و اخيرا
ابتديت موضوعي اللي بصراحه تاخرت فيه كثير لعدة ظروف بس اخيرا وصل
المكان اللي ابتدينا فيه رحلتنا
فنيسيا الساحرة
الخطوط
الجوية التركية ,, و لعدة اسباب اهمها انها الاقرب لفنيسيا من البحرين و الانسب سعراا
وتقييمي لها ممتازه لو ما الانتظار يكون قليل و بعض الاحيان عدم الانضباط في الوقت وراح اذكره لكم متى صار لي بس ما سبب لي اي مشاكل , اما من ناحية الاكل فهو لذيذ جدا و الكراسي و الطائرات جديد و ممتازه
الزمان
8- نوفمبر , و الرحلة كانت الساعه 3,10 فجرا
اللي راح يكون اضافه جديده لي هو تكاليف الرحلة بالتفصيل نوعا ما لكي تعم الفائده على الجميع
نبدء بسعر التذاكر لشخصين وهو 1360 دينار على درجة رجال الاعمال ,, حصلت هالسعر لاني شريت التذاكر قبل شهر و 20 يوم و لا احد يسال جم صارت الاسعار قبل الرحلة باسبوعين او حتى 3
و نبدى رحلتنا
عند باب الطائرة ,,
كراسينا
و قدمو لنا فطور بس من التعب ما عبرت حتى ارد على المضيفه اقولها مابي ههه
و بعدين وصلنا اسطنبول وشهادتي فيها مجروحه و اللي قرى تقريري الصيفي يعرف قصدي زين
و المطار و متوجهين الى القاعه
و القاعه صورتها لكم في تقرير سابق من كم شهر عشان جذي ما حبيت اعيد بس ما يمنع انكم تشوفون ,,
و بعد انتظار دام
3 ساعات و 40 دقيقه وبو حماني احسه يبي يرتكب فيني جريمه
انطلقنا الى طيارتنا اللي راح تقلنا الى فنيسيا ارض الاحلام
وكانت اصغر من اللي ركبنا فيها الاولى طبعا اوسع واحلى
وصورة للمطار وانا على سلم الطياره
و هذي من داخل
و غداء تركي على الخطوط التركية
اولا المقبلات
الوجبة الرئيسية
وجبة بو حماني
و اخيرا بعد رحلة دامت
ساعه و نصف فقط وصلنا
و من المطار
و زحمة الجوازات
و اذكر اني صورت هالصوره و الرجال شك فيني ههه ما يدري اني مصورتها لكم وتم يطالعني ويطالع الجواز وبوحماني يقولي مو وقت تصوير هني
بس مشينا على خير
و عند الشناط اللي هالمره درسناها زين و درسنا احجامها لان اخر مره رحنا فنيسيا ههه كنا ماخذين معانا ملابس لسنه جدام و شكلنا كان
والمطار من بره
و بداية البرد اللي يقرص و لبسنا الجاكيتات
,,,,
و طبعا للتقرير بقية ,,,
انتظروني