هلا اخوي فيصل666
معليش بقولك الي اعرفه ولو انه بسيط
وايلد وادي الي اعرفها عباره عن مدينه العاب مائيه متكامله سلايدينق وامواج وغيره الكثير وهي جميله جدا
لازم تجيب معاك ملابس للسباحه
وتقضي فيها يوم كامل متع صراحه
جدا عجبتني انا
اسعارها مااتذكرها بالضبط
وان شاء الله الباقين مايقصرون

هي مدينة العاب مائية ومثل ما قالت الاخت زهرة.
بالنسبة للرحلات البحرة فاعتقد ان فية رحلات عن طريق مركب البوم وهو مركب ياخذك في نزهة على الخور مع العشاء مقابل مبلغ .(ما اعرف كم ولكن هذا ما ذكره لي واحد من الاقارب)

أخي فيصل666
في البداية أحب ارحب فيك في بلدك الثاني دولة الامارات
ثانيا بالنسبة للوادي البري (الحديقة المائية)
في موجودة في دبي - جميرا موقعها بالضبط عند مدخل برج العرب
تفتح يومياً ما بين الساعة 1.00 ظهراً وحتى 9.00 مساءاً بدون توقف
وبالنسبة للملابس وبما أنها حديقة مائية لازم تصطحب معاك ملابس سباحة وهناك توجد أماكن لتبديل الملابس
وسعر تذكرة الدخول 130 ريال للكبار و 110 ريال للصغار
وللتذكير تراها ما تنفع للنساء يعني اذا بتروح خذ معاك الاطفال بس
وهي ممتعه للغايه
http://www.wildwadi.com/intro//

بالنسبه لويلد وادي لازم تكون تعرف ا لسباحه او مو لازم مشان تلعب في الالعاب المائيه
شكرا

هلا اخوي
الوايلد وادي روعة وانصحك جدا بزيارتها
لا طبعا مو لازم تعرف تسبح انا كنت اسبح ما فيها وانا عندي اي خلفية عن السباحة
وإن شاء الله تستانس فيها
وشكرا

ان شاء الله احتمال اسافر شهر 4 دبي وحبينا نزور الوايلد وادي بس انا معاي طفل صغير(سنتين) في برك تناسبه؟؟وممكن اعرف ليش الحريم مايناسبهم المكان؟؟

عزيزتي ام ياسمينا
حياك الله في دبي وفي أي وقت وأكيد بتنور دبي بوجودك
أما بالنسبة لحديقة الالعاب المائية (الوايلد وادي) فهي ما تنفع النا نحن المسلمات
لانها حديقة ألعاب مائية ولازم تلبسين ملابس سباحه ولايوجد يوم مخصص للنساء
أما بالنسبة للأطفال في عمر السنتين لا أعتقد أنه يوجد لهم مكان مناسب

أهلين أخوي فيصل 666
بالنسبة للوايلد والدي (انا بصراحة مارحت لها ) لأني أغلب الأحيان أروح ( وحداني) "أكسر الخاطر صح" (بنقل لك الكلام اللي سمعته عنها) أهم شيء لا تروح لها لحالك لأنك راح تطفش لأن الأماكن اللي في أنشطة زي كذا تحتاج إن يكون معاك أصحابك أو اخوانك (طبعاً ما أنصح إن الأهل يروحون هناك سواء كانت أمك ،اختك ،زوجتك لأن الناس اللي جوى كلهم لابسين باكيني وبصراحة ماتصلح للعوائل).
بالنسبة للتذاكر أعتقد إنها بين 60 درهم لنصف اليوم و 120 درهم لليوم كامل.
المكان بجانب بوابة برج العرب في منطقة الجميرا وإذا طلعت من الوايلد وادي لا يفوتك ماركاتوا مول تراه يجنن.
أتمنى إني عطيتك بعض المعلومات وأنا أشوف إن الأخت miss_dubai_2003 ماقصرت.
;) أخوك الدهمشي

حبيبتي انت رحتي للمكان من قبل او لا..؟؟
بعدين احنا نبي نروح اماكن سياحية مو كله اسواق وبكون مع زوجي وولدي..