1. 7_ وشارع اجورد فيها شباب يصارخون كل واحد ينادى الثانى .

بحمد الله ورعايته رجعت لديرتى الحبيبه الكويت
الرحله كانت جدا ممتعه للوالد وأيضا لى وللعيالى
والجو ببريطانيا كانت جدا روعه
تقريرى يكون عن الايجابيات والسلبيات فقط
والسموحه عن الصور اذا لم يكون
السلبيات
1_ شارع اجورد حيل كان وسخ بالفتره الليل فقط مهما ينظفون فيه ما راح يتنظف مو عارفه السبب .
2_ مطاعم السريعه باجورد حيل مو مهتمين فيه .
3_ الكافيهات باجورد اسعارهم حيل غاليه والكافيهات اللي مو عربيه اسعارهم جدا حلوه والدليل طلبت بس جاى (شاى ) سعره جم تتوقعون بكافيها عربيه طبعا؟؟؟؟
4_ المطاعم باجورد ايضا فيها نصب حيل مو شويه والدليل اللي يدققون بالاسعار تكون الفاتوره غير عن اللي ما يدققون والدليل انا ما كنت ادقق لما ادقق كل شى صار اوكيه الله يجزها الف خير صديقتى قالت دقق وراهم .
5_ فعلا شارع اجورد ممتع للانسان دايم السهر ما ينام الليل وانا ما كنت احب اسهر لانى استمتع بلندن فى فتره الصباح .
6_ وشارع اجورد شارع مزعج يعنى ما تقدر تنام والسبب ازعاج هرنات السيارات .

7_ وشارع اجورد فيها شباب يصارخون كل واحد ينادى الثانى .

8_ شارع اجورد ممتعه فى فتره الصباح فقط لان العرب طبعهم السهر ليلا والنوم بالصباح يعنى اتكون فاضيه ما فيها احد فعلا العرب يعشقون السهر والدليل اجورد فاضيه ما فيها احد بفتره الصباح .
9_ شارع اجورد فقط لا غير يوجد فيها الشحاتين وهذه ظاهره جديده بلندن وحتى لو كانت مو جديده بس اكثرت ،، فى شوارع اخره لم ارى التسول بل رايت من يعمل حركات بهلوانيه وفيهم من يستخدم آله موسيقيه وغيرها بطريقه ممتعه من غير ما يمد ايده ويطلب من الناس النقود .
0- البقالات عندهم كذا اسعار يعنى كل شى يتلعبون فيه بس دقق اخى واختى المسافره حتى لا تقع بالنصب والاحتيال واسعاره جدا خياليه بعض الاحيان وبعضها تتقبلها بصدر رحب مو طيب منك غصبا عنك ،،، بس كل ما ابتعد عن بقالات اجورد راح اتشوف الفرق غير .
1- عندك سوق السبت اخذ كل شى منهم لمده اسبوع من خضار وفواكه واسعارهم جدا حلوه .
واخير كل واحد منا عنده أراء غير عن أرائى وانا احترام آراء غيرى
بس لندن حلوه ويستاهل العنوه لها لانها بلد عشقتها وحبيتها
والايجابيات ان شاء الله راح اكتبها