ابشارك معكم من واقع خبره هذا الاسبوع 17/ 7/2010شريت تذاكر ديزني من كسيمي وبالتحديد في شارع افالون ومكتوب علي الاكشاك او البركسات البياعين تذاكر مخفضه دخلت عليهم وشريت ثمان تذاكر ديزني ثلاثة ايام والحقيقة وانا ادفع اصابني خوف ان التذاكر تكون مضروبه وماتمشي عند بوابات ديزني ولا يقبلون الا كاش مني وعندهم (آيتم ) مكائن الصرف البنكيه لكن جربتها وطلعت تمام التخفيض عندهم تقريبا 40 في الميه الكبير 140 دولار والصغير 120 دولار واليونفيرسل 90 دولار يومين التخفيض عندهم مغري الغريب في الموضوع انهم يشرطون عليك اعادة التذاكر لانهم احيانا يعطونك تذاكر سنويه شغلهم فيه لفه ماهي نظاميه لكن التخفيض مغري وشغلهم سريع والعالم زحمة عندهم شكلهم مسوقين لكل الفعاليات في اورلاند من السيرك الى السي ورد باختصار الانسان الباحث عن التوفير اعتقد انهم افضل اسعار من الفنادق او من الشركات مباشره والسلام ختام مع تحياتي للجميع .