خالد التميـمي
19-11-2022 - 07:33 am
السلام عليكم ورحمة الله
انا حالياً متواجد بأسطنبول بمنطقة سلطان أحمد
الوضع هادي ولله الحمد
والشعب متعاون لأبعد حد
طبعاً الغالبيه يعرفون فيالاند
وهي عباره عن مدينة ألعاب مع مول بسيط ومجموعة مطاعم
انا طلعت للملاهي اليوم طبعاً عن طريق أمينون
تأخذ الباص رقم 99
وتعلم السواق انك تبي مدينة الملاهي عشان اذا وصل يبلغك..
طبعاً المشوار طويل وكل شووي يوقف وناس تركب وناس تنزل
لين وصلنا داخل حاره أشر لنا السواق قال أنزلو ( أنا والمدام )
وأشر لنا على طريق
طلعنا وتعبنا وحنا نطلع جانا راعي بآص وصلنا الله يجزاه خير
وصلنا دخلنا عن طريق المول طبعاً الأسعار هناك متفاوته
فيه محلات حلووه وأسعارهم رخيصه ( ب18 ليره )
وفيه محلات ماركات نار
بعده طلعنا للملاهي وهنا الصدمه
جينا البوابه الا سكيورتي
قال مقفلين حالياً قلت له نوو بربلم على بالي الظهر
قلت له بناخذ لفه ونرجع مع العصر
قال ما راح نفتح الملاهي الا بعد تسع أيام( 14/6)..
وانا اللي مرتب رحلتي بعد الأفتتاح اللي تأجل مرتين
ورحلة العوده يووم الجمعه..
المهم انا عن نفسي ما أعجبتني أسطنبول مره
صح فيه مواصلات و متاحف وحركات حلووه
بس ماتتقارن بأوزنجول وجمال طبيعته..
هذا كل اللي عندي
وأسف ع الأطاله..
وشكرااً
بغيت أسالك وين سكنت بالسلطان احمد وهل ترشح لي فندق معين هناك
لان رحلتي بعد أسبوعين تقريبا واحتاج أحجز للفتره الثانية من البرنامج بعد العودة من اوزنجول
وسلامتك