كلها أمنه ..
و أفضلها الخطوط السعوديه ( كأنك في بيتك ) بالاضافه لدعاء السفر و المسجد ..
وميزتها دايركت .. 14 ساعه تضربينها دقه وحده ..
أفضل من الشحططه في المطارات في الدول الاوربيه أحيانا بين الرحلتين 4 ساعات ممكن تفوت عليكم الرحله
و ويالله إقعدبها ..

14 ساعة من الرياض ؟
طيب وكيف القطرية ؟ لأني باحجز متأخرة لو ما لقيت بالسعودية وين اروح ؟
وبعدين بأسأل الحين لو صار النزول بباريس مثلا كيف اتفاهم معهم بالمطار وانا ما اعرف فرنسي او انجليزي !!!!!!!!

الظاهر اني خرعتك ..
يا بنت الحلال لا تخافين .. الدعوه سهالات ..
أنا قبل سنتين لما جيت لأمريكا .. عن طريق فرنسا ..
كانت لغتي لك عليها .. وكان أغلب اللي اسألهم من موظفين المطار لغتهم مثلي و أردى ..
لكن والله الامور مشت زي الساعه لدرجه أن المطار اول مره ادخله .. و المطار ضخم ..
بالاضافه بين وصولي و اقلاعي اربع ساعات خفت تضيع علي الرحله ..
لكن ولله الحمد مشيت على خريطه المطار على شويت لغه إشارات لين وصلت بسهوله ..
لا تخافين .. و الخطوط الخليجيه كلها روعه ..

طيب الحين وين احجز ما لقيت بالسعودية وودي برحلات مباشرة يعني عادي اوقف بدبي بس ما ابي اوقف بديرة أجنبية
أو الدوحة
وش الأفضل تكفون رحلتي ابيها بين 16 اغسطس الى 19 لأن دراستي ب 25 اغسطس وبواشنطن دي سي

اذا خطوط خليجيه ..فاكيد بتكون فيه وقفه في عاصمه هالدولة ....مافي دايركت الرياض واشنطن الا الخطوط السعودية ..ومدامك خايفه من الوقفه في مطار اوروبي ....مع اني مااشوف فيها اي مشكله ...حتى لو اللغه ضعيفه ...بس أسالي اي موظف في المطار ...وراح يدلك ...لغة الاشارات شغاله ...مايحتاج كلام كثير ...
والرياض واشنطن 13 ساعه ..او اقل شوي ...طبعا يعتمد على حالة الجو ..واشوف انها اريح الف مره ...لانه سحبه وحده ..لاوقفات ولاغيره ....
بالتوفيق

حاولي يا اختي انك تلقي رحلة دايركت والله اريح مية مرة
الله يسهل امورك يارب

انا افضل الخطوط السعودية
لكلن عيبها انه بيكون معاك سعوديين كثير طيب وش المشكله
انك بتنتظري كثير في المطار لان الاجراات تطول لعده ساعات00
بطيئين جدا جدا
اما لو جايه على خطوط اجنبيه بيكون العدد قليل جدا فتخلص الاجراءات في دقائق معدوده

يا شيخة طيران الأمارات
1 - مريح
2 - فخم
3 - دايركت
4 - الوقوف بدبي ( و ممكن تدخليها لمدة 96 ساعة و تتسوقي بالمرة ( يا حبكم يالحريم للتسوق و مضيعة الدراهم .ههه ))
5 - أرخص من الخطوط السعودية
6 - يوميا عندهم 4 رحلات لأمريكا ( اثنين نيورك و واحدة واشنطن و واحدة اوستن و قريبا رحلة يوميا للوسانجلوس و كمان وحدة لسان فرانسيسكو )
7 - الحجز سهلة جدا جدا
يمكن الحين اللي راح يقرا الموضوع راح يقول هذا شكله مضيع لأن البنية سافرت في اغسطس و الحين تلاقيها بدأت الدراسة و يمكن عندهم كمان امتحان الاسبوع الجاي ...ههه )
بس الكلام هذا للفائدة للاخرين المقبلين للسفر .....
الخطوط السعودية ع فكرة جدا ممتازة و هي افضل خطوط ركبتها في العالم ( من كثر الخطوط اللي ركبتها !ههه ) و لكنها غالية جدا
تذكروا دائما :
ليس كل ما يتمنى المرء يدركه ...................
سلام و سوري نسيت اقول رمضان مبارك ..............