1. السلام عليكم,,,,,,

السلام عليكم,,,,,,

اخواني احب اتكلم عن تجربتي مع فندق ابراج الميريديان الفندقيه لني لسى جايه امس من مكه الله يتقبل منا ومنكم صالح الاعمال,,
بالنسبه للفندق انا توكلت على الله وحجزت فيه بناء على مدح الكثير من الاخوان هنا وعشان المشغل له شركة ميرديان,, الفندق كويس ومرتب ومهب مقصر من ناحية الباصات اتوقع انه متعاقد مع النقل الجماعي لن الفندق نفسه ماله باصات خاصه,, الاخوان ذكروا الايجابيات وانا ودي اذكر السلبيات من وجهة نظري وهي:

• الطريق من الفندق لمنطقة الحرم مب بعيد بس البعد من نفس المكان اللي ينزلك فيه(مواقف كدي) الى ساحة الحرم لنك بتضطر تمشي مسافه مهيب بسيطه واللي معه كبار سن بيتعبون .. صحيح ان فيه كراسي توصلك للدرج المتحرك بس ابوانا مشكلتهم يتعززون يقولون مانحتاج كراسي,,الله يقويهم على الطاعه,, والنفق نفسه فيه تصليحات يعني مكتوم مره
• بالنسبه للغرف مرتبه ولكن استغربت من النظافه العامه ( لك عليها) مدري هل هو لنه موسم وعليهم ضغط بس برضو هذا ماايشفع,, حفة التلفزيونات كلها غبار ,, الكوشنز(المخدات الديكور) اللي على الاسره والكنب مبقعه,, الشرشف فيه بقع !!! الابجوره كلها غبار,,مدري يمكن انا ادقق بزياده وغيري يشوفها عاديه بس وش يفرق الفندق عن غيره الا باهتمامه بالتفاصيل خاصه والمشغل المريديان..
• حنا حجزنا كان جناح ملكي وواحد دبلوماسي ,,الملكي عباره عن غرفتين نوم وثلاث حمامات ومطبخ وصاله.. اللي استغربته انهم حاطين مطبخ ماكل عليهم مساحه بس,, يعني مافيه الا ثلاجه ودواليب فاضيه,, وش الفايده كان حطيتو ميني بار ووفرتو مساحة المطبخ,, مافيه حتى غلايه للمويه الحاره!! نظافة الثلاجه مش حالك وفوق هذا فاضيه مافيها حتى مويه..
• الانترنت بالغرف واللوبي عليهم رسوم الساعه ب 30 ريال
• بالنسبه للمطعم,, بوفيه الافطار كان مستواه اقل من عادي من حيث التنوع وطعم الاكل,, الخدمه ماهم مقصرين فيها,, فيه مشكله ان البوفيه ينشال الساعه 10 يعني اللي يبي يصلي المغرب ويحتري العشا والتراويح بالحرم البوفيه يروح عليه وهذا انا اشوفه احد العيوب بوجهة نظري لن المرونه مطلوبه

حبيت اسلط الضوء على العيوب لن الاغلب يذكر المحاسن,,, تقبل الله منا ومنكم الطاعات واعانا واياكم على البر والتقوى,, وكل عام وانتم بخير