن من مشرفينا الاعزاء..

نكبة زمانه
أضحك الله سنك يانكبة زماني .... الأخت ماري اكيد لها وجهة نظر من ناحية السعر
حتى انا اقول القطارات افضل لتنقل بين المدن والباصات داخل المدن بس أخوك عليمي وش اقولهم اذا بغيت مثلاً نهر الدانوب؟؟
الميزانية مهنا ذاك الزود وانا اخوك ممكن 15000ريال من غير التذاكر والفنادق
وش رايك يا نكب ة:icon_scra