الفندق بعيد نسبياً عن الاماكن السياحية او سنتر المدينة
التنقل للاماكن السياحية بالمترو اسرع طريقة لكم واسهلها ولكن مع مراعاة تغيير القطارات في بعض المحطات اقرب محطة لكم تاور هيل

وعليكم السلام ورحمة الله وبركاته
مثل ما قال مشرفنا، بس عندي اقتراح لك جرب البق باص وفك نفسك من التنقل بالمترو للمعالم السياحية
لأنه راح يوديك لمدة يومين معظم معالم لندن المشهورة ومنها توفر حتى المبالغ إللي ممكن تصرفها
عندك أجرب محطة بق باص لفندقك راح تكون قريبة من محطة تور هيل (Tower Hill)
وهذا موقع البق باص ممكن تطلع على خريطة المعالم السياحية إللي راح يمر عليها:
http://eng.bigbustours.com/london/route-map.html
وتقبل خالص تحياتي

فارس الجبيل
مكتوب مميزات الفندق موقعه
الشمال مباشرة من Tower Bridge، بالقرب من برج لندن و Tower Bridge و Gherkin، نهر سانت كاثرين دوكس
توقعت نروح مشي لهل الاماكن او مترو مباشر
وش رايكم الغي حجزيواذا ممكن الاماكن السياحيه بالضبط كيف اروحلها بالمترو اللي جنب هالفندق
بحيث اطبع المعلوومات وامشي عليها هناك

mahmeed99
مثل ما قال مشرفنا، بس عندي اقتراح لك جرب البق باص وفك نفسك من التنقل بالمترو للمعالم السياحية
لأنه راح يوديك لمدة يومين معظم معالم لندن المشهورة ومنها توفر حتى المبالغ إللي ممكن تصرفها
عندك أجرب محطة بق باص لفندقك راح تكون قريبة من محطة تور هيل (Tower Hill)
وهذا موقع البق باص ممكن تطلع على خريطة المعالم السياحية إللي راح يمر عليها:
http://eng.bigbustours.com/london/route-map.html
وتقبل خالص تحياتي
مكتوب مميزات الفندق موقعه
الشمال مباشرة من Tower Bridge، بالقرب من برج لندن و Tower Bridge و Gherkin، نهر سانت كاثرين دوكس
توقعت نروح مشي لهل الاماكن او مترو مباشر
وش رايكم الغي حجزيواذا ممكن الاماكن السياحيه بالضبط كيف اروحلها بالمترو اللي جنب هالفندق
بحيث اطبع المعلوومات وامشي عليها هناك

واذا ممكن الاماكن السياحيه بالضبط كيف اروحلها بالمترو اللي جنب هالفندق
بحيث اطبع المعلوومات وامشي عليها هناك

لقيت هالموضوع باصات مالقيت محطه تور هل
اذا ممكن كيف اوصل بالباص للاماكن السياحيه
https://artravelers.com/p/re/539464

مكان الفندق بعيد عن الأماكن السياحية طبعا عدا جسر البرج وبرج لندن
ومثل ما قلت لك عندك الباص السياحي (البق باص) راح يوديك معظم الأماكن السياحية المشهورة في لندن لمدة يومين (ويوفر عليك المبلغ)، وأنت عليك الاختيار أما النزول للمكان أو المواصلة في الباص، أو عند كل مكان سياحي تنزل ومن بعدها تنتظر الباص إللي بعده عشان تنتقل للمكان الثاني، ومن الأماكن السياحية إللي يمر عليها:

• حديقة الهايد بارك
• حديقة الريجنت
• متحف الشمع (مدام توسو)
• ساحة أوكسفورد
• ساحة البكاديلي
• متحف لندن
• ساحة الترافلغار
• ساعة بق بن
• لندن آي
• هارودز
• جسر البرج
• برج لندن
• The Shard
• قصر الملكة
• حديقة كنغستون

وغيرها من الأماكن السياحية، وهذي خريطة الأماكن السياحية إللي يمر عليها الباص، وفيه اسم المحطات إللي يوقف فيها وتقدر تركب من أي محطة من المحطات المذكورة:
http://eng.bigbustours.com/london/route-map.html
بس ملاحظة بسيطة الباص له خطين أحمر وأزرق الأحمر يزور أماكن سياحية محدده والباص الأزرق يزور أماكن سياحية ثانية ويلتقون في بعض المحطات وبعض الأماكن السياحية

مشكور انا اعرف للباص السياحي وعندي مساراته
لكن استفساري عن المترو اللي قريب من فندقنا وش المحطات المباشره منه للاماكن السياحيه
معي بطاقه اوستن وبستخدمها هناك
والحلو بموقع الفندق ان فعاليات راس السنه بتكون قريبه منه

محطة تور هيل إللي قريبه منكم فيها خطين:

• الأصفر وهو خط Circle
• والخط الأخضر وهو خط District

وهذلين الخطين يمرون على محطة وست منتسر وهذي المحطة عندها بيكون ساعة البق بن ولندن آي
ويمرون على محطة سانت جيمس والقريبة من حديقة سانت جيمس وقصر الملكة
وبعد محطة فكتوريا الشهيرة وبعدها محطة ساوث كنغستون وممكن التحويل منها لمحطة كنغستون بردج وهي محطة الوصول لمحلات هارودز
وممكن من أول محطة بعد محطة فندقكم واسمها (Monument) تحويل فيها على الخط الأحمر واسمه (خط ال Central) وهذا الخط راح يوديك لشارع أوكسفورد وإللي فيه المحلات المعروفة ومحطة بوند ستريت ومحطة الماربل آرتش وقريب منها نصب الماربل آرتش وحديقة الهايد بارك