السلام عليكم و رحمة الله ,,
إخواني و أخواتي ما بقى إلا 5 أيام إن شاء الله على الرحله و ما عندي إلا كم سؤال الله يكرمكم ,,
الميترو وش سالفة تذاكره ؟!
يعني أنا كنت حاط ب راسي تكاسي بس قلت لو ظبط معي شغل المترو فإني راح أستخدمه إن شاء الله ل أن التنقلات عديده ,,
و بما إني راح أقضي مده في باريس ف من الآخر يعني راح أشتري كارنيه ( أعتقد هذا إسمه ) اللي هو عباره عن 10 تذاكر ميترو دفعه وحده ,,
بس الأسئله هي : يعني لو مثلا بالليل رحت محطة فرانكلين روزفلت و قلت له يعطيني الكرنيه هذا ,,
هل راح يسألني عن تاريخ التذاكر متى تبدأ و متى ينتهي إستخدامها ؟!
و حنا شخصين عموما ف السؤال الآخر : قمنا الصبح مثلا و معنا الكرنيه و دخلنا محطة روزفلت و نبي نروح الأوبرا مثلا ,,
و إعتبروا إن الرحله ما فيها تغيير قطار , هل راح ياخذون مني تذكره و من الشخص اللي معي تذكره لما نوصل الأوبرا و لا هي ل يوم كامل متعددة الإستخدام ؟!
و طيب لو مثلا دخلت يوم الصبح محطه معينه و رايح مثلا كنيسة نوتردام و نفرض إنه فيه محطه لازم نغير فيها القطار ,,
هل لما نغير القطار ياخذون التذاكر و لا عادي أغير و أركب على كيفي حتى نهاية تاريخ كل تذكره معي ؟!
رحلتنا فيها تغيير قطار و وصلنا المحطه اللي راح نغير فيها القطار وش السالفه ؟!
يعني ننزل من القطار و بعدين وين نروح , هل على طول نركب قطار ثاني و لا نبحث عنه و لا شسالفه
# الميترو على طول يكون موجود لما أدخل أي محطه و لا أنتظر شوي و له مواعيد محدده و لا كيف ؟
أخاف أقوم من الفجر و أدخل المحطه و ما ألقى إلا السكاري و الشحاذين
أحس إن أسئلتي غبيه بس وش أسوي مو متعود على نظام الميترو
أفيدوني الله يعطيكم العافيه