مجروحة حيل
25-09-2022 - 05:44 pm
السلام عليكم ورحمة الله وبركاته
كيف الحال وكل عام وانتم بخير وعساكم على القوة.
وبعد.
ان شاء الله ناويين على لندن بشهر 2
المطلوب منكم التالي:-
1- احنا عايله مكونه من 2 كبار و واحد 13 سنه و 4 اطفال ابي فندق اقل شي 4 نجوم غرفتين في شارع الاكسفورد والاهم ماتتعدى 30.000 ريال لمدة 14 ليله
2- بما عندي اطفال هل يفضل المواصلات بالتاكسي والا بالاندر جراوند والا الباصات "ارجو النصيحه"
3-ابي رحلات اونس العيال بالدرجة الاولى ، وين تنصحوني اسوي برنامج لهم ؟؟
4- بخصوص الميزانية ف حدود كم تكفيني للصرف يعني ما ابي احط بخاطرهم اي شي ، يعني كل شي يبونه ابي اخذ لهم يعني 50,000 الف والا 80,000 ؟ ارجو ارشادي
لان التنظيم المسبق جعل السفرة ناجحة 100%
ولو تذكرت شي برجع لكم ادري ماراح تخذلوني
وجزاكم الله خير جميعا مقدما....
فنادق ينصح بها في لندن
1-Thistle Marble Arch طبعا هذا الفندق بالسنتر أوسع الغرف
2- Cumberland وهذا الفندق فى غرف وسيعه اللى على الزاويه بالسنتر
3- Hilton Metropole وهذا فى شارع أجورود بعيد عن الكسفورد
4- Royal Lancasterمقابل هايد بارك وحدائق كنسينغتون 4 نجوم
5- Millennium Mayfair في منطقة المايفير ويبعد عن الاكسفورد 500 متر 4 نجوم
6- Coruse Hyde Parkفندق مقابل الهايد بارك 4 نجوم
7- Indigoقريب من محطة Paddington وشارع العرب
8- Churchill Regency Hyattفندق 5 نجوم قريب من الاكسفورد
9- Radisson SAS Portmanفندق بين الاجول رود والاكسفورد 4 نجوم
10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم*
11- Shaftesbury Metropolis London Hyde Parkيبعد عن الاجول رود 3 دقائق مشي ومكيف
2Best Western Mostyn hotelقريب من الاكسفورد
بخصوص التنقل. انا كنت اتنقع مع العيال مرة في الاندرجراون ومرة في الباص دون 15 سنه بالمجان والكبار تاخذ كرت التنفل اوستر. ب 28 باوند في الاسبوع الشخص الواحد
اذا كان المكان جريب انصح بالباص واذا بعيد انصح بالاندرجراوند
بخصوص الاطفال بتلاقي في التوقيع موضوع للاطفال
الميزانيه بنقول 200 باوند في اليوم ممتازة
واي خدمة