- وأتنمى أن يستفيد منها الجميع
- الأسواق الشعبية
- المجمعات التجارية:
السلام عليكم
أحب أن أكتب بعض المعلومات المهمة والمفيدة للمسافر الى القاهرة ... قبل ما انساها
وأتنمى أن يستفيد منها الجميع
الأسواق الشعبية
1. كرداسة وتقع في منطقة قريبة من الهرم .... وكرداسة قرية ريفية فيها شارع واحد على يمين ويسار هذا الشارع محلات يبيعون الجلابيات والملابس والاكسسورات ... أسعارهم متفاوته من محل لي محل .... والافضل انك تتفق مع ساق التاكسي اللي بيوصلك انه ينتظر وتتفق معاه على السعر من البداية.
2. الغورية : وهو سوق شعبي تدخل في ممر ضيق وتوجد على يمينك ويسارك محلات متنوعة يبيعون الفوط والشراشف والمواعين وغيرها الكثير.....
3. خان خليلي يوجد في الجهة المقابلة للغورية ما عليك سوى عبور الشارع أو عبور جسر المشاه والانتقال الى خان الخليلي ويحتوي على التحف والنحاسيات والجلديات وغيرها الكثير.
4. الحسين : يوجد في منطقة الحسين العديد من المحلات يبيعون كل ما يخطر في بالك وما لا يخطر في بالك ... يكفي أن تجلس على أحد المقاهي وتحط رجل على رجل ويجونك البائعة المتجولين ( بمعدل بائع كل 3 دقائق )
5. وسط البلد : وهو أشهر الاسواق في مصر ويحتوي على عدة شوارع منها شارع فؤاد وشارع طلعت حرب وشارع عبدالخالق ثروت وشارع عدلي وشارع شريف وشارع قصر النيل.
6. روكسي وهو قريب من مصر الجديدة وتقريبا المحلات الموجوده فيه نفسها موجوده بوسط البلد وبعض المحلات موجوده في رمسيس هلتون... لاتنسى وانت تتمشى في الشارع تاكل شوارمة وتشرب عصير مانجو من مطعم أبو حيدر .... طعم الشوارمة لذيذة وايضا عصيرهم.
7. شارع جامعة الدول وأقصد المحلات اللي على سور نادي الزمالك: مثل محلات سمراء للأحذية والمحلات القريبة منه.
8. شارع عباس العقاد في مدينة نصر.
المجمعات التجارية:
1. الملحق التابع لفندق رمسيس هلتون ويعتبر أفضل المجمعات للتسوق .. أنا شخصيا معظم أغراضي شريتهم من هذا المجمع. فيه محلات القطنيات والشنط والاحذية والجزم والجلابيات وكل حاجة.
2. مجمع سيتي ستارز ويقع في مدينة نصر : مجمع فخم جدا ويحتوي على 4 أو 5 فنادق ملاصقة فيه فيه بعض الماركات العالمية وبعض المحلات الراقية كذلك فيه ملاهي للأطفال وسينمات ومطاعم مختلفة وكوفي شوب مثل ستار بكس وسينبون.
3. السراج مول : ايضا يقع في مدينة نصر في الطابق الارضي توجد صالة العاب للاطفال وبليارد والعاب الكترونية وكوفي شوب ...
4. فيرست مول : وهو ابيخ مجمع دخلته يوجد في الطابق الارضي كوفي شوف المينمم شارج حقة 55 جنية تقريبا وفوق فيه محلات معدودة على الاصابع والاسعار مبالغ فيها وخيالية.... ما يسوى العنوه.
5. أركاديا مول ويقع على كورنيش النيل في منطقة اسمها روض الفرج وقريب من فندق الكونراد: انا شخصيا عجبني هذا المجمع فيه فيه كذلك ملاهي للأطفال ومطاعم ومقاهي ... أنصح بزيارته
مرحبا
المطاعم :
1. مطعم قدورة ويقع في شارع جامعة الدول العربية والفرع الأصلي موجود في الاسكندرية ... أنا شخصيا عجبني هذا المطعم جدا جدا وأكله لذيذ .. نسيت أقول لكم ان هذا المطعم للأكلات البحرية .. أول ما تدخل المطعم بتلاقي على يسارك روفوف فيها انواع من الاسماك والجمبري والخثاق والاستكوزا وغيرها من الاسماك اللي ماعرف منها غير البلطي طبعا بتختار اللي تبية وتقول للعامل شنو تحب السمك مقلي والا مشوي... وتصعد فوق وتنتظر أكلك وبالهناء والعافيةنسيت اقول لكم لا تنسون تحلون بالبطيخ وتشربون شوربة السي فود
بخصوص السعر على ما اعتقد يعادل 50 جنية للفرد .
2. مطعم المنوفي ويقع في شارع فيصل بالهرم وهو مطعم متخصص بالكباب والكفتة والحمام المحشي ام ألذ حمام محشي كلته عندهم.
3. مطعم حضرموت اللي في المهندسين وبإمكانك انك تتصل لهم بالتلفون ويجيبونه لك لشقتك والمندي حقهم لذيذ ابقول لكم شي عن مطعم حضرموت يقولون ان اللي في المهندسين هو الاصلي
4. مطعم فلفلة : ويقع في وسط البلد اتوقع شارع فؤاد اذا ماخابني ظني وبعا هذا المطعم سياحي وتاريخي وأكله روعه ولا يعلى عليه ولازم تروحون له.
5. الوالدة الله يحفظها تمدح لي مطعم أبو رامي ... انا ما رحته لأن ما صار عندي وقت اروح له.
6. مطعم العربي. ما رحت له بس الاهل راحوا له ويمدحونه.
7. مطاعم الفاست فود ويا كثرها منها بيتزا هت وماكدونلدز وبرجر كنغ
8. الدمياطي للفول والطعمية في المهندسين.
9. الجحش للفول والطعمية في السيدة زينب.
0- وللي يحب الفطير المشلتت عليكم بفطاطيري الحسين يسوي كل انواع الفطير المشتلت .... روعة ويقع في الحسين في المقاهي اللي في الجهه الخلفية .1- مطعم هبي دولفين : وهو مطعم يقع على النيل مباشرة في المنيل شارع الملك عبدالعزيز قعداته نيلية حالمة وناسه والله وعندهم بحيرة فيها بط وبجع وعندهم كذلك يخت يطلع كل ساعة ياخذك بجولة في النيل لمدة ساعة وسعر الفرد 5 جنية .
وعندهم مينمم شارج 32 جنية للفرد .
أنا عجبني أكل هبي دولفين .. خاصة المشويات والكبدة الاسكندراني لذيذة.
يفضل الحجز المسبق أو الذهاب مبكرا أي في تمام الساعة 11 ليلا حتى تحجز لك مكان.2- فرايديز وهو عبارة عن سفينة ثابتة على النيل ... فيه مجموعه من المطاعم منها فرايدز ومطعم للأطلات البحرية وسينبون ومقهى خارجي. أنا جربت فرايديز وهو مطعم متخصص في الاكلات الاميريكية . بس تبون الصراحة ما ارتحنا فيه تعرفون ليش !! لأنه ما يصلح للعوائل يصلح للشباب فقط ..