صَبَا
18-12-2022 - 01:15 am
السلام عليكم جميعاً
عيدكم مبارك ":
طبعاً أنا وحدة متابعة لهالمنتدى الجميل من زمان و وما نسافر مكان إلا و أنا ماخذة جميع المعلومات من هنا و أروح و أنا واثقة من جميع المعلومات اللي سجلتها
الله يعطيكم العافية
سجلت لأن هالمرة غير , راح يكون التخطيط بعد علي لأن الرحلة نسائية و أخاف أجييب العيد في اللي معي
رحلتنا إن شاء الله بتكون فرنسا ( باريس + دزني لاند )
ايطاليا ( روما + ميلان + فلورانس + فينيسيا + بيزا )سويسرا ( انتر لاكن ) و بشوف اللي معي وين يبون بعد
طبعاً سويت سيرش فقط عن فرنسا , الباقي مابديت فيه و إذا خلصت منهم إن شاء الله بحط موضوع في الإستفسارات
قررنا باريس 5 أيام وَ ديزني يومين الكبار 4 و الصغار 2 ( 10 سنين وَ 13 سنة )
راح نقعد يومين في باريس و بعدين ديزني و نرجع لباريس و بنسوي كذا عشان ماننقل العفش و نخليه بالفندق
طيب أنا بكتب لكم الأماكن اللي نبي نزورها و وزعوها بالطريقة اللي تشوفونها زينة و أكيد ما استغني عن اضافاتكم إذا فيه أماكن حلوة ماكتبتها اضيفوها لي
1- متحف اللوفر2- منطقة الأوبرا3- الشانز ( راح نسكن فيه إن شاء الله بأجنحة فريزر لوكلاريدج شانزليزيه )4- هضبة المونمارت5- برج ايفل ( أبغى أروح له قبل الغروب بشوي إن شاء الله لأن رأي الأعضاء أغلبهم إنه في الليل أحلى )6- نهر السين7- قرية الآفي فيلج ( اللي فهمته إنه الآوت لت )8- اللآديفانس9- قصر فرساي 10- قوس النصر11- ساحة الكونكورد12- بيرسي فيلاج13- متحف الشمع
أدري كثير بس وش نسوي مافيش وئت
إذا فيه أماكن لا تستحق الزيارة بلغوني , أنا أتفرج و أسجل و أكيد إذا فيه أماكن حلوة ياريت تقولونها :"
و الفندق وش رايكم فيه !! و هل هو صدق على الشانزليزيه و فيه شي أجمل و أوفَر بس أهم شي يكون على الشانز
وَ بعد بسألكم الأيام اللي بقعد فيها بباريس أحسن آخذ باص أحمر أو Paris Visite
و صح روحتنا بتكون إن شاء الله بشهر يناير و عرفت إنه عز البرد , فيه إشكال بهالموضوع , لأني أخاف إنهم يسكرون و يضيع علينا الوقت !!
و أكيد أي استفسار يجي ببالي راح أكتبه إن شاء الله
Merci beaucoupو شكراً جزيلاً مقدماً
وانا بعد جديد بس خبرتي حلوه في اوروبا الحمدلله ههه
وان شاء الله راح افيدج بكلشي في باريس
وبتكون ردودي على مراحل
بالنسبه لشقق فريزر كلاريدج
مكانه من احلى واروع الاماكن
على شارع الشانز مباشره
وجنب فندق ماريوت الشانز
وبينهم محل سيفورا للعطورات
بتدي معاج با الاماكن الي ذكرتيها
تقسيم الاماكن المذكوره
(1)
الشانز + ساحه الكونكورد + اللوفر+ قوس النصر
ها الاماكن كلها مع بعض
بتدي شارع الشانز من قوس النصر جنب السفاره القطريه
وبعدها يمتد شارع الشانز بطول الشارع
وفي نفس الاتجاه وبعد نهايه محلات الشانز تكملون سيده خمس دقايق
تكن امامكم ساحه الكونكورد وخلف الساحه مقابله لكم بوابه مدخل الحديقه
تدخلون الحديقه وتتجولون فيها وفي نهايه الحديقه يكون متحف اللوفر
(2)
منطقه الاوبرا وساحه الاوبرا
والكوفيهات الي فيها ومطعم نورا اللبناني
ومجمع لافاييت جاليري ومتحف الشمع musee Grevin في الاوبرا
واذا اسعفكم الوقت الهضبه قريبه نوعا من من الاوبرا
ملاحظه : جاليري لافاييت في اوبرا
في حال انكم شريتو شي من عندهم تقدرون تاخذين التاكس فري من عندهم بدل ماتروحون تاخذونه من المطار
عندهم مكتب تحت ري فاوند
بس بشرط ان مشترياتكم تكون عن طريق الفيزا
اما اذا عن طريق بطاقه العايه الاي تي ام يرجعون التاكس فري بالمطار
(3)
بالنسبه لبرج ايفل روحي له اخر وقت للعصر قبل المغرب بقليل
وقبلها تروحين رحله بالقارب لنهر السين لان القارب يمرج على برج ايفل
اتجاه القارب اولا يتجه بنهر السين الى جسر العشاق ههه
يعني بتشوفون جسر حديدي يمر فوق النهر وبتلاحظون على الحديد قفول كثيره
ان العشاق يجيبون القفل والمفتاح ويكتبون بالقفل اساميهم ويقفلونه بالمفتاح
ويرمون المفتاح بنهر السين
وبعد الجسر الحديد تمرون على كنسيه روتردام اكبر كنيسه في اوروبا
وبعدها يرجع مره ثاني على نفس الخط ويتجه الى ان يصل الى ايفل
وايضا بطريق العوده بين جسر العشاق وبرج ايفل
بنص الطريق بتمرون على جسر فيه مجسمات مذهبه
جنب هذا الجسر على اليسار بكون هنا النفق الي توفت فيه ديانا
بس ماراح تقدرون تشوفون النفق وانتو بالقارب
واذا تبغين اشرح لج مكان القوارب في نهر السين بشرحها لج في مشاركه منفصله
(4)
اللاديفانس وممكن تروحون حديقه بولونيا قريبه جدا من اللاديفانس
فيها العاب وحيوانات اليفه
وفي اللاديفاس مجمع اسمه Temps (الفصول الاربعه )
حلو ويستحق الزياره
(5)
اوت لت لافيلاج
طبعا هذا الاوت لت تروحون له لما تكونون في دزني
لان من ملاهي دزني الى الاوت لت بالسياره اقل من عشر دقايق
قريب جدا
وممكن تسكنون جنب الاوت لت ومجمع دي يوروب ارخص لكم
(6)
بالنسبه لقصر فرساي
من الشانز الى قصر فرساي Versailles
2كيلو يعني تقريبا نص ساعه بالسياره
واذا بخاطركم تزورون فرنسا المصغرهFrance Miniature
ومكانها تكون بعد قصر فرساي
يعني قصر فرساي بالنص بين باريس وفرنسا المصغره
من فرساي الى فرنسا المصغره بالسياره
7كيلو اقل من ربع ساعه
(7)
بيرسي فيلج
Bercy Village جنب محطه قطارات باريس كير دي ليون
من الشانز 8 دقايق بالسياره
اتمنى وضحت لج الصوره اكثر