!


data_travel/uploadphoto.php

اسف على تأخري يا شباب
لكن فرز الصور(ولو انها مهيب زينة بلحيل ولا كثيرة) لكن قد تحتاج الى اعادة تسمية وفرز وتصغير على شان تشاف ببساصطة في المنتدى وتحميلها الى الانترنت ...و قد يحتاج الى وقت ..فأعذروني على التقصير........
آخر الفرسان
اشكرك يا مشرفنا العزيز...على تفانيك في خدمة هذا المنتدى للاعضاء والزوار وجمل الله حالك اخي الكريم
بنسبة لتحميل الصور الموقع يعطيني (( Sorry, you don't have permission to upload photos ))
ولكن سجلت في احط المواقع وانتهيت الحمد لله .. وما قصرت على اي حال
شامان
آخرفرصة
الله يسلمكم وابشرو ان شاء الله بلخير :)

1. سلام مرة ثانية


2. اولا سهولة الحجوزات


3. 2- ارخص اسعار بكثير من مكاتب السفر والسياحة

سلام مرة ثانية

كان عندي صور بنسبة لفينا لكن الشباب ما قصرو والسبب الثاني هو الموضوع يعتبر شتوي فكانت فينا ما يبين فيها شي بنسبة لصور في ذلك الوقت ...ولكن سوف اضع هذة الصور لغراب لونة غير الي عندنا (حتى غرابهم حلو لونة)
طبعا كانت رحلتي الى فينا ثم الى سالزبورق بعدها الى زيلامسي ثم الى باريس
وكانت حجوزاتي عن طريق الانترنت والحمد الله لم اجد مشاكل ابد بل العكس استفت اكثرمن شي

اولا سهولة الحجوزات

2- ارخص اسعار بكثير من مكاتب السفر والسياحة

3-استرجعت بعض الفلوس وذلك بسب ان بعض المواقع الي تحجز عن طريقهم تعطيك مثل الضمان اذا نزل السعر وانت في محل اقامت او قبل الوصول الى محل الاقامة ..يعطونك الفرق من تخفيض السعر..وحصلت معاي في باريس في مقر سكنس هناك
4-اذا سافرت الى مكان ما وانت دافع في مكتب سياحي ..وبعدها غيرت رايك وتريد ان تسترجع فلوسك قد يكون قيها صعوبة ان تحصل عليها..لكن في الانترنت تسترجعها وانت في الفندق مجرد ترسل رسالة وتكنسعل حجزك بيوم او حسب الاتفاقية الي بينك وبينهم
اسف للاطالة واكمل لكم رحلتي
بعد اليوم الخامس انتقلت الى سالزبورق وطبعا المدة كما هو معروفة حوالي 3 ساعات بلقطار للوصول لها وهذي صور الطريق بين فينا وسلزبورق بثلوجها
بعدها وصلنا الى سيلزبورق مساء تقريبا وجلسنا فيها ثلاث ايام في فندق الكراون بلازا ..والفندق تقدرون تقولون ان علية اشوي يعني مدة ثلاث ايام ممكن تسكن فية... اكثر من كذا عن نفسي ما استطيع الا في فندق احسن منة وتقييم الفنادق اعتقد الشباب ما قصرو قبلي
وهدفي من الموضوع نقل صورة عن النمسا في الشتاء والاستمتاع بثلج والتزلج وشرب الهوت تشاكلت والاستمتاع بلجو ..بطعم ونكهة ثانية ..
هذولا اطفالهم يلعبون وسط المدينة
وهذة الصورة في قصر HELLBRUNN ولا تفوتكم البطة طاقها البرد ونايمة
اسمحولي الان.. لتأخر الوقت وسوف انقل الباقي غدا ان شاء الله

والله بصراحه قمه في الروعه والله شوقتنا يامحماس عل مناظر الثلج بعد ماتقريبا نسيتها . عساك عل القوه وواصل وحنا معاك.

ماشاء الله
صور اكثر من رائعة

asim12121
dhln
شكرا على الرد وان شاء الله تعجبكم الصور

1. ولكن حصلتي لي مشكلتين ولا اعتبر ان لها اهمية بنسبة لي..


2. المشكلة الثانية..وهي من الفندق نفسة..


3. الحقيقة ان عندي صور زيادة وان شاء الله سوف اسردها في الموضوع لاحقاً

بعد ما استمتعنى في جو هذة المدينة الصغيرة الجميلة وزيارة امكانها وسوقها الي يأسفني اني مسحت صوره بلغلط مع معظم صور للمدينة ... انتقلت الى زيل ام سي او زيلامسي وكانت رحلة والحمد لله موفقة
وهذة بعض الصور في الطريق
وبعد الوصول الى زيلامسي اتجهت من محطة القطار الى الفدق وهو القراند الى ما يبعد عن الفندق الا 200 متر تقريبا... ولي راي في هذة الفندق
حيث انة كثر الكلام على هذا الفندق بئنهم لا يحترمون العرب ويعطونك غرفة غير الي حجزتها و الخ
والحقيقة ان سالفتي تختلف..الا وهي اني حجزت عن طريق الانترنت من موقعهم ..وكان الحجز جونيور سويت مطل على البحيرة..وكان السعر تقريبا 210 يورو لليلة اذا ما خانتني الذاكرة..وهذا شامل غدا..كامل لشخصين وعشاء كامل كذلك لشخصين..والحق يقال ان الاكل جيد جدا والخدمة اكثر من ممتازة..بل العكس يحجزون لي طاولة في احسن موقع مطل على البحيرة ودون طلب مني لهم بذلك..

ولكن حصلتي لي مشكلتين ولا اعتبر ان لها اهمية بنسبة لي..

الاولى هي في احد الاسواق لبيع الجزم اجلكم الله ان وحدة من الي تبيع كنت اسئلها عن مقاس احد الجزم ولم ترد على وكانت بنت لكن سبحن الله وجهها شاهب وواضح انها تكرة العرب كرة العمى..الله يعميها .المهم رديت وسئلت نفس السؤال..وكان المقصد انها ترد على وتاخذ وتعطي لانها كانت تكلم زميلتا في المحل وجلست انتضر حتى تنتهي لاكن ما عطني وجة..المهم في النهاية ردت وهي رافعة صوتها وتقول انت ما تعرف وما تشوف..قلت لها انا اشوف لكن المقاس مختلف وابيك تردين على وجيبين لي مقاس اكبر...نظرت لي بحقد واستهتار بنفس الوقت واعطتني ضهرها وقامت تتكلم مع زميلتها ..وانا وراها ولا كئني زبون عندها.. ويضحكون بأستهتار..
انا انفعلت الحقيقة ورميت الجزمة في الارض تحت ارجولها وقلتها انتي مو المفروض تبيعين انتي حدك زبالة اكرمكم الله ... طبعا فية محاسبة كانت تشوف المشكلة ولحقتني تقول ايش المشكلة قلتلها انتي تسمعين كل شي والخطاء خطاكم الي حاطين مثل هذي الاشكال تبيع لناس ورحت وخليتهم..

المشكلة الثانية..وهي من الفندق نفسة..

كان حجزي سبع ايام في الفندق ))لين يطيح الي في راسي من التزلج والثلج )لكن في صباح اليوم السادس قررت ان امشي الى باريس اذا امكن وحصلت حجز في الطيارة واذا تسهلت الامور ..شاورت المدام ..وتوكت على الله..ونزلت للاستقبال..
الاستقبال فيثنتين ..وحدة قشرا بعض الشي وتعاملها قوي وغليض اشوي مع الناس(ما ادري على شاني عربي) والثانية حبيبة وعلى نيتها وتعاملها محرتم..
المهم يوم نزلت ذاك اليوم حصلت الثانية الي هي طيبة..وقلتها انا حاجز عن طريق الانترنت عندكم اقد الغي حجزي لبكرة واسافر اليوم..قالت اصبر اشوي اشيك الملف عندي..شيكت قالت لو انت عن طريق مكتب سياحي مانقدر اما اذا عن طريق الانترنت فنقدر على شان شركة الحجوزات على ال نت يكلمونهم ويلغون يوم..
قلت اجل انا رايح لمكتب السفر وبقدم حجزي لليوم وبصلح عفشي ..المهم حجزت ورجعت للفندق ولميت عفشي ونزلت عند الاستقبال واتفاجأ واحصل البنت الثانية الي هي القشرا ..قلت عطيني الفاتورة ابي اوقع عليها..قالت وين قلت مسافر اليوم..قالت بس باقي عليك بكرة تراة محسوب ..قلت لها معصي انا متفاهم انا والبنت الي قبل وقال لي احجز ولا لك هم ..نبي نكنسل لك هذا اليوم ولا رايح ندفعك شي..قالت لا..المهم رفع صوت وهواش ..وتحاول اني اكون انا الغلطان ..قلت لها انا ماعرف عن انضمتكم بس مجرد ما وحدة عندكم في الاستقبل تقول لي شي معناتها انها مسؤلة عن كلامها مهوب توهقوني في شي انا مالي دخل فية..المهم اخر الكلام قالت انت سافر وانا بكلم المدير ونرد علك بعدين..بتصرفني بزعمها وتحطني بلامر الواقع بكرة وتقولي لا بعد ما وصلت باريس...
قلت لها طيب..طلبت سيارة من الفندق وسواق منهم لمحطة القطار بعدين على المطا وطلبت من السواق اذا يعرف رقم المدير وعطاني رقم الجوال ورقم تحويلتةر..وسافرت الى باريس
من بكرة ما كلمتني وبعدها من ثاني يوم كلمت الفندق انا بنفسي وردت على وقالت ما لك امل في استرجاع فلوسك..قلت طيب انا ما اخطيت انتم المخطين اذا كان فية خطاء اصلن..المهم قلت ابي اكلم المدير ..وتقوم وتصرفني ..مرة تقول مشغول بجتماع ومرة تقول اخلية يكلمك بعدين...المهم طفشتني وكلمته على جواله وعطيتة السالفة..وقال الخطاء خطانا ورايح نسترج فلوسك بأسرع وقت ..اخذت ثلاث ايم ورجعلي باقي فلوسي.. ((اخيرا انتهت السالفة )
اسف طولت عليكم..لكن العبرة ان الفندق والادارة قد تكون متعاونين مع الناس الا واحدة تكون حالة شاذة قد تخرب عليك سفرتك كاملة بتعاملها ومحاولة نصبها عليك..لكن بشكل عام الفندق جيد جداً.. وقد تحصل مشاكل اكثر خصوصا اذا كانو مزحومين اوقات الصيف.. فطولو بالكم ووسعو صدوركم ولا عليكم منهمطبعا اول يوم وصلت زيلامسي اخذت هذة الصورة من بلكونة الغرفة وبعدها باقي الصور
هذة الصورة بعد كم يوم
المهم صادقت لي واحد دنمركي مدرب على التزلج وقمت كل يوم يمرني ونروح نتزلج وهو جدا طيب وخلوق الرجال..
طريقة التعليم بطريقتين اما مع الناس وقروبات وهذي رخيصة جدا اعتقد ان الاسبوع مع القروب ما بين 100 الى 150 يورو في الاسبوع وحسب المدرسة..وهي تصلح للي يبي يتعلم بس عندة وقت طويل يعني من اسبوعين وما فوق لان التعلم والانجاز مع القروب يصير اقل..اما الطريقة الثانية
عن طريق تخصيص معلم خاص لك ... وسعر الساعة معاة 50 يورو واغلب الايام اخذة 4 ساعات يعني 50 *4 =200 يورو يومي..والافضل ان يكون معك احد مثلا اخوك او تكونون ثلاثة شباب على شان تحللون قيمة التدريب طبعا غير سعر التلفريك اعتقد بحدود ال 40 يورو واذا اخذتة مدة طويلة مثلا اسبوع تنخفض القيمة كثير..بلاضافة الى استئجار عدة التزلج وهي رخيصة لا تتجاوز ال 25 يورو في اليوم وكذلك كل ما زات المدة كل ما صارت ارخص...
المهم طلعت لاعلا جبل في المنطقة واسمة kitzsteinhorn وارتفاعة 3030 متر فوق سطح الارض يعني نقول15 الف قدم تقريبا
وهذة الصور
شوفو كابرون وش بعدها
هذا منظر من اعلى الجبل
وهذا راس الجبل
هذا صديقي المدرب
في هذي الصورة لو تشوفون في النص تقريبا قي اثنين نازلين بلبرشوت وكان الجو غيم مرة ..وبرد اعتقد في راس الجبل وصلت الى 19 تحت الصفر...وذولا يطبون بلبرشوت في ذا الوقت..وش تقول العقل براحة
تمتع بنضر لخلق الله ..يا سلام حنا فوق السحاب

الحقيقة ان عندي صور زيادة وان شاء الله سوف اسردها في الموضوع لاحقاً

كذلك احب اضيف للي ودة يتزلج يعتبر المكان رخيص مقارنة في اماكن ثانية في اوروبا..كمثال انا تجزلجت في كورتشافل في اطراف جبال الالب في فرنسا من سنتين تقريبا ..الموقع من ارقى المواقع في اوروبا لكن يعيبة الغلا والاسعار المرتفعة في كل شي..وبأذن الله سوف اسرد موضوع مستقل لهذا مستقبلا اذا رئيت ردود فعل وناس متحمسة لذلك
واسف للاطالة وموفقين ان شاء الله