والله ياخوك انا حاجز تذاكر من الموقع الرئيسي لطيران الاتحاد ومرسلين التذاكر على الايميل وسحبتها
والفندق عن طريق بوكنق ومفيز من القنصلية بجده
والي أتوقعه أن جوازات المطار الدولي بجده ماراح ترجعنا ومالهم حق
وبعدين فيه احد الاخوان قبل البارح قص البوردنق وماقالو له شيء
وبالعكس يقول جالس انتظر الاقلاع ...
يعني بحول الله الامور سهاله

الله يسمع منك اخوي الحنون
والله اني على اعصابي شوي اقول اكنسل الحجز واحجز على ماليزيا من ماليزيا بالطيران الداخلى اروح تايلند
لاكن الله يكتب الى فيه الخير

ما الومك والله ولعلمك سافرت عائلي وشبابي ولاصار لي اي شيء قبل كذا
والحين شبابية وان شاء الله ربك يسهلها علينا وعليك
وصدقني مافيه مثل تايلند في الاستمتاع
بلا ماليزيا بلا اندونيسيا
تايلند تستاهل التضحية
وعلى قولة السدحان (( طقطقه ووناسه ... وناسه وطقطقه ))
كل الود

ان شاءالله ما راح يحصل شئ و اموركم تتيسر باذن الله .

ان شاء الله بنسمع الاخبار الطيبة من الاعضاء الي بسافرون في الاسابيع الجاية

توكل على الله مافيه شي بس دبر عمرك لما تجدد جوازك ورحله سعيده

توكل على الله يا رجال ولا تشيل هم واسال مجرب
انا زيك سافرت عن طريق طيران الخليج (الرياض-البحرين-بانكوك)
ولما تروح للمطار طبعا بتروح لكاونتر طيران الاتحاد عشان يعطيك البوردنق لصعود الطائرة
طبعا هو ببيعطيك أثنين .. بوردينق لرحلتك من الرياض للامارات و بوردينق من الامارات الى بانكوك
فانت عط العسكري جوازك و بوردينق رحلة الرياض للامارات وبيختمها وبتمشي امورك
وعلى فكره ترا حتى لو قلت للعسكري انك بتسافر تايلاند فهو ما يقدر يسوي شي ولا يوقف رحلتك لانه ما عنده صلاحية ..
اكثر شي بيسويه بيقولك الله يعينك اذا جيت تجدد الجواز فقط .. وهذا كلام شخص يعمل بجوازات المطار
رح يا رجال وما فيه اي مشاكل وما تحتاج واسطة ولا خوف ولا شي .. والله يوفق الجميع

خوفتني صراحه احنا رحلتنا يوم الخميس ان شاء الله

وعليكم السلام ورحمة الله وبركاته
ياجماعة الخير الموضوع بيديكم انتم من يحدد السفر من عدمه ، المنع واضح للجميع وتابعناه الاسبوع الماضي ونزل توضيح بهالشي من الداخليه السعوديه والي ودي اقوله لكم الله يعينكم بعد السفر اي بعد ما ينتهي الجواز لان فيها منع ثلاث سنوات وغرافه خمسة الاف ريال او بها معا حسب القرار وبعدين وش حاداكم على تايلند الدول المجاوره تقوم باللزوم ما عدى اهل الخبره والي متعودين على تايلند هم من راح يحس بالفرق >>له تجربه سابقه ههه
والي مصر اصراراً وملح الحاحاً يتمسك بكلام الاخ سواح عطاكم الحل بعد العوده وهو ماحصل لاحد الزملاء حيث سافر لتايلند وبلغ بأنه سوف يتم سحب جوازه ودبر نفسه الرجال ولا راح مرة ثانيه .
نسيت اقول لكم ان هناك استثناءات بالتعميم يقول ماعدى الذين لديهم موافقات من الغرف التجاريه.
بالتوفيق للجميع