أنا باختصر لك الطريق، وراح تدعي لي إن شاء الله ..
بتلاقي كاميرات متنوعة من 1500 ريال حتى 5000 ريال، وصدقني الفارق في السعر ما يوازي فارق المواصفات أبدًا..
أنا بأدل لك على كاميرا تريحك، وتؤدي غرضك بدون ما تحس بنقص إطلاقًا، وهي كاميرا سوني موديل DCR-SR47 فيها هاردسك 60 جيجا، ومنها 3 ألوان، وسعرها معقول 1650 ريال تقريبا ، وهذي صورتها
وبالنسبة لتصويرك لأكثر من رحلة ومناسبة و حلها بسيط جدًا، فيه برامج لدمج مقاطع الفيديو، فانت مثلا رحت رحلة صورت فيها أكثر من 20 مقطع، بإمكانك تأخذ العشرين مقطع هذه وتدمجها في مقطع واحد، وتنسخه على جهاز الكمبيوتر ولو حبيت تنسخه بعد على cd أو dvd ، مع اهمية الحفظ بالمقاطع الخام في مجلد لوحده قبل الدمج.
أنا أكثر ما عجبني في الكاميرا هذه، بعد استخدامات متعددة لعدة كاميرات، إنها كاميرا كرف، تتحمل بشكل ما تتخيله، وسهلة الاستخدام للغاية، والتحميل من وإلى الكمبيوتر في غاية السهولة.
أما بخصوص استفسارك الثاني عن الكاميرات الفوتوجرافية، فالكاميرات اللي بحدود السعر اللي أنت محدده (700 ريال) فعندك خيارات عديدة، خاصة إن السعر المحدد ما تقدر تتميز فيه، ويدخلك للكاميرات الاحترافية حتى تقول أنا محتار، لكن نصيحتي مع إني فضلت لك كاميرات السوني في الفيديو، نصيحتي إنك تبعد عن السوني في الوفتجرافي، رديئة في تصويرها، حتى لو تدفع ألف ريال بتنصدم بتصويرها، حتى صور الجوال أحسن منها، وأفضل لك الفوجي فيلم، الكانون، النيكون.
وتحياتي

((((فصلت الرد هذا لأنك خرجتنا عن التصوير )))))
فبخصوص استفسارك عن جهاز الجارمن، أول شيء أبيك تحدد لي أنت تبي الجهاز ليش؟ براري وصحراء؟ والا مدن؟

سفير أوروبا
شكلها ممتاز و بمواصفات رائعة و سعرها جدا معقول
لكن معاليش وش مميزاتها بعد من ناحية استخدامها في التصوير ( واضح و صافي ) > خصوصا الليلي ؟
شاشتها تش ؟
فيها تصوير فوتو ؟
متى نازله ؟
ما ادري 60 قيقا الحين تكفي ؟ مع اني ما لاحظت نقص مع كامرتي الاولى و هي نفس الحجم 60
من وين يفضل شرائها ؟
من ناحية البرامج الي تحفظ لي المقاطع هل تحمل من النت ؟ و الا اشتريها ؟
و ممكن مسمياتها لا هنت
هين الفوتوغرافيه ما ابي احترافيه , ابي كاميرا عمليه و للتصوير اليومي بمواصفات تكفي تصوير واضح و طبيعي بسعر معقول

سفير أوروبا
لا ابيه مدن
تعرف للسفر الخارجي , خريطة دول و مدن اوربا على سبيل المثال
ما ادري ما فيه جهاز يجمع لي بينهم ؟ صحراء و مدن ؟
لكن مثل ما ذكرت الاساس عندي المدن
,
الله يجزاك خير على تجاوبك
و معاليش مكثرين الاسئلة عليك

وكم تجلس البطارية من ساعه ؟

1. صقر المملكة


2. انا ما مدحتها لك إلا لصفاءها في التصوير، تصويرها واضح ودقيق

صقر المملكة

انا ما مدحتها لك إلا لصفاءها في التصوير، تصويرها واضح ودقيق

ولو أقول لك على قصة أكيد ما أحد فيكم بيصدقني؛ فمرة ثبتها قدام عود صغير كنا ننشن عليه بساكتون هواء، تصدق إن حركة رصاصة الساكتون وهي تمر من جنب العود رصدتها ؟؟؟؟ اكيد ما أحد فيكم بيصدق مثل خوياي اللي ما صدقوا حتى شافوا بعيونهم
أما التصوير الليلي ، فأنا أصور بالليل بنفس وضعي النهار، لأن التصوير الليلي في أي كاميرا بيصير فيه لون أخضر، وتشوف العيون عيون قط، وجربتها في الليل بوضعية النهار .. واضحة جدا، بس لازم تبدأ التصوير وأنت موجه العدسة على أي مصدر ضوء لو شعلة ولاعة، حتى تستجيب الكاميرا لحساسية الضوء.
شاشتها LCD ، تتش
تصوير الفوتو مو بالمستوى المقنع أبدًا ، يعني رديئة، وعلشان تقتنع أكثر وأان أكتب لك هالمشاركة صورت لك الشاشة، وهذي هي الصورة
بالنسبة لحجم الهاردسك انا بالنسبة لي هاوي تصوير بشكل ما تتخيل، ما عمره امتلى عندي، لأني أنزل أول بأول، من خوفي لو انسرقت راح كل اللي فيها، وبغمكانك تصور 45 ساعة، أو تضعه على أدق شي وتصور 18 ساعة، يعني 18 فلم على أيام أول.. شي مو بسيط أبدا
وإذا بتشتريها عندك اكثر محلات الإلكترونيات او شركة عالم سوني نفسها (ضمن مجموعة الفيصلية)، بس أفضل الشراء من الموزع لسبب مهم، وماهي سالفة تلقى الموزع أرخص من الششركة بعشرين ريال والا ما أخس منها، لكن فيه مرونة في البيع، يعني ممكن تروح لمحل إلكترونيات فيه يمني، تقول له بأشتريها منك وهذي فلوسها، بس بأشوف إذا ما ناسبتني بأردها لك الليلة كحد أقصى، ما راح يقول لك لا، لكن روح للشركة وشوف وش يقولون لك.
أما من ناحية البرامح، يجي معها برامج في سي دي، لكن أكذب عليك لو قلت لك جربتها أو اشتغلت في برامج سوني، اللهم جربت في أكثر من برنامج حلو في المج، وهي كثيرة ومن الإنترنت تحملها، اكتب في Google عبارة "دمج مقاطع الفيديو" وشوف كثر النتائج اللي تطلع لك.
البطارية تصوير لحد ساعتين تقريبا

سفير أوروبا
ماشاء الله معقوله بهالدقه
و الله من كلامك تشجعت اني اشتريها
غريبه الفوتو تصويرها مو واضح > الي كانت معي اغنتني عن الكاميرا الفوتوغرافيه
بس بما ان هذي ارخص بصير ممكن اجمع بينها و بين كاميرا فوتو
دخلت موقع سوني و لقيت هالكاميرا الشكل تشبه هذي بس بمواصفات أعلى
DCR-SR-68

و سعرها بحدود 350 دولار , مناسب
بروح اشوف بيست باي او الكترو و بقارن بين المواصفات و الاسعار
انت متى شاريها ؟؟
الله يعطيك العافيه ع المعلومات و مشكور و ما قصرت

أي أحد عنده خبره و تجربه مع كاميرات الفوتو ؟؟
+
القارمن !!

نصيحة اخويه ابعد عن السوني
انا مثلك كنت من عشاق السوني لكن بعد ماطحت الكانون نسيت شي اسمه سوني
اعطيك مقارنه عملته بين السوني والكانون
دخلة معرض سوني سئلته افضل كاميرا سوني عندكم اعطاني الكاميرا بس شرطة علية ان يكون تصويره افضل من الكاميرا التي معاي فوافق
شغلنا الكاميرتين فاسئلة احد الزبائن ايهما افضل فقال الكانون افضل
canon hv30 او canon hv40 s سعره في حدود 3700 صحيح ان غالية شوي لكن تستاهل