الفندق حلو
جميل
وموقعه ممتاز في الغرب في فليك أون فلاك مع الهيلتون والشوقر بيتش
الفندق تم تجديده العام الماضي بالكامل
دخلته مره واحده فقط
عباره عن وحدات (ثلاثلا أدوار)
و الغرف العادية و الديلوكس و السويتات كلها في الوحدات
واللي هي مطله على الحديقة ثم البحر

طبعا اكيد فيه مسبح وسبا......
هذي المعلومات اللي عندي
نجي لرأيي (الشخصي)
برأيي الفندق لا يناسب ذوقي
وبعيد كل البعد عن مستويات الفنادق الأخرى في الجزيرة
الشخص الذي يبحث عن الخصوصية بالذات سوف يواجه بعض الصعوبة هنا
تحياتي

أفا
مدحته في البدايه وعقب من رايك الشخصي احس انه مو لهونيك
بس خلاص فات الفوت .. تم الحجز والدفع وكل شئ
يالله ان شاء الله يكون طيب وحبَيّب ... ويكون كل شئ فيه تمام التمام
شكرا اخوي

في
ناس
الفندق كثير
كثير جدا عجبهم
ورجعه منه وعلى قولتها ((عن جد واو))
لكن
رايي وذوقي (صعب للغاية)
ممكن تجديني في الدينا روبين او السانت جيران او البيل مار او البرينس او الأوبروي أو البرادايس
أختي الفاضلة الفنادق أذواق مثل كل شيء الدنيا.....
ومو معنى ان الفندق ما عجبني إنه راح يكون سيء
ها تتطمني شوي
توكلوا على الله واستمتعوا برحلتكم
وان شاء الله تستانسون
بايو

آي نو بوعزيز
بس حسيت ان ذوقك شرات ذوقي ...
يعني التاج والاوبروي والباراديس واو ,,, بس المشكله كان في الاسعار بالنسبه للتاج والاوبروي ,,,
والباراديس ,, الايجنسي ما يتعاملون وياهم ,, وطولوا الموضوع ع الفاضي ،، مع انهم بارتنر ويا الايمارتز هوليدايز ,,
إن شاء الله خير خيو ,,,
شاكرة لك حرصك وردك الدايم على مواضيع القسم بدون كلل او ملل ,,
ربي يحفظك ويخليك لكل من يعز عليك ..
وابشروا بالتقرير ان الله عطانا طولة العمر ورحنا هونيك
شكرا جزيلا
في حفظ الله