20 يوم كثيرة على موريشوس مره
بناء على تقارير الاعضاء 10 ايام تكفيها واكثر من كذا بتصير ملل
وبالنسبه للبكجات بتلقى بكج مع التذاكر من 20 الف الى 50 الف
وعلى فكره انا رحت للامارات للعطلات ورحلتي قبل رحلتك باسبوع واعطاني اسعار :
الهيلتون 7 ايام ب 15 الف
موفنبيك ب 16 الف
البرادايس ب 18 الف
طبعا كلها نفس عدد الايام وهذي 5 نجوم
البيل مار فل مافي حجز

اخوي abaade_kk
بخصوص الاسعار اللي كتبتها هل هي تشمل التذاكر؟؟
لاني حجزت 9 ليالي من تاريخ 22 اكتوبر الى 31 اكتوبر
5 ليالي في هيلتون
4ليالي في البيل مار
شاملة التنقل بسيارة خاصه من المطار الى الفندق والنقل من فندق هيلون الى البيل مار بسيارة خاصه والنقل من البيل مار الى المطار بسياره خاصه.
طبعا هذا عرض لشهر العسل
وتكلفته 26100 ريال
شاملة مع التذاكر والسكن والتنقل
طبعا الفندق وجبتين (فطور-عشاء)
والغرف ديلوكس
هل السعر معقول؟؟ خاصه مع ارتفاع البترول لانه رفع اسعار تذاكر الطيران لان الحين سعر التذكرة الى موريشيوس اصبحت 4500 تقريبا ويمكن اكثر يعني الواحد يدفع 9000 فقط تذاكر

اخوي انصحك بالذهاب للامارات للعطلات ..
عنده عرض في اكتوبر لفندق الاوبروي .. 7 ليالي بقيمة 5 ليالي
وبكيجات حلوه

26100 ريال سعر مره حلو

-

من خلال رحلتي لموريشوس
ارض السكر والابتسامات
أرى ان موريشوس ماتصلح لشهر عسل
هذي وجهة نظري ويمكن تجاهلها

ناويها سفر
بالنسبه للاسعار الي حاطها بدون تذاكر وهذا كان استفسار سريع من الامارات للعطلات
وسعرك مناسب جدا

السلام عليكم ورحمه الله وبركاته
اخوي الف مبروك الزواج مسبقا والله يوفقك يارب
بالنسبه لموريس كثير عليها 20 يوم يكفيها 10 ايام وبعد كثير
انا جلست 10 ايام وغطيت الجزيره كامله
وبالنسبه للنشاطات المسائيه ما فيها شي الا احيانا بعض الفنادق يعملون عرض على العشاء
لان اغلب النشاطات تنتهي بعد المغرب
ممكن انصحك بخيار ثاني طالما ان ميزانيتك ممكن توصل الى 75 الف
ممكن تروح لموريس 5 ايام وبعدها تروح لجنوب افريقيا
انا وحده من صديقاتي كان كذا شهر عسلها وكانت تقول انه مره روعه
وجنوب افريقيا دوله كبيره وفيها مجال للتمشيه اكثر من موريس
لان موريس راحه واستجمام اكثر
بالنسبه للفنادق انا سكنت في بيل مار فندق 4 نجوم وبصراحه مستواه مثل 5 نجوم ويوجد فيه فلل بمسبح
وسكنت في اوبراي فندق 6 نجوم جدا رائع ورايق اكثر من بيل مار اذا كنت تحب الهدوء فهو ينفع اكثر
ويوجد غرف بمسبح ايضا
فيه ايضا فندق التاج فندق فخم عل شكل فلل بمسبح
الله يوفقك يارب وتنبسط وين ما تروح

اخوي 26100
سعر ممتاز جدا
أنا رحت أغسطس اللي فات
ونفس الفنادق بالضبط
وكانت الرحلة 9 أيام
كلفتني حوالي 25000 ريال

Breeze
انا اتفق مع ما قالته اختي Breeze ....
بالفعل 20 يوم كثير جدا على موريس يكفيها بالكثير 10 ايام
او انك تخليها مثلا من 5 - 7 ايام ... وتروح جنوب افريقيا انا مارحت لها لكن الاخوان في بوابة جنوب افريقيا ماقصروا .... الصراحة جنوب افريقيا مثل ماقالت اختي Breeze فيها اماكن جميله وكثيره واماكن الترفية متنوعة
واتمنى لكم رحلة موفقة