اهلا وسهلا فيك اختي ساره
بالنسبة لفندق كونن لايوجد فارق بينه وبين لاريس بارك سوى انه اقرب لميدان تقسيم ببضع امتار والفندق جميل ويستاهل التجربه .
كونن يفترض سعره مايتجاوز 100 يورو .
اتمنى لك رحله موفقه
تحياتي لك

أبوتركي السبيعي
شكرا على الرد المفيد..... مكتب الحران عرض عليه فندق كونن 80 يورو بس شفت صور للغرف ومبين انها صغيره جدا ..... الحين محتاره اخاف احجز عندهم وتطلع الغرف كئيبه فعلا مثل الصور
فكرت احجز فندق جيلان انتركوننتال لاني قريت ناس وايد يمدحونه بس غالي شوي فهل هو فعلا يستاهل 125 يورو ؟ وكيف المنطقه اللي هو فيها هل هي افضل من المنطقه اللي فيها لاريس وجونن؟
ارجو انكم ما تبخلون عليه بالنصيحه واعتذر على الاطاله

حياك الله اختي ساره
بالنسبة لفندق جيلان انتركونتننتال وكونن فهي منطقة تقسيم مافي بعد كبير بينهما . اما اذا كان بمقدورك زيادة مبلغ السكن فاكيد السكن في الانتر افضل من غيره فندق فخم ويستحق الزيارة . واعتقد سعره اكثر من 125 يورو خصوصا في وقت الموسم اي مابين شهر 7 وحتى 10 ميلادي .
بالتوفيق اختي ولاي استفسارات احنا حاضرين
تحياتي لك

ألف شكر اخوي ابو تركي..... بالنسبه لسعر الانتر معاك حق انا رجعت وتأكدت من السعر طلع 135 يورو ونحن مسافرين بعد بكره يعني هالسعر لشهر مارس
سؤال اخير ان شالله: هل فندق الانتر بعيد مشيا من منطقة تقسيم والمحلات التجاريه اللي فيه؟ نحن عايله ومعانا اطفال لذلك هالنقطه مهمة بالنسبه لنا؟
جزاك الله خير

اهلا وسهلا فيك اختي
يكفي الفندق قربه من شارع الاستقلال وهذا بحد ذاته ميزه . يعني مئات المحلات حواليكم .
بالتوفيق
تحياتي لك