1. ابو بدر انت و الربع و لاتهونون يا ليتكم تفيدوني في بعض المعلومات

السلام عليكم و رحمة الله و بركاته
زانت علومك يا ابو بدر والله يوفقك في حلك وترحالك ,,
والله اني انا اللي توهقت ما اعرف احجز بالانترنت ماعرف الطريقه حتى لو تفهمني
لكن ماهيب مشكله :112:
ان شاء الله بحجز على الاتحاد او الكويتيه لكن ودي اعرف كم يعطونك وزن الاتحاد؟
لانه اذا نفس وزن الكويتيه ابي احجز فيها والله يعييننا على الترانزيت ( مع انها فرصه طيبه اننا نزور عاصمة الشيخ زايد الله يرحمه )
وبعد ما اوصل تايلند بروح احجز من المكاتب طيران داخلي و سكن ,, بس اي مكاتب تنصحون احجز منها اللي في شارع كوسان والا نانا والا مكاتب المطار؟

ابو بدر انت و الربع و لاتهونون يا ليتكم تفيدوني في بعض المعلومات

• اسماء فنادق بانكوك و بوكيت اللي تنصحون فيها و مو شرط خمس نجوم لكن ابي فنادق ذربه و محترمه لان معاي المدام ( معاريس جدد ) ويا ليت تكون اسعارها مابين 1500 الى 2500 بات تايلندي .
• فنادق في بوكيت توجد بها مسابح خاصه ( يعني غرفه مع مسبحها الخاص لقضاء ليلتين او ثلاث ليالي بها ) وهذي سعرها مو مشكله لو يرتفع لي 5 او 6 الاف بات .
• اسماء الفنادق في غابات الكاوياي وخصوصا المطل على البحيره .
• ماهي الاماكن التي تنصحوننا بزيارتها في بوكيت و بانكوك ؟ .
• ما اسم الفنادق المجربه في جزيره بي بي ايلاند وكم اسعارها وكم ليله تنصحون ان نقضي بها ؟ .
• اذا حجزنا باحد الفنادق وقلنا (هوني مون ) هل سنلقى اهتمام واضح؟ و هل نذكر ذلك ام لا نذكره لكي لا يختلف السعر ؟ .

افزعوا لنا يا اخوان ويا خوات بالشغل العدل الله يبيّض و جيهكم ,, لاني طلبت اعداد برنامج في ساحة الاستفسارات ولم يرد احد بالشكل الواضح
الرحله ستكون مابين 15 الى 17 يوم
ولاهنتوا جميعا :x1:
والله ولي التوفيق

تروح وترجع بالسلامه أخوي ابو بدر ..
وقواك الله ..

يعطيك العافية اخي Traveler Q8i واشكرك على مشاعرك العطره وهذا مو غريب عليك دائما هذا شغل المتميزين أمثالك .
أخي محب السياحة تآمر آمر اليوم المساء أعطيك افضل ما عندي تابع الموضوع اليوم وتجد ما يسرك وشكرا اخوكم ابو بدر

1. محب السياحه

محب السياحه

بخصوص وزن طيران الاتحاد اليوم استلمت التذاكر 20 كيلو . بنسبة لحجز الطيران الداخلى انصحك اول ما تصل مطار بانكوك تروح الصلات الداخلية وتحصل كل مكاتب حجز الطيران الداخلي تحجز من عندهم وتعرف المواعيد مضبوط عشان على ضوء ذلك تحجز الفنادق . تمام حجز الفنادق ما انصح احد يحجز من المطار والكلام هذا ينطبق على تايلند وليس كل الدول عشان يختلف من دولة لدوله تحجز من شارع نانا تعرف ليش عشان هناك ما احد يحجز من عندهم إلا العرب تقريبا وما يقدرون يغشونك يخافون على سمعتهم .وهذا بخصوص الفنادق بانكوك Ambassador hotel Bangkok يصلح معاك وسعره جيد .
في بوكيت إنتا طلب غرفة بمسبح إذا في احد من الأعضاء يعرف يدلك وإذا لزم الآمر بتصلك في احد المكاتب في بوكت واسالك .
في غابات الكاوياي ممكن تحجز من بانكوك برنامج لها وتطلب الفندق انا رحت هذا البرنامج أعطوني فندق في وسط المدينة اخذته ليله وبعدين غيرت في الفندق على النهر ممكن تنسق من هناك بسيط الموضوع انتا احجز الرحلة من المكتب وتخبرهم وتقول انا اريد الفندق إلا على النهر ممكن تصرفك وتقلك فل خلك منها ولا قابلت المندوم والمسؤل عن الرحلة في غابات الكاوياى بتقابله هناك في نفس المكان خبره بطلبك وهو يدبرك زي ما صار معي في بانكوك مثالا دريم واتر ممكن تراجع مواضيع السياحة بتحصل كل الآماكن السياحية في تايلند وسوف اكتب تقرير عنها قريبا.
الحقيقة انا رحت الجزيرة وهي جميله بالنسبه للاسعار تختلف مثل انا سالت عن شاليهات جميلة جدة بجوارها مطعم اسماك طازج هلى البحر ومنزوية بعيدة عن زحمة الجزيرة سعرها من 3500 بات إلى 5500 بات حسب الحجم والإطلالها حسب نوع الفندق وما يقدمة من خدمات لا اتوقع ان يزيد عليك في السعر سوف يحضرون لك قاتوه وشمع ومن هذا القبيل .
رحله موفقه وإجازة سعيدة وترجع بالسلامة اخوك ابو بدر

تروح وترجع بالسلامه اخوي وانا الصيف اللي طاف رحت على الاتحاد والصراحه روعه والسنه ناويه اروح عليها ان شاء الله وتحياتي لكم

يوم الثلاثاء صباحا الساعة 10.30 طبعا كنت نايم ومحول جوالي على خدمة موجود صحيت حدود الساعة 11 فتحت الجوال حصلت إتصال من طيران الاتحاد بحدود الساعة 10.30 خوفت قلت خير إنشاء الله حجزي أوكي والتذاكر مدفوعة بالإنترنت وكل شئ تمام على طول جاء في بالى أنهم أخره الرحلة قلت والله هذه الورطة يا ابو بدر حجز فنادق وأي تاخير مو في صالحي اتصلت على الفور كالعادة مشغول تيلفوناتهم على طول ركبت السيارة وتوجهت على مكتبهم في طريق المدينة الطالع والمكتب كان فاضي توجهت للموظف كان أمامي وستقبلي بابتسامة مشرقه وقال إتفضل بالجلوس وسالته جاني إتصال منكم قال وإش الموضوع قال في تذاكر لك قلت مو الحجز عبر الانترنت قال نعم بس لازم تاخذ تذاكر مو إلكترونية التذاكر قالت ما في مشكلة مادام الموعد ما تغير بس والله يا شباب الحقيقة انا اول مره اروح على الاتحاد . خدمات خمس نجوم قالو لي طلبك الخاص إلا طلبته على الانترنت جاهز انا نسيت الموضوع قلت اي طلب قال بخصوص الوجبة قالت ايو ايو المهم خرجت من المكتب رايح على السيارة ما الاقي إلا لاحقني على السيارة ويقول مستر ما تريد تختار المقاعد قلت إلا قال تعال ورجعت المكتب عندة واخترنا المقاعد وانا رايح قلت والله يا زينك خطوط يا الاتحاد .

ابوبدر حياك الله
الله يخليك لازم التذكره مو يكفي الكترونيه عشان انا معي هي فقط لازم اروح للمكتب؟؟