مرحبا lulu
جربي الخطوط الفرنسية من بداية جون راح يبدون رحلة من باريس اورلاندو
يعني تقدرين تحجزين الرياض - باربس -اولاندوا
والسعر مثل لفتانزا ويمكن اقل لو حجزتي بدري

^^
معليش اذا تعبتك معي بس ودي آعرف كيف آحجز منهآ طيب
ولو بالتفصيل يكون آحسن :$

السلام عليكم
رحله سعيده مقدما
حبيبي انا رحت امريكا مرتين وكلها على طيران الامارت
وبصراحه ما افكر اسافر إلا مع طيران الامارت صج غالي بس
استمتع بالخدمات و الراحه ...
ورحله سعيده

Lulu Al-M
وعليكم السلام ورحمة الله وبركاته ..
الموضوع جدا بسيط بإذن الله .. ادخلوا على رابط الخطوط أدناه ..
http://www.lufthansa.com/sa/en/Homepage
موجود على يمين الشاشه مستطيل فيه البيانات التاليه ( اتبعوا الخطوات معي بالترتيب ) :
1- تضعون المؤشر على الخيار الأول :
Round-trip ( المقصورد ذهاب وعوده )
One-way ( ذهاب فقط أو عوده فقط )
2- في مستطيلين بالطول الأول مكتوب فيه ( Origin ) : القصود بها مجطة الإقلاع ( اكتبوا riyadh )
الثاني مكتوب فيه ( Destination ) : المقصود به محطة الوصول ( اكتبوا orlando )
3- المستطيلين الي تحت - الأول ( Outbound ) : المقصود به تاريخ الذهاب من الرياض
الثاني ( Return ) : المقصود به تاريخ العوده
4- المستطيل قبل الأخير ( اختاروا عدد الركاب ) جنبها على طول خيار اسمه ( Travel with children ) إذا عندكم أطفال من سنتين إلى 12 سنه ( واختاروا كم عددهم ) وإذا ما في أطفال لاتضغطوا عليها
5- المستطيل الأخير ( اختاروا الدرجه إلى بتحجزوا عليها )
6- بعد كذا الضغط على أيقونة ( Search flights )
راح تفتح صفحة ثانيه بخيارات الرحلات المتاحه وأوقاتها ..
أتمنى لكم التوفيق

^
يعطيك العآفيه آنآ سويت نفس الي قلته
بس آخر شي قآلي ( Maximum number of passengers exeeded )
آيش قصصده آذا عدد الاشخاص كثير فأنا حاجزه 6 كبآر وطفل وآحد بس
مآادري ليه مارضى حتى يوم غيرت التاريخ نفس السالفه
بس يوم نقصت عدد الكبار وآفق
في حل !

^
^
ممكن أعرف عمر الصغير الله يحفظه ؟

عمره 5 سنوآت تقريباً

أعتذر لتأخري في الرد ..
صادقين جربت أحجز وطلعت نفس المشكله !!
جربوا تقسمون نفسكم في الحجز ( إن شاء الله تضبط الأمور )
بحيث يكون الحجز 3 بالغين وطفل .. وبعد كذا 3 بالغين فقط لنفس الرحلة بالتحديد لا تنسوا هذا الشي
ملاحظة : قبل لاتسوون هذه الطريقه .. يوجد في أعلى صفحة الموقع أيقونة ( Help & Contact ) راسلوهم وضحوا لهم الاشكالية عندكم وإن شاء الله يردون عليكم بأسرع وقت .
أتمنى لكم التوفيق وأن يسهل الله لكم أموركم كلها

اذا كانت الدرجة سياحية
فالرحلة الى فرانكفورت بتكون متعبة شوي لان نوعية الطائرات الي تروح من الرياض الى فرانكفورت هي من نوع بوينغ 747 يعني قديمة .. لا شاشة ولا ترفيه ومتعبة والطائرة الى اورلاندو بتكون جديدة وهي من نوع ايرباص 330
والي اجدد منهم كلهم هي في العودة من اورلاندو الى فرانكفورت من نوع ايرباص 340
والخطوط الفرنسية افضل واحدث
اما اذا الدرجة بزنس او اولى فاللوفتانزا افضل
بالتوفيق