تحية خاصة عزيزتي أم عزيز
سألتلك خالاتي بجدة ونصحوني بمدرستين تحديداً
مدرسة ثامر في شارع قريش غرب طريق المدينة
وهذا موقعهم الإليكتروني
http://thamerinternationalschool.com/
المدرسة الثانية .. مدرسة دار جنى العالمية .. في حي الروضة تقريباً بجانب القنصلية المصرية
وهذا الموقع الإليكتروني الخاص فيهم
http://www.djis.edu.sa/
في مدارس ثانية لكن ما اعرف كيف مستواهم
مدرسة الروابي الخضراء العالمية .. شارع الامير سلطان .. بجانب مدارس الاندلس
مدرسة زهرة الصحراء العالمية .. شارع الاندلس
مدسة الكون العالمية
نصيحة لكِ تروحي بنفسك للمدرسة وتحضري ع الأقل نص دوام حتى تتأكدي اذا المدرسة تناسبك او لا
وإن شاء الله لو رشحولي مدارس تانية راح ازودك فيها
كل التوفيق لكِ وللأميرة الصغيرة ربي يحفظها
أمل

شكرا أمل على المعلومات الكاملة والوافية >>>>> والله مو غريب عليكي "الفزعة"
ماشاء الله عليكي بالفعل جبتي أفضل الموجود وراح نستغل فترة الاجازة نشوف ونحلل
اللي مستغربة انه مافي أحد في البوابة الغربية مدخل بناته مدرسة خاصة يشاركنا الرأي
ربك يعيننا في إختيار الأمثل لها
وشكرا لكي مرة أخرى
راح اعطيها خبر عن المدارس وعن ردك على موضوعها

هلا بام عزيز وابوعزيز في البوابة....افضل مدارس بنات في جدة : جدة الخاصة - جدة نولدج- بيتي الصغير ...اما الانترناشونال الكويسة ما يقبلوا سعوديين الا بتصريح وهم " جدة برب - كونتينتال- الامريكية - الفرنسية"
بالتوفيق وان شاء الله تلاقوا الانسب لليان

مسلمة لله
مشكورة مسلمة كنت بفقد الامل احد يجاوب بعد امولة
راح اشوف مواقع اللي قلتي عندهم لانه مهم برضوا الموقع

amola12
يعطيكي العافية امل
وبالفعل مختارة اهم المدارس
ومشكورة خالتك ماقصرت والله
صراحة كفيتي و وفيتي حبيبتي
وبسمع بنصيحتك وامر عليهم بعد الاجازة
وتقريبا ثامر وجنى هم الانسب للحين

مسلمة لله
مشكورة اختي مسلمة
مواقع المدارس اللي ذكرتيهم فين بالضبط في جدة لان بيتي على صاري وهل هم قريبين
والانترناشونال قالوا لي مثل كلامك لازم لها واسطة وامرها هين المهم عندي المستوى والموقع

umaziz
العفو شوفي افضل مدرسة انترناشونال في جدة معروف انها الكونتينتال اذا تقدري تجيبي التصريح موقعها في شارع الامير سلطان شمال دوار التاريخ
الفرنسية شارع حراء لمن يجيك البنك الفرنسي لفي يمين تلاقيها
الامريكية شفت الكومباوند الي عكس المستشفى الالماني وراه
جدة نولدج ورا آيس لاند بدون تصريح
اهم شي الانترناشول هاذول يحتاوجوا تقديم من الان ويعطوكي موعد للاختبار يختبروا قدرات الطفل و اللغة وبعدها تعطيهم التصريح وتنتظري موافقتهم و احيانا يكون ما عندهم مقاعد يا دوب تلحقي
http://www.continentalschool.com/page_viewer.asp?page=Welcome+to+our+School&pid=1

حياكم الله..
اللي يحضرني حاليا..
مدارس خاصة:
= البيان - التحلية.
= الشعلة - النعيم.
= الإبداع - حي المسرات.
= الرواد - حي الشاطئ.
= الروابي الخضراء - حي الروضة.
الإنترناشونال:
= الأجيال المتطورة - المحمدية.
= تامر - شارع قريش.
= الهام الصغار - النزهة.
وبالتوفيق ف الإختيار

هلا أختي أم عزيز
الله يوفقك با ختيار المدرسة المناسبه لبنتك
بما أنك يهمك موقع المدرسه فا عندك مدرسة مملكتي الصغيرة بشارع صاري ، بنات صاحبتي فيها مره مبسوطة من مستوى المدرسه بناتها kg2-3 على كلام صديقتي بناتها يتكلمو e مع بعضهم بالبيت
كمان ولد اختي بمدرسه عالميه من دون تصريح اسمها زهرة الصحراء ، سابقا كنت اشتغل فيها
افضل انك تشوفي المدارس الخاصه اول واذا ماعجبتكي شوفي العالميه
وانا في الخدمة إذا عندك اسئلة عن دار الحنان زهرة الصحراء الاجيال المتطورة