روح المسك
17-12-2022 - 11:54 am
بسم الله الرحمن الرحيم
مثل ماهو واضح من العنوان إن التقرير راح يتكلم عن سفرتنا خلال صيف 2010 م ( لدووسلدورف والمناطق والبلدان اللي حولها ) بعد مشاورات كثيره بين السكن في كولون أو دووسلدورف استقرينا على الأخيره ، وبعد مشاورات كثيرة بين ميونخ وبين دووسلدورف استقرينا على الأخيرة ولسبب واحد ان في صيف 2007 م زرنا ميونخ والمناطق والبلدان القريبة منها ، والحمدلله اختيارنا خلانا نطلع بسفرة حلوة وموفقة من جميع النواحي .
والأكيد التخطيط للسفرة يبتدي من منتدى العرب المسافرون وقوقل وغيرها من المنتديات ، وبعد ماستقرينا بلشنا بالحجز قبل السفره بشهر والحمدلله كل شي كان تمام اللهم الفندق كنا نبي في الإنتر كونتيننتال بس مالقينا طول مدة السفرة فاستقرينا على الهوليدي إن .
راح احط لكم المختصر الخاص بالحجوزات :
منطقة السكن : دووسلدورف duesseldorf .
اسم الفندق : هوليدي إن سيتي سنتر Holiday Innduesseldorf city centre koenigsallee .
الخطوط : الإماراتية .
مسار الرحلة : الدوحة - دبي - دووسلدورف - دبي - الدوحة .
التاريخ : 21/7/2010 م حتى 9/8/2010 م نوصل قطر : 10/8/2010 م
وقت الإقلاع :9:45 صباحاً بتوقيت قطر ، وقت الوصول : 7:30 مساءاً بتوقيت دووسلدورف .
وقت العودة : 3:00 عصراً بتوقيت دووسلدورف ، وقت الوصول : 2:30 فجراً بتوقيت قطر .
بسم الله نبدأ تقريرنا لدووسلدورف
رحلتي الى ألمانيا
البداية كانت في مطار الدوحة الدولي سوينا التشك إن وعلى طول رحنا على صالة الإنتظار ، وماقدرت أخذ الا صورة 1 ، والقاعة حلوة وهادية بس تبقى الصالات اللي في مبنى القطرية الخاص بالدرجة الأولى والبزنس أحلى وأشرح وفيها خدمات أكثر
وبعدها رحنا للبوابة عشان تبتدي رحلتنا إلى دبي ، والحمدلله كانت رحلة خفيفة وموفقة وماعانينا من شي اللهم ضيق الكراسي ، طول مدة سفرتنا من إلى كانت الطيارات صح كبيرة بس الكراسي ضيقة للأسف اللي هي اصغر حجم .
وهنا أول ماوصلنا مطار دبي بتلقون خدمة عربات الأطفال في كل مكان ومجاناً وتسلمونها عند باب الطيارة أو في الأماكن المخصصة لها
طبعاً مطار دبي كبير وحلو وفيه خدمات لاتعد ولا تحصى ، من أروع المطارات ، ونزلت طيارتنا عند المبنى الجديد وانطلقنا لصالة الإنتظار وكانت ماشاء الله كبيره ومليانه ناس وفيها خدمات حلوه بس عيبها الحر لانها مفتوحه من كل مكان على الدور الأول + ان الزجاج منفذ سهل وقوي للشمس فكانت حاره بشكل لايطاق ويالله لقينا فتحات تكييف وقعدنا تحتها ، ومن الزحمه ماقدرت اصور الا صورتين لكن هالصورتين ظالمين جمال الصالة
وبعدين حان وقت الإنطلاق إلى
عن طريق الخطوط الجوية الإماراتية