هلا بك أخوي وألف مبروك
وبالنسبة لتقسيم الأيام بعطيك أياها وأنت عدل فيه على راحتك
3 روما تكون درت في روما كلها وممكن تنقص يوم أذا ودك أو تزيد يوم وتمر نابولي وجزيرة كابري
2 فلورنس يوم لفلورنس نفسها ويوم لبيزا
2 فينيس يومين تخليك تعيش احلى أيام شهر العسل وانت طالع منها الى سيرموني توقف في فيرونا مدينة روميو وجولييت وتتمشى فيها صبحيه وتتغدى وتكمل طريقك
2سيرموني رائعه وساحره ومدينة عشاق وقريبة منها مدينة جاردا لاند وموفي لاند
2 ميلان يوما لكومو ويوم لميلان ولكن اذا انت بتروح لأنترلاكن خلي ميلان يوم واحد وكومو يوم واحد لأن يوم يكفيها وزيادة
3 أنترلاكن ما اعرف عنها كثير
واتمنى تحجز من الان عشان تكون الفنادق على كيفك وفاضيه
وبالنسبة للتنقل أنصحك تستأجر سيارة ولا تستلمها الا يوم طلعتك من روما
انتظر باقي أسئلتك
تحياتي لك

برجع و اناقشك في موضوع خط السير لانه عجبني ..
يعني من روما مرتبة للشمال ميلانو ..
خط السير و الاماكن ابأجل الحديث فيها شوي ..
لكن ابسألك عن حجوزات الطيران و الفنادق تفضل حالياً !!
الطيران ,, وش افضل الخطوط !! و عادي اخذ ترانزيت

هلا بك أخوي
أنت شف الي يريحك
أنا من الناس الي جربوا السيارة
السيارة في ايطاليا مهمه بالنسبة لي وخاصة في شمال أيطاليا يعني بعد فينيس
وبالنسبة للسعر شوف موضوعي عن استأجار السيارات في توقيعي
سواقتهم جدا سهله ولا فيها لا رهبه ولا شي زي عندنا
والي احبه في السيارة انك تاخذ راحتك في طلعتك وفي روحتك وجيتك
يعني تطلع متى ما تبي وترجع متى ماتبي واحسن لكم بما انكم عرسان
وعادي اذا تبي ترانزيت خذها هو متعب بس مو مرة
لكن يمكن تمل
وأنا ما أدري عن أفضل خطوط لاني ماقيمة القيمة بالخدمة بالراحة
لكن أنا جربت المصرية وبعد أسبوع ونص بطلع بالسعودية
وأفضل لك تحجز من الحين عشان الأسعار تكون أرخص
وحتى الفنادق احجزها من البوكينق
وأذا أنت ما تعرف فنادق انت حدد جدولك وانا بنفسي بختار لك الفنادق
انتظر ردك
تحياتي لك

كما تفضل اخي الخبير llvlloto
افضل مخطط هو اخذ ايطاليا من روما و الاتجاه شمالاً
روما - فلورانسا - ميلانو - فينيسيا - سيرموني - كومو - لوجانو
مو لازم تسكن في فينيسيا و خاصة انك حتكون قريب منها ممكن تجيها نص يوم مرة كفاية
لوجانو او كومو لا تفوتك و اذا قدرت تسكن فيها ممتاز
ميلان ما تستاهل الاقامة فيها الا اذا حبيت انها تكون نقطة وصول و انطلاق للوجهات القريبة لكن المدينة نفسها مافيها عوامل جذب سياحية
ما اتوقع عندك وقت كافي لانترلاكن
افضل استخدام القطارات في ايطاليا بس ممكن بعد توصل ميلانو تاخذ سيارة لما حولها
الخطوط السعودية مباشرة على روما و ميلان بس عيبها طيارات سيئة و ضيقة

llvlloto
الف شكر لك ع التواصل المميز ..
ايضاً ابأجل النقاش في مسألة السير ,,
لاني لم اتأكد من فكرة ضم سويسرا ( انتلاكن - لوجانو ) للرحلة ام لا !!
و بسألك عن التأشيرة ,,
عآدي لو طلعتها هذه الايام لأنهم راح يعطوني 6 شهور ,,
فيها مشكلة لو طلعتها الحين و الا اجلها بعد شهر !!
وفكرة السيارة بدأت تدخل رآسي ,, بس بشوف اذا الصرف يفرق كثير او لا !!
/
Well Done
هلا و مرحبا ..
بالنسبة ل فينيسا في نآس كثير تقول نفس كلامك بس بصرآحة عندي الرغبة
في المبيت فيها ,, بالنسبة ل لوجانو بشوف جدولي اذا ضميت سويسرا بتكون ضمن الفكرة
او ليه لا ممكن من ميلانو اذا استغنيت عن سويسرا ,, بس ياليت لو تحكيني اكثر عن لوجانو
و كومو .. لان كومو في ناس كثير قالوا نهار واحد يكفيها ,, فلو تعطيني معلومات اكثر
عن هذه المدينتين عشان توضح الصورة بالنسبة لي ,,
بالنسبة لميلانو هدفي زيارة للسانسيرو و يوم للمدينة و احتمال تكون انطلاقة للمدن ( لوجانو - كومو )
لان فينيسا ازورها قبل .. فممكن ميلانو يومين او 3 مع المغادرة ,,
بصراحة اشكركم ع التعاون ..
الف شكر لكم

قدم عليها في شهر 8 أريح لك أو شهر 7 وطبعا أقصد ميلادي
والسيارة أنا أحبها وأحسها شي مهم وخاصه في شمال أيطاليا
وانت شوف المصاريف وأختر الي تشوفه مناسب لك
أو سوي ورقتين ورقة بالسلبيات وورقة بالأيجابيات لكل الخيارات
وشوف الي أكثر أيجابيه خذه
تحياتي لك

طيب خط السير ..
2 روما ( ........ )
2 فلورنسا ( ....... )
2 فينسيا ( ........ )
2 سيرموني ( ......... )
3 ميلانو ( ......... )
هنا في الفراغات اعطني توزيع الايام للاماكن يعني اهم الاماكن او المناطق المراد زيارتها و العودة للمدينة نفسها
مثلاً ميلانو تذهب لكومو و ترجع و هكذا ,,
طبعاً ..
خط السير ( روما --> فلورنسا --> فينسيا --> فيرونا --> سيرموني --> ميلانو --> ( كومو - لوجانو )
على فكرة جاردا مدري وين موقعها بينهم ؟؟
/
انتظركم بفارغ الصبر

well done
هلا و مرحبا ..
بالنسبة ل فينيسا في نآس كثير تقول نفس كلامك بس بصرآحة عندي الرغبة
في المبيت فيها ,, بالنسبة ل لوجانو بشوف جدولي اذا ضميت سويسرا بتكون ضمن الفكرة
او ليه لا ممكن من ميلانو اذا استغنيت عن سويسرا ,, بس ياليت لو تحكيني اكثر عن لوجانو
و كومو .. لان كومو في ناس كثير قالوا نهار واحد يكفيها ,, فلو تعطيني معلومات اكثر
عن هذه المدينتين عشان توضح الصورة بالنسبة لي ,,
بالنسبة لميلانو هدفي زيارة للسانسيرو و يوم للمدينة و احتمال تكون انطلاقة للمدن ( لوجانو - كومو )
لان فينيسا ازورها قبل .. فممكن ميلانو يومين او 3 مع المغادرة ,,
بصراحة اشكركم ع التعاون ..
الف شكر لكم
ممكن تبات في فينيسيا بس اعمل حسابك انها اغلى مدينة ايطالية من ناحية السكن و المواصلات و غيره
لوجانو و كومو كل وحدة فيهم يبغالها يوم
نفس الطبيعة تماما
مدن صغيرة على بحيرة
لوجانو ارقى و انظف و مرتبه اكثر
كومو اكثر ازدحاما اكثر توجها للسياح اكثر نشاطات و ارخص
يعني ميلان يبغالك فيها مبدئيا اقل شيء 3 ايام و اليوم الرابع تسافر بحفظ الرحمن
اول يوم السانسيرو و الدومو و الكاستيلو
ثاني يوم كومو و الثالث لوجانو و الرابع السفر ان شاء الله
توزيع الايام انا بعطيك الحد الادني و الاعلى
روما من 3 - 5
فلورانسا 2 كفاية
فينيسيا 1 - 2 تراها مرة صغيرة تلفها على رجولك
سيرموني على بحيرة جاردا و موقعها بين فينيسيا و ميلانو
فيرونا ما اقترح قضاء فيها اي وقت

2 روما ( لو تزيد يوم بعد تطلع احلى وبالنسبة للأماكن السياحية فيها كثير عندك نافورة تيريفي عندك الكولسيوم عندك روما القديمة,الساحات يمكن 4 ساحات ,الدرج الأسباني ,الفتيكان ....ألخ )
2 فلورنسا ( كنيسة سانتا مريا وعندك يوم لبيزا )
2 فينسيا ( فينيس تقدر تخليها يوم لو حاب مع اني أحسها رومنسية وخاصة أنكم شهر عسل ومافيها جدول معين لكن ضيوا هناك ولفوا برجولكم وراح تنبسطون فيه ساحة سان ماركو ينفع فيها السهر وعندك البرج الي في الساحة ترقاه عندك سوق السمك والخضار لازم تمره وعندك الجسر الخشبي وعندك جسر العشاق )
2 سيرموني ( تقع على بحيرة جاردا وعنك سيرموني نفسها تتمشى فيها وعندك يوم تروح فيه يا جاردا لاند أو موفي لاند أنت شوف وش يعجبك وأختار منها ولازم تمر فيرونا وأنت طالع من فينيس لسيرموني وتتغداء فيها )
3 ميلانو ( أنا اشوف 3 أيام جدا كثيرة عليها خليها يومين وتقسم كذا أول يوم وصولك من سيرموني لا توقف في ميلان كمل طريقك لكومو وخلص منها وأرجع لميلان بعد ما تخلص واليوم الثاني خليه لميلان نفسها )
أتمنى اكون أفدتك
تحياتي لك