1. وش رايكم فيه وبموقعه !! وهل فيه مواقف سيارات ؟

انتظركم بشغف ..
السلام عليكم ورحمة الله وبركاته
مسافر جديد واحتاج دعمكم وآرائكم بحيث اني لااستغني عن هذا المنتدى بجميع تساؤلاتي ..
مسافر باذن الله يوم 10 / 1 / 2015 الى باريس والعودة باذن الله يوم 21 / 1 / 2015
تم الحجز ع الخطوط السعوديه .. وتم الانتهاء من التاشيره والتامين الطبي ورخصة القياده الدوليه وجميع متطلبات السفر ..
قمت بحجز فندق ( ميلينيوم هوتيل باريس ) يبعد عن المطار تقريبا 10 دقايق .. مطار باريس شارل ديغول
واخترت جنب المطار بالتحديد لاني عارف انه راح يكون فيه رهبه من السياره من حيث سواقتها اول مره باوروبا .. مع العلم اني سافرت قبل لايطاليا والنمسا ولم استاجر وهالمره حاب استآجر ..
هل موقع الفندق مناسب او عندكم ملاحظات !!
وقمت بالغائه وقلت ماعليه تهون السواقه .. وحجزت بفندق اداجيو هوتيل تور ايفل ..

وش رايكم فيه وبموقعه !! وهل فيه مواقف سيارات ؟

ثانيا انا متلخبط جدا وودي اجلس بباريس من 5 ايام الى 6 وبعدين اروح آنسي او اي مدينه فرنسيه اخرى جميله وفي نفس الوقت ودي اخلي يومين لانترلاكن او جنيف بس مشكلة آنسي انها تبعد 5 ساعات .. انا الحمدلله سواقتي عال العال بس المشكله بالرهبه لاول مره .. وايضا شايل هم القارمن وكيف وضعه من الى بحيث اني قريت عن عالم كثير توهقوا اللي خرب عليه واللي واللي ...
ثالثا انا استاجرت من بدجت وبعدين الغيت لاني مالقيت منهم معلومات وااضحه وكافيه عن مبلغ التامين وهل لهم مكتب بشارل ديغول ولا لا وهل يقبلون تاميل شامل ولا لا وكم يحجزون مبلغ رهن ع السياره وهكذا .. من النهايه غير واضحين وياريت تفيدوني
واستاجرت من يوروب كار والغيت لانهم عندهم سرط مخوفني انه اذا كان عمرك اقل من 26 جميع التغطيات التامينيه لاتشملك .. واللي قريته كثير ان شركات التاجير ناس ماترحم اي زله راح ينصبوك وانت تضحك .. فانا متخوف من ذا الشرط !! افيدوني الله يحييكم
وافكر في سيكست بس اللي قريته بكثره انهم عالم تعاملهم تعدى مرحلة السوء فما رايكم !!
وافكر بهيرتز بس ماقريت عنهم لحد الان .. ارجوكم افيدوني الله يحييكم ويحفظكم
واخر شي ابي جدول لعدد الايام بحيث استفيد من يوم الوصول اللي هو 11 / 1 صباحا .. يعني بس نحط عفشنا بالهوتيل ونخرج
وايضا ايش الافضل من ناحية زيارتها غير باريس
وكيف الاجواء بالمده حقتي
وكيف وضع السياره والمواقف بجانب الاماكن السياحيه لاني شايل هم السياره كثير !!
خلاص انتهيت ..
وربي يديكم الف عافيه
ووالله العظيم اني اعشق ذا المنتدى عشق مو طبيعي واليوم اول مره اشارك مع العلم اني ع طوول اكتب سوال بقوقل لاي شي بمخي يطلع لي المنتدى ذا وشخص سائل نفس سؤالي .. بجد منتدى رائع جدا
انتظركم .. دمتم بود