اليوم وصلت جنيف وخذت السياره من المطار والحمدلله كانت جديده والصدفه الحلوه انها ديزل وانا كنت حاجز بترول لكن من حسن الحظ طلعت ديزل.. طبعا طلعت من جنيف على مونترو ووصلت الفندق والجو كان روعه ... المهم وانا اتمشى في السوق مريت على سويس كوم وانا يايب الايباد معاي من ابوظبي قلت بتسلى فيه لانه الفندق يعطيني وايرلس ببلاش .. قالي موظف سويس كوم عندهم عرض حلو للايباد وهو كالتالي : استخدام ثري جي للانترنت في اي مكان في سويسرا عن طريق الpre-paid crad اللي نسميها نحن مدفوعه مقدما .. قيمته 39 فرنك سويسري يتضمنه رصيد بقيمة 20 فرنك سويسري .. المهم ان العرض عجبني وخذته والحين اكلمكم من الايباد والسرعه خياليه .. طبعا الاستخدام مدته شهر قابل للتجديد وبحد اعلى 2 جيجا .. و2 جيجا ترى وايد يعني مب شوي والثري جي سريع وتغطية السويس كوم رهيبه ... الشي الثاني خذت كرت مدفوع مقدما من شركة ليبارا .. طبعا سعر الدقيقه 0.39 فرنك للدقيقه اذا بكلم الامارات وسعر الكرت 15 ويعطونك رصيد 20 فرنك ... ارخص شركة مكالمات دوليه ليبارا ..
وعن سالفة الفايرس ترى كله كلام فاضي سالت كذا شخص ولاحد يعرف عن الموضوع وواحد قالي مافي ولا حاله في سويسرا والجرايد مافيها عن هالكلام .. المراد انه خلق الله ترعى من الخيار والخس ولاحد مفتكرر والامور طيبه .. واي سؤال اناوحاظر ...