حياك الله اخوي
الجو راح يكون بارد بس مو ثلج
اذا في مجال تخلي السفر بالصيف يكون افضل وذا ماعندك غير هالوقت
عادي البس لبس ثقيل وتستمتع
افضل مخطط لك
فينا سالسبورق زيلامسي ميونخ
بس اشوف انو عدد اليالي قليل
الافضل تكنسل سالبورق
ويكون فينا زيلامسي ميونخ
تحياتي لك

وعليكم السلام و رحمة الله و بركاته
أخوي بغيت اتأكد بالأول أنتوا حجزتوا الطيران و لا بعدكم ؟ و شنو محطة الذهاب و محطة العودة ؟
شهر أكتوبر الأجواء بتكون باردة و متقلبة
تقدر تطّلع على هالتقرير كانت رحلتهم في أكتوبر :
هنا https://artravelers.com/p/re/764493

المسافر نت
مرحبا الغالي والله مافي مجال نأجل خصوصا ان كلنا اجازه في هالوقت انا كنت مخطط من نوصل فيينا ع طول نروح زيلامسي وبعدها فيينا ومن فيينا نروح سويسرا وبعدها الرجوع الى قطر
مادري المخطط حلو او اغيره

أم نيوفي
مرحبا
الطيران ليين اللحين ماحجزت انتظر تطلع الفييز هالاسبوع وكنت مخطط ع محطط الذهاب الى فيينا والرجوع من سويسرا لكن اذا في مخطط افضل بالامكان التغيير وبالنسبة الى رابط التقرير خطأ يرجى التأكد منه
يسلموو

أخوي ابو نايف أنت حجزت طيران او لسه
ترى يمدحون الخطوط التركيه وعلى الطريق
توقفها أظن ساعتين في استانبول
ومدة الرحله بتكون أقصر من القطريه
وسعرها أظن كذلك أحسن
ب التوفيق

أخوي بالنسبة للطيران خل خياراتك بعيده تمام البعد عن المصرية و التركية و اللي بمستواها
أنتم عائلة و بالرحلات الطويلة نوعا ما أهم شي الراحة، و التركية جدا سيئة من ناحية المعاملة والتنظيم
عن نفسي أرى القطرية هي الأفضل و الإماراتية طبعاً :")
التقرير في شهر أكتوبر هذا الرابط الصحيح : هنا https://artravelers.com/p/re/155001
وأقترح تكون محطة الذهاب فيينا و محطة العودة ميونخ و ندخّل في الجدول سويسرا
على أن تكون وسيلة التنقل هي السيارة
و ياليت لو تعجل بالحجز أخوي عشان تضمن و تبدأ عقبها خطوة حجز الفنادق والسيارة
بس ياليت تأكد لي هل يناسبكم محطة ذهاب فيينا و عودة ميونخ ؟؟

أخوي حاولت أضبط لك النمسا و سويسرا و ألمانيا على عدد الأيام لكن ما ضبط إلا الجدول التالي :
ميونخ يومين
إنترلاكن 4 أيام
زيلامسي 5 أيام
ميونخ يوم
علماً بأن المسافات طويلة بينهم يعني بيكون تعب عليكم، على النحو التالي :
من ميونخ إلى إنترلاكن تقريباً 4 ساعات
من إنترلاكن إلى زيلامسي تقريباً 6 ساعات
من زيلامسي إلى ميونخ تقريباً ساعتين
لذا أنا أؤيد أخوي المسافر النت إن يكون جدولك كالتالي :
فيينا 3 أيام
زيل آم سي 7 أيام
ميونخ يومين
و تستغني عن زيارة سويسرا لأن بصراحة النمسا أفضل منها من جميع النواحي والسكن في النمسا أرخص نوعاً ما،
ومن ناحية الطبيعة فهم جدا متشابهين مع أفضلية النمسا طبعاً ^_^
أنتظر لك ترد لنا خبر بخصوص الجدول المعتمد عشان نكمل باقي التفاصيل وياليت تستعجل بالحجز لأن ما باقي شي كثير

هلا بك أخوي
ما قصروا الأخ المسافر نت والأخت أم نيوفي
بس أنا حبيت أبدي رأيي في الجمع بين النمسا ويسويسرا ، فبحكم أن مدة رحلتكم قصيرة فأصرف النظر عن سويسرا ورتب لها رحلة مستقلة في وقت أخر ، وخلي رحلتكم مخصصة للنمسا فيننا وزيلامسي وسالزبورغ تراهم حلوين وفيهم أمكان كثيرة تستحق الزيارة ولا يمنع من إضافة ميونخ ، وبالنسبة للترتيب مثل ما تفضلوا .
فيينا 3 أيام
زيلامسي = 6 ليالي ومنها تزور سالزبورغ
ميونخ = ليلتين
ونصيحة اقرأ التقارير وعجل في التجهيز لأن ما بقى على رحلتكم إلا شهر تقريباً
ربي يوفقك
تحياتي وتقديري

هلا وغلا ابوخالد
والله افضل اني اروح دايركت