حياك الله اخوي نتشرف فيك ياغالي
بخصوص السكن القريب من جامعه الدمام انصحك في حي الراكة في منطقه الخبر يوجد شقق للعزاب والعوائل
وبخصوص الخدمات كل شي متوفر تقدر تقول 85 %

السكن يفضل ان يكون بحي الرآكه التآبع لمدينه الدمآم
وفيه خدمات وفيه مطاعم وتلاقي فيه بأذن الله شقق للطلاب
ولوو ماقدرت ممكن تسكن بحي الطبيشي بالدمام وتطلع للجامعه عن طريق الساحلي

عفوا
الراكه في الخبر
الطبيشي شويه بعيد وخصوصاً زحمة اشاره الميناء الملك عبدالعزيز ( قلق ) خصوصا وانت جاي من حي الطبيشي بالدمام

مشكورين شباب...
بس كيف بالنسبة للأسعار؟؟؟
و توفر و سائل النقل، و ماهي المسافة بين حي الراكة و الجامعة؟؟

هلا اخوي algassab 2002 اسفين على التاخير ياغالي
بخصوص الاسعار تتراوح من 6 الف ريال سعودي الى 10 الف ريال
وسائل النقل الله يعينك مافي الا تاكسي او انك تستاجر لك سيارة او تجي بسيارتك
بخصوص المسافه من حي الراكة الى جامعه الدمام تقريباَ كلها 15 دقيقه وانت في الجامعه ياغالي
تحياتي لك

ان شاء الله هذا بيفيدك كثير وبخصوص فتح الخط 00966
بالتوفيق اخوي

يا هلا بأهل سلطنة عمان ، أمس فرحنا بالطيران العماني من وإلى الدمام واليوم فرحنا أكثر بوجود أهلها من طلابها بينا ، و مثل ماقالوا أخواني أقرب سكن لجامعة الدمام حي الراكة الشمالية والذي يتفرع منه حي الصفا ، وعندك أقرب حي النورس المعروف عند أهل الدمام حي ( بترومين ) تفصلة إشارة وحدة عن الجامعة وفية أحياء تبعد عن وسط الدمام مسافات قليلة مثل قال أخوي عن حي الطبيشي ، وحي مدينة العمال و حي عبدالله فؤاد وأن شاء الله تلقى سكن المناسب لك .

مشكورين شباب، و عساكم ع القوة.