لا شكر على واجب وانا اخوك
واي والله ودنا نسمع راي الاعضاء الي متعاملين ويا سفاري عشان نعرفهم عدل
لاني حتى انا قاعد اراسل مكاتب هناك ومكتب سفاري قاعد يعطي افضل اسعار صراحه

1. فلما طلعنا للمعاينه صار متفق معاه ياخذنا بسيارته كسائق ..

صباح الخير احبتي الكرام .. اتوقع ما احد يعرفهم كثري مو والله ادعاء بالمعرفه لكن صاحب المكتب رياز هاذا لو احد يقول له اسمي او من المدام في السعوديه الي مع عبدالله بيعرف قصدي طبعا مارح اقولكم اسمي مع ان ودي وتستاهلون ..
الخلاصه سفرتنا الاولى لسيرلانكا كنا متفقين مع مكتب عبدالعزيز وزير وكان رياز يشتغل معه بارت تايم في المكتب ..
طبعا عبدالعزيز نكد علي وعصبت عشان حكاية الدفع الفوري وانا مامعي كاش وعطانا السائق وسياره تعبانه والله وكيلكم خلال ساعتين السائق طفشنا من الديره .. فصبيت جام غضبي على عبد العزيز لانه ماراعى انو تونا واصلين ميتين تعب وفيه برود عجيب طبعا دبرنا له الكاش من صراف لصراف وماقدرت طبعا اعطيه المبلغ كامل فقال الباقي بعدين ..
المهم قلت مارح اركب السياره مع هاذا السائق ولن اركب هالسياره التعبانه جيب لي سياره عدله وسائق اختاره على كيفي وطبعا كنا نتفاهم بالانجليزي فعرف اننا نمشي انجليزي وكان رياز واقف طول اليوم بمنتهى الهدوء والادب وهو مايتكلم الا انجليزي مايعرف عربي .. ولما انتبه عبدالعزيز المزعج لرياز خربط معه بلهجتهم وشوي قال عبد العزيز خلاص سوينا اللي تبين

فلما طلعنا للمعاينه صار متفق معاه ياخذنا بسيارته كسائق ..

ومن هنا بدأت معرفتنا به كان في منتهى الادب والذوق ويعرف يتصرف .. ورحنا بيته وجلسنا مع اهله وكانت زوجته توها والده المولود الثالث مهدي والكبار البنت عادله والولد صحيح .. طبعا فيما بعد عرفنا ان وده يشتغل في هالمجال ولو تذكرون كنت حطيت رقمه وقتها وقلت لكم انه فعلا رائع وبحاجه للعمل .. وفعلا السنه الي بعدها رتب لنا رحله عائليه لمدة 21 يوم وكانت مثل ما اتفقنا تماما ومن بعدها واحنا وقرايبنا والاصدقاء نتعامل معه بدون اي شكاوي او تلاعب ... لكن هل يظل كذلك الله اعلم اغلبهم اذا قسا عودهم بالشغله تغيروا .. هذا والله اعلم وشاهد ان كل حرف يحكي الواقع ..

munnar..
يعني اختي لو سمحتي متى اخر مرة طلعتي لهناك ؟
و هل يستطيع تأمين حجوزات في سيرلانكا ام فقط سائق مع سيارة ؟
ارجو التوضيح للأهمية

تحياتي للجميع .. احنا الموسم الماضي رتب اخر رحله لنا لسيرلانكا طبعا حجوزات فنادق وعشاء وسياره ... وقبل اسبوعين صاحبتي توها راجعه من هناك اخذت برنامجها منه ..
وفيه كم عضو بالمنتدى جربوه واثنوا عليه جدا لكن الله يثبته ومايتغير والي يبيني اوصيه عليه يرسل لي عالخاص ولا يكتب اسمه هنا وانا ارسل له رساله عشان خاطركم ....
لانه اذا كان من طرفي ينتبه لهم بزياده .. لانه مازال يقول انه ممتن ومقدر اني اعطيت رقمه للسياح وبيني وبينكم انا قايله له اي خربطه في بكيجاتنا والي من طرفي رح ارجع ابلغ الناس عنها للامانه مثل ما اثنيت عليكم عندهم .. فاتوقع انه حاسب حساب هالشي اكثر من غيره

munnar..
معليش اخوي والله مافهمت شي من السالفة كلها الحين الكلام هذا كله عن مكتب سفاري او مكتب عبدالعزيز ارجو التوضيح

munnar..
السلام عليكم ورحمة الله وبركاته
بارك الله فيك ابنتنا مونار فعلا انا تعاملت معه اخر رحله لي في 18 -6-2011 وكان فعلا جيد جدا في تعامله ولم اجد منه مايسؤء ابدا وقد وفقنا الله بسائق رائع
شايبكم

معليش يمكن انا طولت السالفه وهي قصيره وسامحوني .. لكن الزبده للي مافهم كلامي هو مكتب رياز هو نفسه سفاري لانكا تور .. وحتى الان المكتب ممتاز والي يبي توصيه يبلغني باسمه الي يراسلهم فيه ويبشر
وحيا الله التمساح الحزين مانت شايب ولا شي انت تاج على روسنا ربي يحفظك ويبارك فيك

سلام عليكم
طيب اختي منار مميزة الهند ممكن تديني عنوان الايميل لمكتب سفاري
شاكرا لك
عندي سفره مع زوجتي وشغال بين هالمكاتب ادور العروض

معليش انا طامر في الموضوع عرض
اختي مونار انا عندي حجز مع مكتب سفاري وتكلمت مع رياز واتفقنا على بكج
طامعين اذا فيه توصية نكون ممتن لك
الاسم : khaled basamad
موعد رحلتي 3/9 الى 8/9
وشكرا