ما شاء الله تبارك الله
خطة السير حلوة
وابشور عليك الين يجاوبونك الخبراء
اجمع ايام ستراسبورغ مع رست أو بادن بادن بالنسبة للسكن لأنها متقاربه وتروح لستراسبورغ بالسيارة وترجع في نفس اليوم قريبه
فتصبح خطة السير
ليلة ديفون
4 بادن بادن أو رست
6 انترلكن
ليلة جنيف
تروحون وترجعون بالسلامة

يا هلا والله باابو عمر
نورت
بالنسبه لستراسبورغ وبادن بادن ورست انا ماعندي لهم خطط كثيره واحس ان اربع ايام كثيره بس ابتلشت فيهم ابي من هذي شغله وابي من هذي شغله قلت يالله خل اجلس هناك هالفتره اللي حددت بالجدول
اما اذا كانو فله للتمبله والجلسه للروقاان فليش لا انا اساسا ماني بحب الهجوله
طيب وش رايك بلوقانو بدل ستراسبورغ وبادن بادن ورست وكيف الطريق للوصول له قريت انه صعب جداً

ستراسبورغ ورست وبادن بادن كلها قريبه من بعض اسكن في وحده منهم واتنقل بينهم بالسياره احسن لك
طبعا السكن ارخص ومتوفر اكثر في رست
شوف هالفندق
https://www.booking.com/hotel/de/gaestehaus-durst.html?aid=1300939
هذا فندقين بس ماعندهم الا غرفه رباعيه شوف سعرها وبصراحه روعه يستاهل
4 ليالي يادوب تكفي هالمناطق بس انا اقترح عليك اقتراح رائع خصوصا انكم عرسان
خلوا ليلتين في رست وليلتين في زيرمات رايقه ورائعه خصوصا للعرسان لاتفوتك وهي بين انترلاكن وجنيف يعني ممكن تحطها بعد انترلاكن وقبل جنيف
ليلة جنيف
ليلتين رست
5 ليالي انترلكن
ليلتين زيرمات
ليلتين ديفون
كذا المخطط افضل
وحطيت اول ليله في جنيف ويفضل الفندق اللي ذكرته حلو ممكن تقضي فيه اول ليله وبعدين اخر ليلتين تسكن في ديفون وتتنقل للريف الفرنسي
بس اذا كانت زوجتك منقبه ابعد عن فرنسا لانه ممنوع

idillio
نورت
بالنسبه لستراسبورغ وبادن بادن ورست انا ماعندي لهم خطط كثيره واحس ان اربع ايام كثيره بس ابتلشت فيهم ابي من هذي شغله وابي من هذي شغله قلت يالله خل اجلس هناك هالفتره اللي حددت بالجدول
اما اذا كانو فله للتمبله والجلسه للروقاان فليش لا انا اساسا ماني بحب الهجوله
طيب وش رايك بلوقانو بدل ستراسبورغ وبادن بادن ورست وكيف الطريق للوصول له قريت انه صعب جداً
لوقانو بديل رست وبادن بادن
طبعاً لا وهذي وجهة نضري
لكن ممكن تكون زيرمات مثل ما قالت ( بنت حواء )
انا الطريق اللي سرت عليه من لوقانو إلى انترلكن ما فيه أي صعوبه
وغيره والله ما أدري
ولا اتوقع فيه صعوبه او خطر

اهلين وسهلين بنت حواء
اولا : زيرمات انا ماقد شفت لها تقارير بصراحه
ثانياً : قصة ليلتين ليلتين موكنها تطلع السالفه حمل الشنط ونزل الشنط وانتي وش رايك ؟؟
اللي راح استقر فيها انترلاكن اما بعدها بصير شحططه
مالها داعي ال
تكفخني وانتي تدرين ليه
مين اللي بيرتب الشنط ؟؟!!

أبو عمر الطويل
طبعاً لا وهذي وجهة نضري
لكن ممكن تكون زيرمات مثل ما قالت ( بنت حواء )
انا الطريق اللي سرت عليه من لوقانو إلى انترلكن ما فيه أي صعوبه
وغيره والله ما أدري
ولا اتوقع فيه صعوبه او خطر
طيب الطريق اللي مشيته سريع والا جبلي ؟؟

زيرمات معروفه من احلى المدن شوف هالتقرير عنها
http://www.aboaziz.net/blog/?p=242
والمناطق اللي تقعد فيها ليلتين يعني يومين واليوم الثالث تسلم الفندق وانا اشوف انه انتوا شخصين يعني خفيفين تقدرون تغيرون
و زيرمات تستاهل ليلتين بس لانها منطقه صغيره فيما قمه ماترهون الرائعه
وانت من اول مقسم المدن ليلتين وليله يعني مو انا اللي قسمتها كذا
بس انا رتبتها لك
والامر يعود لك

بنت حواء1429
انا عارف اني مرتبهم على نفس النمط
و آسف وترى ماقصدي اعيب بترتيبك بس " حاب اوصل لافضل نتيجه "
طيب لي عوده بعد التقرير حق زيرمات

زيرمات ابعتمدها بمخطط الرحلة ،، على كذا المخطط بيصير
ليلة جنيف
ليلتين رست
5 ليالي انترلكن
ليلتين زيرمات
ليلتين ديفون
طيب ممكن نتقل لموضوع السكن ،، ؟؟
الشقق وش وضعها بالمناطق ووش الموقع المضمون اللي اقدر احجز منه وهل افضل احجز قبل مااروح او من هناك ممكن تتضبط ، وهل الفنادق افضل
والشقق هل توفر اواني للطبخ ، واذا هي توفر ممكن احصل بالسوبر ماركتز مواد غذائيه للطبخ
طبعا وجه المقارنه هنا بين الشقق والفنادق "بالاطلاله والامان"