1. حصلي موقف اليوم مع هالشركة الزفت الله يبعدكم عنها.


2. طلعتلها الجواز + الرخصة السعودية + الرخصة الدولية


3. لحسن الحظ كان معي بطاقة ثالثه من بنك اخر، وجربتها، ونفس الشي!!!!


4. رحت الفندق شيكت على النت وكلمت البنوك وكل شي شغال تمام!!!

السلام عليكم،

حصلي موقف اليوم مع هالشركة الزفت الله يبعدكم عنها.

تم عمل حجز بالانترنت وتم تعديله بالتلفون في يوم 6 / 7 / 2009 على ان يكون استلام السياره في شتوتغارت (فرع جنب المطار وليس فرع المطار)، موعد استلام السياره هو 21 / 7 / 2009 الساعه 13:30.
الشاهد اني وصلت ولله الحمد شتوتغارت الليله اللي قبل، وقمت بدري الصباح يوم 21، وبعد ما افطرت (الساعه الحين 9 ونص الصبح) قلت ليه ما اكلمهم واشوف اذا اقدر اخذها الحين يكون احسن. المهم رفعت السماعه على الفرع وردت علي وحده وقلتلها ان عندي حجز واستلام السياره الساعه 13:30 بس اذا ممكن استلمهما الحين يكون افضل، شيكت معي رقم الحجز وقالت سيارتك جاهزه ممكن تجي تاخذها قبل الوقت الاصلي 13:30.
طلب تكسي ورحتلهم، من اول ما وصلت كان قدامي شخصين (سرا)، الموظفه الموجودة عطتني نظره ما ادري وش لون! كانها حاقده على شي والا حاقده علي.
المهم جا دوري، طلعتلها ورقة الحجز، قالت ابي الاي دي والرخصة .. الخ.

طلعتلها الجواز + الرخصة السعودية + الرخصة الدولية

قالتلي ابي بطاقتك الائتمانيه، عطيتها ايها. فجأه، قالتلي بطاقتك ما تشتغل، اسفين ما نقدر ناجر لك!!!!!!!!
قلتلها شفيها؟ كم بتسحبين اصلا؟ قالت ما ادري ما اقدر اعرف بس ممكن 5000 يورو.!! (ابي افهم شلون ما تقدر تعرف!!!) (اجار السياره مع التامين الشامل عليها ب 2000 يورو). قلتلها طيب يمكن البطاقة ما تقبل لان عليها حد ائتماني، ويمكن الحد الائتماني ما يغطي.
طلعتلها بطاقة ثانيه فيها حد اعلى بكثير من الاولى، ونفس الشي، تقولي بطاقة الائتمان ( not valid )!!!!!
انا شكيت في عمري، دقيت على البنك، قالي كل شي تمام والبطاقات شغاله ولا فيها اي مشكلة!!

لحسن الحظ كان معي بطاقة ثالثه من بنك اخر، وجربتها، ونفس الشي!!!!

قفلت معي وكلمت البنك وزدت اللمت الى 50000 ريال، حوالي 10000 يورو. وقالولي ان المبلغ تفعل على طول، رحت اجرب عندها، قامت تطقطق على الكمبيوتر، فجاه، حطت الجواز والرخص والبطاقة على الدسك وقالت : " اسفه ما اقدر ااجر لك سياره اذا ما عندك بطاقة صالحه" !!!!!!!!!!
قلتلها يعني المشكلة في البطاقة؟ قالت ايه، قلت طيب حجزي اصلا الساعه 13:30 صح؟ قالت ايه، (الحين الساعه 11:30) قلت طيب انا بروح الفندق اشيك على البطاقات بالنت وراجعلك، قالت اوكي بس بعد 14:30 بتروح عليك السياره، قلتلها لا انا بجي 13:30.

رحت الفندق شيكت على النت وكلمت البنوك وكل شي شغال تمام!!!

طلبت تكسي ورجعت لها، يوم وصلت للمكتب حقهم كان فيه موظفة ثانيه معها، اول ما شافوني (الحين الساعه 12:25 ) تغيرت وجيههم، حطيت ورقة الحجز على الطاولة، طالعت فيني قالت معليه لانك تاخرت فاضطرينا ناجر السياره لشخص ثاني!!!!!!!!!!!!!!
انا هنا عرفت ان اللي صار قبل كله كلام فاضي وتمثيل وان البطاقات مافيها مشكلة، قلت لها: شكرا.
مشيت ورحت مطار شتوتغارت، (لان الفندق جنبه اصلا) ودخلت ورحت يوروب كار (العادة استاجر منهم بس هالسنه قررت اغير) لقيت ثنتين عجز، لهجتهم ايطاليه على ما يبدو، وطلعولي سياره ولله الحمد. بس ان المشكلة ان الكيلو متر محدد وليس مفتوح.
الشاهد من هالسالفه ان الشعب هذا حقير جدا، واللي عاجبه الشعب الالماني اقوله رح وشف بريطانيا وسويسرا (الغرب) وشف الفرق في التعامل سواء من مطار، فندق، اجار سياره، مطعم، محل.
طبعا انا كتبت السالفه هذي وارسلت ايميل لشركة سكست، مع انهم من جد رفعوا ضغطي بس ما ودي اضلم شركة علشان موظفة حقيرة حاقدة.
تحياتي للجميع