نشر في تايلاند

See Food Market

UAE_SON

24-04-2022 - 06:57 am

السلام عليكم ورحمة الله وبركاته
هذي اول مشاركه لي ..اشكر مشرفي هذا المنتدى وبالاخص بوابة تايلند ...بصراحه استفدت وايد منهم خلال رحلتي لتايلند ..وبغيت اضيف معلومه للي ما ايعرف انه يوجد هناك مطعم كبير وراقي جدا مأكولات بحريه ابصراحه شي عجيب انا خبروني عنه ويوم قلت لتاكسي خذني ل سي فود رستورانت ..مطعم المؤكولات البحريه غشني وداني مطعم وايد اصغير وتعبان ثرى الحبيب متعاون ويا هذا المطعم انه ياخذ عموله منهم..بعدين عصبت عليه :112: وسيده وداني لهاك المطعم بصراحه ما ينوصف اختار الي تبغيه من المؤكولات البحريه فرش ..ويطبخونه لك بالطريقه الي انته تبغيها بس وايد حلو..وهو مب بعيد عن حي العرب ويقع في سوي 24 وبعطيكم العنوان عشان الي بيسيرله بيدعيلي ان شاء الله ..

التعليقات (5)

niz.niz

24-04-2022 - 09:42 am

تسلم ياغالي ,, وانا كتبت موضوع عن هالمطعم ,,
https://artravelers.com/p/re/141242
والف شكر ,, لمشاركتنا بخبراتك في تايلند ,,

ولد_الإمارات

24-04-2022 - 10:43 am

مرحبا
انا رجعت من تايلاند بتاريخ 28 اغسطس 07 وخلال زيارتي مريت على هالمطعم وتعشيت فيه. وملاحظاتي كالآتي:
1- انا ظنيت انه المطعم افخم مما شفته على الطبيعة واظن انه اثاثه قديم ولم يتم تجديده
2- موظفي المطعم ليسوا باللباقة التي تعودنا عليها في تايلاند مع اني لم ارى منهم اي سوء
3- طريقة طبخ المأكولات البحرية ليست بمستوى عالي حسب المتوقع، انا لو اقارن هذا المطعم بمطعم sea world اللي عندنا في دبي على شارع الشيخ زايد ( الصراحة بقول شتان الفرق في الخدمة وطريقة اعداد الطعام)
هم لكن لا بأس بتجربة المطعم لمرة واحدة، وانا لاحظت اكثر الناس يشترون من هناك بكميات عشان يطبخون في بيوتهم.
وشكراً

UAE_SON

24-04-2022 - 11:44 am

أشكر كلن من niz.niz و ولد الامارات على مرورهم
اما بالنسبة لملاحظات اخوي ولد الامارات فانا اشكره على صراحته لكني اخالفه في :
1- مستحيل اقارن المطعم بالمطعم الموجود في دبي لانه البلاد لا يعلى عليها في كل شي ..
2- اول ما نزلنا انا والعيال من السياره اتلقونا ما يقارب 7 الين 9 عاملين بترحيب وااعداد الطاوله لنا ومتابعت اطفالي بالعب معاهم واعطائهم الهدايا..
3- اكلهم ماشاء الله لا يعلى عليه وسريع انا عني وايد عيبني طبيخهم بس اتعرف الناس الذواق سبحان الله انا عيبني وانته ما عيبك ..
4- والتوقع كل زياراتي لتايلند لازم امر عليهم .
والسموحه منكم جميعا

البسمة الحرة

24-04-2022 - 12:45 pm

الله على البحري متى الاجازة تجي

ولد_الإمارات

24-04-2022 - 01:46 pm

اخوي Uae_son
اشكرك على الرد ... هم خلنا من الفخامة وهالكلام، بتكلم عن الطبخ، لو تلاحظ الكلماري اللي يطبخونه مع طحين الرز ياخي الكلماري كان يابس وطريقة طبخه سيئة وريحة الدهن اوف، وتعال لأم الربيان (اللوبستر) كانوا مسوينه مع الجبن، والجبن اللي حاطينه ثقيل بشكل خلانا نحس بلوعة. ومثل ما قلت الناس الذواق.
واتمنالك السعادة الدايمة ياخوي. مع السلامة

تايلاند المسافرون العرب

See Food Market