Crazy Singer
27-09-2022 - 07:02 am
السلام عليكم ورحمة الله وبركاته ..
شلوونكم ياعرب ؟
بسم الله هذا أول موضوع لي وإن شاء الله مب آخر موضوع ..
أنا مالي بالمقدمات والحركات يعني بأختصار دجه وبسولف عليكم وبقص لكم وتسذا يعني ..
الموهيم حنا جينا للشرقيه من القصيم أنا وأهلي (أمي ,أبوي , خواتي ,أخوي)
مشينا يوم الخميس بس ماأدري كم كان التاريخ بالظبط نسيت والله ..
بس كان بشهر 7 بس نهايته ..
وجينا للدمام و كنت أنا مدوره أسامي شقق لأنه من زمان ماطبينا الشرقيه ..
ولأ أحب تدوير الشقق ملل الصراحه..
مبر أدور وأدور قبل ماتجي الأجازه لأنه ماحددنا موعد السفره على حسب دوام ابوي مب على كيفنا
وأحوس بهالمنتديات منا ومناك ولقيت أشياء زينه وتسذا وكتبتهن عندي..
وطبعا لازم يصير حاطين صورهن الشقق اللي بالتقارير اللي شفتهن عشان أتأكد من الفخامه والنظافه وكذا يعني ..
عاد يوم وصلنا الدمام مير أقول لأبوي شف اللي أنا مكتبتهن مر عليهن أولاه شفهن ..
قال طيب .. أذكر كنت كاتبه( إيواء قمر الشرق) مر عليه أثره غاليه بس ماأذكر سعره أظنه بالخمس ميه يمكن ترى
لاكن أنا أشوف أنه مب غاليه مقارنه ب اللي أخذناه .. بس مدري وراهم أهلي ..
الموهم يوم أخذنا لنا كم لفه بهالشقق مير أقول لأبوي فيه وحده أنا كاتبته أسمه (شقق أبان الفندقيه) رح شفه
قال طيب .. يوم رحنا له يوم شفنا المدخل حقه وشكل المبنى حسينا أنه عاديه وأنا ناسيه شكله اللي شفته بالتقرير ..
أحد منزل له تقرير بذا المنتدى الله مير يجزاه ألف خير ويعافيه ..
لاكن يوم شافه أبوي مير تدخل مزااجه وقال بنآخذه .. لاكن أمي تقول شقق شبه الجزيره أحسن وأبوي يقول أبان أحسن
قالوا بنآخذ أبان .. والصرآآحه فخامه ماشاءالله تبارك الله .. كنت بحط تقرير عنه بس وشوله وحده حاطه تقرير عنه
الموهيم أنصح اللي يجي للدمام يآخذه .. فخاامه , نظاافه ,, قريبه من مارينا , أشوف البحر بس بعيد بس ميخالف وناسه
سعره أظنه 450 (شبه متأكده)
أنتهينا من سالفة الشقق وجينا للسالفه الأصليه (زي زون كافيه)
كنا طالعين ندور كوفي عائلي ومتنا تدوير عجزنا نلقى بغينا نآصل القطيف مير..
وبالمووت لقينا ذا ..
صدز مير أنتم وش عندكم كوفيهات عائليه غير زي زون ويصير مب بمول؟؟
ونزلنا وصورت لعيونكم والله أنكم تستاهلون أول مره أنزل موضوع من تصويري .. يعني أنا عندي صور واجد من مطاعم أو
اشياء لاكن محتفظتبهن لنفسي مدري وراه.. لاكن أنتم ياأعضاء العرب تستاهلون كل خير ..
إلى هنا كفايه سواليف لأني بحط حقوق المنتدى بالصور مابعد زينتهن ..
إلا أقول به موقع رفع للصور خاص لهذا المنتدى؟؟ إذا كان إيه , الله لايهينكم علمون وش الطريقه من زمان مانزلت مواضيع
بالمنتديات لي سنين يمكن وناسيه كل أبو شي ..لو سمحتوا يعني ..
وغير كذا بروح أخذ شاور بعدين أنام .. أمس الرطوبه مب طبيعيه حر موت ..
إيه صح وحنا للحين بالشررقيه أن كان به شيء تآمرون عليه (إذا كنت أقدر أسويه من عيووني إن شاءالله أسويه)
ولازم أنام عشان بنطلع .. >> طسي لابارك الله بالعدوو أخويتينا
إيه صح معليش على الإطاله بس تحملون راعية قرق تراي .. وإذا تبون أحط لكم الصور و آكل تبن ولا أسولف
لايردكم إلا الكيبورد .. قولولي وبأنطم ..
إن شاء الله للتقرير تكمله أنتظرووها وبحاول أنزله بأسرع وقت .. على حسب الظروف ...
والحيين أنطلقوا رعاكم الله ...
اعجبن اسلوبتس بالهرج ««يحاول
وحياك الله بالمنتدى
واما بالنسبه لتدوير الشقق خاصة ايام الاعياد يبيله واسطه
والكوفي جربوا الفنادق جوها حلو ورايق وعلى البحر
وبالتوفيق ،،
ومنتظرين الصور ولاتبطين اولاه