كل اللي اقدر اقوله كثري من الملابس الشتويه الثقيله
لان البرد ماراح يكون طبيعي واذا مانزل سنو المطر راح يلعب فيكم عدل
اما فندق قريب من الهايدبارك ومن شارع العرب ماكو غيرة كمبرلاند هو احسن فندق واحسن مكان
تروحون وترجعون بالسلامه

أبي بعد معلومات هل البرد راح يعوقنا على التسوق والإستمتاع او لا ؟؟

سلمى غزالي
طبعا لا لان الحريم وناستهم بالسوق وبالسوق فقط انسي طبعا الهايدبارك راح يكون الجو بارد يعني ماراح تتمشين فيها اما المجمعات والمحلات الكبيره طبعا دافيه وتقدرين تقعدين فيها من الصبح لليل او للساعه 6 لان كل شي يسكر الساعه 6 الله يعين اخوكم عليكم راح يتعب وهو ينطركم في المجمعات

أدري تعبتك معاي أخوي بس بعد عندي استفسار يعني تعتقد حتى لما نروح نلعب مانقدر لأن احنا كلنا شباب أنا اكبر وحده عمري 22 وأخوي وأختي توأم 21
ونبي نروح ألعاب واايد راح نطلع من لندن بنروح برايتون بنروح مزرعة مارجريت وراح نروح ديزني لاند في باريس يعني مو بس بريطانيا
تعتقد هالأشياء راح نقدر نسويها ولا لأ؟؟

سلمى غزالي
اللي اعرفه حئوله على طول وبدون زعل طبعا واللي اقدر افيدج فيه راح اقوله بدون تردد
بالنسبه لبرايتون اعتقد راح تسكر هي مع بلاك بوك في الشتا والمزارع راح تكون صفره مافيها شي
ديزني لاند باريس خوش اختيار وانصحج طبعا تسوين فيزا حق باريس وتزورينها خصوصا السفر اليها متعه ولاتنسين تسوين فيزا حق لندن متعدده يعني تقدرين تطلعين وترجعين مره ثانيه اذا رجعتي من فرنسا
ياليت اذا تقدرين تغيرين عن لندن لان ولد عمي حاليا هناك يقول برد من قلب هاليومين والهوا البارد يشلخ الويه

الجو راح يكون برد غير طبيعي بس راح يكون ممتاز للحريم الاسواق تكون مخفضه الاسعار خصوصا هارودز والمحلات الكبيره توصل الى 80% اخر الوقت
التخفيضات تبدا بعد الكريسميس على طول لمده شهر بس تعالي اول يناير عشان تلحقين على الزين ..

السلام عليكم
يا ليت تروحين موقع الياهو .......وتدخلين علي الاحوال الجوية وتشوفين كم متوسط الجو في شهر يناير
بس اكيد بيكون ثلوج