ألريان حاليا منطقه مافيها شي بس راح تكوم وحده من مناطق كاس العالم 2022 يعني يمكن تلاكي تحويلات وعفسه بس فنادق ماعتقد فيها عندك اقرب شي السد اضنن عندك شقق المروب رخيصه

فندق مروب بشارع السد سعرة مناسب (س) سؤال .. هل ال6000 ريال (الميزانية) شاملة تذكرة السفر أو بدون؟؟.. إذا بدون التذكرة فالمبلغ مناسب لقضاء 3 أيام مع السكن لأن السكن يمكن يكلفك 1500 ريال وإذا حسبت الطعام والمواصلات يمكن كلها على بعضها 2000 ريال كحد أقصى يعني التكلفة الشاملة للرحلة هي في حدود 3500 ريال ولكن من باب الاحتياط خلها 6000 ريال ..
بخصوص تذكرة الملعب فأعتقد بأن المبلغ بسيط ولكن يفضل أنك تحضر قبل المباراة بساعة أو أكثر بقليل لضمان الدخول !.
أما بخصوص خروجك من المطار عند الوصول إن شاء الله راح تلاقي سيارات أجرة بانتظارك اسمها (كروة) تطلب منهم يوصلونك على الفندق المطلوب وتجلس في الفندق من ثم تطلب سيارة من الفندق أو تاخذ رقم شركة (كروة) وهو اسم شركة المواصلات المحتكرة لسيارات الأجرة في قطر تطلب منهم يجونك عند باب الفندق قبلها بيوم يعني تحجز السيارة قبلها بيوم علشان تضمن السيارة .. يوصلونك إلى الملعب بكل سهولة ويسر إن شاء الله ويفضل أيضاً أنك وقت الحجز تحجز عندهم الوقت اللي تطلع فيه من الملعب علشان يرجعونك الفندق إذا كانت هذه الخدمة متوفرة لديهم .. وبالقرب من الفندق (مروب) في شارع السد تستطيع أن تتجول هناك في المحال التجارية البسيطة وما يميز هذا الشارع هو كثرة المطاعم مما يجعلك تذهب إلى أي مطعم تريد سيراً على الأقدام . والله يوفقك .

السلام عليكم ورحمة الله وبركاته
نصيحة اخوي اجر سياره من المطار ارخص من كروه خصوصا انك جاي لاول مره واكيد راح اتلف في الدوحة
ممكن اتاجر سياره صغيره بسعر 150 ريال في اليوم او200 ريال في اليوم
وانصحك جيب معاك غارمن راح ينفعك في هذه السفره وكل سفراتك الجايه وما راح تتعب وتسال الناس

الله يعطيك العافية أخوي نورس طبعا 6000 بدون قيمة التذكرة
وعلى كلامك ان شاء الله تكفي ولا تخاف ماني منزل منها شيء ههه
الله يعطيك العافية مرة ثانية
وماقصرت
والشكر موصول لأخوي سلف الامة صراحة أتمنى إني أؤجر سيارة لكن صعبة لأول مرة انزل فيه أؤجر
والله يعطيك ألف عافية

لكن سؤال أخوي بالنسبة للفندق هل هو قريب من ملعب الريان حيث تقام المباراة
و إذا كان عندك فكرة عن أسعار الأجرة حقت التاكسي يعني مثلا من المطار للفندق كم يوديني والعكس يعني ومن الملعب للفندق كم أيضا والعكس
انتظر ردك أخوي

بالنسبة للفندق مع الأسف لا يوجد فندق قريب من ملعب نادري الريان .. أما بخصوص أسعار سيارات الأجرة فهي من المطار إلى الفندق المذكور قد تكلفك ما بين 40 إلى 50 ريال .. أما من الفندق إلى الملعب فقد يتعدى ذلك بقليل وهنا تكمن المشكلة عليك أن تضحي قليلاً قد تصرف 150 أو 200 ريال في الذهاب والإياب من الفندق إلى الملعب والعكس .. فمن واقع خبرتي في السفرات عليك أن تضع أسوأ التقديرات في تقدير المبالغ التي سوف تصرفها على سفرتك يعني للتكسي ضع ميزانية 250 ريال في اليوم والطعام ما بين 50 ريال أو 100 ريال في حال تريد أن تتناول وجبات دسمة .. أما الوجبات السريعة ما بين 20 و 25 ريال . والله يوفقك. تحياتي

اخوي اقرب فنادق لنادي الريان هي فنادق نادي السد وتبعد تقريبا من ( 25 دقيقه - 35 دقيقه ) حسب الازدحام
الاسعار تختلف من فندق لفندق
ارخص فندق حاليا السعر 399 ريال

1. السلام عليكم أخووي وصباحك ومساءك بخير إنشاءالله،،


2. أخونا نورس ماقصر معااك وهذا شيء مب غرريب عليه ولا على ربعنا،،

السلام عليكم أخووي وصباحك ومساءك بخير إنشاءالله،،

أخونا نورس ماقصر معااك وهذا شيء مب غرريب عليه ولا على ربعنا،،

بخصوص الموواصلات أنا أعارض أخووي النوورس ولكن مع أخووي سلف الأمة حيث أنك تأجر لك سيارة صغيرة وتوفر على روحك وجع رأس التكاسي والله أنه وجع رأس عندنا وراح تقعد تنطر بالساعة عشان التاكسي ويمكن تحجز لك تاكسي وماراح يجيك في الميعاد لانه الدنيا راح تكون مولعه وزحمه،، وشوف السيارات راح تحصلها تبدأ من 100 ريال في المطار ولو برع المطار في مكاتب التأجير الموجودة في فريج بن محمود والنصر والسد وشارع المطار التجاري تبدأ من 70 ريال،،
المهم بالنسبة للفندق فديتك فندق المروب ترى قديم وأثاثه بعد لك عليه شوي،، فبما إنه ما في فنادق في الرياان فيعني راح بتكون عندك خياراات متعدده أخووي للسكن وراح تقعد ثلاثة أيام إنشاءالله فيعني شوف لك شيء أنظف وأحلى وقريب من الكورنيش فمثلاً عندك فندق مروب الجديد في السووق وقريب من الكورنيش وسوق وااقف مشي ثلاث دقايق وفندق موفنبيك العادي القديم مش الأجنحة وعندك سيف الدوحه الجديد وعندك خيار آااخر وهو فندق هوليدي في منطقة المنتزه وهذي كلها أسعارها ماتتعدى الخمسمائة ريال وعندك بعد فندق ملينيوم في السد وايد حلوو الفندق لكنه غالي وفندق ريجينسي بعد حلوو مدامك شخص برووحك ولكن بعد غالي شووي،،
وبما إنك بروحك بدون عائلة أنصحك تجرب رحلة السفاري عندنا وممكن تحجزها من الفندق الي راح تسكنه،،
وترى بالنسبة أنك تخاف تضيع أو شيء ترى أي أحد توقفه ماراح يقصر معاك ويدليك وترى نحنا في كل مكان موجودين مثل الجنانوه (ههه) ولوحبيت ممكن تتواصل معاانا على الخاص ونساعدك لما تكوون موجود في بلدك الثاني قطر،،
الله يوفقك وأي خدمة آخرى حاضرين وأسف على الآطالة،،

ماشاء الله اخوي المنصوري ماخليت شي وماكتبته