lolo13
24-09-2022 - 07:07 pm
بداية أشكر كل من كتب في هذا القسم لأنني استفدت منهم الكثير وهذه المشاركة الاولى لي واتمنى أن اوفق بمساعدة من القائمين عليه
اول مرا حنروح لسويسرا انا وزوجي وطفلين 7و4 سنوات لمدة 11 يوم من تاريخ 29 مايو الى تاريخ 8 يونيو فقسمتها بناءاً على الي فهمتو من المواضيع الى يومين جنيف ونحنا حجزنا عليها بس معرف هيا احسن او زيورخ لانو سمعت اسواق زيورخ افضل
6ايام انترلاكن حننزل ف قريه كوخ chalet sunneschyn مقابل بحيره اظن قرية برينز المهم بعيد عن انترلاكن عشرا دقايق بس ماادري هل فيها امان اولا
طبعا اهم مافي الرحله اولادي ابغى اشياء تناسب اعمارهم ويتبسطو فيها ومانضطر نكنسل اشياء بسببهم
فقلت تتقسم على:- اليوم الاول قمة جنقفارو
الثاني البحيره الزرقا والاوشين سي ومنها الزحليقه بس سمعت في نوع من الزوحليقات ماتناسب الصغار فحبيت استفسر هناك او لا
الثالث شلالات معرف ايش اقرب شلالات لانترلاكن وتكون كبيرا قس باخ او ترومبل باخ
الرابع حديقة حيوان كمان قريت في اثنين وما اعرف ايش اقرب لينا
الخامس قريت انو في سيرك متنقل اذا فيه سيرك كبير يعني مو الدلافين الموجوده ف الملاهي نبغى نروح حتى لوبعيد اظن ف يوزيرن ولايورب بارك ولا ايش هيا هذي
السادس ماعرفت املاه
تبقى ثلاثه ايام باريس يعني دزني والشانزليزيه ومتحف اللوفر لويدخلوه الاطفال
طبعا معرف ايش يقفل الاحد وايش يكون مفتوح ..انا كمان احب الاسواق بس مو الماركات الموجوده عندنا يعني احب تحفهم الي بيتميزو فيها فين الاقيها
وكمان التقسيم تمام او لا ..اتمنى منكم تفيدوني فضلا منكم لا امرا
حياك الله اختي ..والله يسهل لكم سفرتكم .
بالنسبة لتخطيط الايام المبدئي فيها شوية لخبطة وراح ارتبها لكم باذن الله .
لكن التخطيط مزبوط
لكن هل لديكم سيارة للتنقلات ولا بالقطارات ؟؟