السلام عليكم ورحمة الله وبركاته ..
اخواني وخواتي أول شي أمسي عليكم بالخير، وثاني شي خططت لسفرة لبيروت وحبيت آخذ رايكم في الأشيا الرئيسية في ترتيباتي ...

• ملاحظة: مدة السفر 6 أيام.

أولا: الطيران، طبعا خطوطي المفضلة ( والوطنية زايده شوي هاليومين خبركم خذنا كاس العالم ) الخطوط القطرية - وإن كانت شوي غالية.
ثانيا: السكن، اخترت فندق سفير روشة عن طريق booking.com لسببين:
1- انه أرخص سعر في ذيك الفترة. ( وطبعا هذا السبب الرئيسي )
2- إنه ماخذ ريت في الاستطلاع عالي والأكثر يمدحونه.
ثالثا: المواصلات، اتفقت لي مبدئيا مع سواق بياخذ في اليوم من غير البنزين 70 دولار، فلو قلنا تطلع مع البنزين في اليوم تقريبا 90 دولار.
رابعا: الميزانية اليومية الاعتيادية، والله أنا ما أدري شلون لبنان لأنها أول زيارة لي لكن لو قلنا ( 300 ) دولار في اليوم للصرف الاعتيادي تعتبر جيده ولا ناقصة ولا زايدة؟ ( طبعا بدون الفندق والمواصلات ).
وأتمنى اللي عنده فايدة أو نصيحه لا يبخل علي فيها ..
محبكم Google 3G